Jeremiah 8:22 - Hawaii Pidgin Bible

²² Fo shua, Gilead side get medicine An docta ova dea! Cuz da peopo I love stay hurt. So, how come no mo nobody fo make um feel good?!”

Jeremiah 8:22 交叉參考

Jeremiah 46:11

“You Egypt peopo, You weak, jalike one young girl, Go up Gilead side An try get medicine from dea. But wase time you try fo get all kine medicine! Cuz no way you goin come good!

Start 37:25

Afta dat, da braddah guys sit down fo eat. Dey look, an spock plenny guys from da Ishmael ohana stay come from Gilead side. Da guys all go Egypt side togedda. Dey get plenny camels, an da camels stay carry stuff fo sell Egypt side, sap from da trees dat smell nice, diffren kine sap fo make perfume, an bark from da trees fo incense.

Jeremiah 51:8

Wen da Babylon peopo tink notting bad goin happen, Right den an dea dey goin fall down an come all bus up! Cry fo da Babylon peopo! Bring medicine cuz dey hurt! Maybe dey can come good.

Luke 8:43

An had one wahine ova dea dat stay bleed twelve year. She wen pay eryting she get to da doctas, but nobody can make her come good.

Start 43:11

Den dea faddah Israel tell um, “Kay den. If az how gotta be, den az how goin be. So do dis: go get da bestes kine stuffs dat come from dis land. Take um wit you inside yoa bags fo make present fo da main man—litto bit sap from da kine bush dass good fo medicine, litto bit honey, da kine sap you get outa da tragacanth root, myrrh, pistachio nut, an almond nut.

Jeremiah 9:1

I like my head come jalike one spring fo watta, An my eyes jalike one fountain fo my tears come out! Cuz I like cry plenny, day time an nite time, Cuz plenny peopo get kill, an dey my peopo.

Jeremiah 14:19

You Da One In Charge fo real kine! So how come you make deaf ear to da Judah peopo?! You hate da Jerusalem peopo, o wat?! How come you wack us guys Fo us no come good, aah?! We wait fo eryting come okay an no mo war, But notting good stay happen. We wait fo tings come good, But we ony stay real sked.

Sad Song 2:13

No mo notting I can tell fo help you guys! You Jerusalem peopo, no mo nobody stay suffa jalike you guys suffa! I no can talk bout wat happen to odda peopo, Fo help make you guys feel mo betta! Yoa cut stay real deep, jalike da ocean. Who goin make you come good?! Nobody!

Census 32:1

Da Reuben ohana an da Gad ohana get plenny cows, sheeps, an goats. Dey see dat da Jazer an Gilead land stay one good place fo put da animals.

Jeremiah 6:7

Jalike plenny watta come outa one spring, Az how plenny bad kine stuff come outa da Jerusalem peopo. I ony hear Who get hurt o who get wipe out. Dass all I hear! I see dat all da time Da peopo dea stay sick an hurt.

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Jeremiah 22:6

Dis wat Da One In Charge tell bout da palace fo da Judah king: “No matta da palace nice looking An stay fo me jalike da Gilead fores An da fores on top a da Lebanon Mountains, I goin make um come jalike da boonies, Jalike one town dat no mo peopo.

Ezekiel 27:17

Da Judah peopo an da North Side Israel peopo trade stuffs wit you Tyre peopo. Dey trade da wheat from Minnit, an da sweet stuff, honey, olive oil, an lotion you get from da tree sap fo yoa stuffs.