Jeremiah 8:6
24 交叉參考
But den, get da odda peopo dat stay feel jalike dey real sked wen dey in front Da One In Charge. All dem talk wit odda guys dat tink da same ting jalike dem. Da One In Charge, he lissen plenny an hear wat dose guys tell. He write down eryting on top one paypa dat stay in front him, fo no foget wat da peopo tell. Da One In Charge do all dat fo da ones dat stay feel jalike dey real sked in front him, an dat tink plenny bout wat kine god he stay.
Da odda peopo dat neva mahke from da big trouble, dey still yet no come sorry an no pau do bad kine stuff. Dey still yet go down in front da bad kine spirits an da idol kine gods. No matta dey make da idols wit gold, silva, bronze, stone, an wood. An no matta da idol kine gods no can see, o hear, o walk, notting!
“Run up an down da streets inside Jerusalem town. Look aroun an tink hard. Look inside all da open places. If you guys can find one guy dea Dat can tell wass right an wass wrong, One guy dat fo real kine like know wass true, Den I goin let go all da peopo inside Jerusalem Fo da bad tings dey wen do, An hemo dea shame.
All da Israel peopo wen make deaf ear fo da rules you wen teach, an go da odda way from you, an tell dat dey no goin lissen you. “Az why, jalike you wen drop on top us guys all da bad tings dat Moses yoa worka guy wen write down inside da rules. You wen make one promise dat dese bad tings goin happen if us guys no do da tings we wen make one deal wit you fo do. All dat bad stuff stay happen to us cuz we do bad kine stuff agains you.
Me, Da One In Charge, I tell da Jerusalem peopo, ‘Fo shua you guys goin get choke respeck fo me now, An lissen wen I teach you how fo do da right kine stuff.’ If dey do dat, den I no need wipe out da place wea dey live, An I no need punish dem all da ways I wen tink bout. But still yet, dey stay amping out Fo do all kine pilau kine stuff.”
廣告