Jeremiah 8:2 - Hawaii Pidgin Bible

² Dey goin put da bones on top da groun so da sun, da moon, an all da stars inside da sky goin shine on top um cuz da sky kine gods, az da ones da Jerusalem peopo get love an aloha fo an work fo. Dey follow da sky kine gods, an dey aks um wat fo do, an dey go down in front um fo show um respeck. No mo nobody goin pick up da bones fo bury um. Dey goin stay on top da groun jalike dey rubbish.

Jeremiah 8:2 交叉參考

2 Kings 23:5

Josiah throw out da fake pries guys dat work fo da odda gods, da ones dat da odda Judah kings wen give da job fo burn incense on top da sacrifice places on top da hills nea da Judah towns, an da ones nea Jerusalem. Dose pries guys, dey da ones dat burn da incense fo Baal, fo da sun an da moon gods, fo da gods dey see in da stars inside da sky, an fo all da odda star kine gods.

Jesus Guys 7:42

So God make jalike he donno dem, an let dem go down an pray to da sun an da moon an da stars. Dat happen jalike da guy Amos, dat talk fo God long time befo time, write down. He tell, “ ‘You Israel peopo, Dat no was fo me you make sacrifice fo, Forty year inside da boonies! Nah!

Jeremiah 9:22

So tell um, “Dis, da message from Da One In Charge: Da mahke bodies all ova da place, Jalike rubbish all ova da country side. Da mahke bodies jalike wheat dat some guy wen harves, But no mo nobody dea fo pick um up fo bury um.”

Rules Secon Time 4:19

An wen you guys look up inside da sky an see da sun, da moon, an da stars—all da tings dat get inside da sky—no tink you gotta go down pray to dem an do stuff fo dem, notting. Yoa God, Da One In Charge, wen make all dose tings! He give um to all da peopos inside da world.

Zefaniah 1:5

I goin wipe out da peopo dat go on top dea flat roofs Fo go bow down in front Da sun, da moon, an all da star gods. An I goin wipe out da peopo dat use my name ‘Da One In Charge’ fo pray to me, An same time dey use da Molek god name fo pray to him too.

Ezekiel 8:16

Den he take me to da inside open lanai aroun Da One In Charge temple. Ova dea, nea da Temple door, in da middo wit da Temple lanai on one side an da altar on da odda side, get bout twenny-five guys. Da Temple Fo Da One In Charge stay in back a dem, an dey stay look to da east side. Dey stay go down on top da groun in front da sun god on da east side fo show respeck.

Jeremiah 36:30

Az why me, Da One In Charge, tell dis bout Jehoiakim, da king fo Judah: He no goin get nobody from his blood line fo sit on top David throne. Da peopo goin throw out his mahke body, an da body goin stay in da hot sun an in da cold, nite time.

Jeremiah 22:19

Dey goin bury him jalike he one mahke donkey. Dey goin drag um outside da Jerusalem town gate An dump da body ova dea.

Jeremiah 19:13

Da houses inside Jerusalem an da houses fo da Judah kings goin come pilau cuz a all da mahke bodies, jalike dis Tofet place. Dis cuz dey burn incense on top dea flat roofs fo all da gods in da sky, an pour out drink sacrifice fo da odda kine gods.’ ”

Jeremiah 16:4

“Dey goin mahke cuz a all bad kine sick. No mo nobody goin stay sad inside an cry fo dem. No mo nobody goin bury dem. Dea mahke bodies goin lay on top da groun jalike rubbish. Dey goin mahke from da war, an cuz no mo food. Dea mahke bodies goin come food fo da birds an da wild animals.”

Songs 83:10

Da time oua peopo Wen wipe dem out nea Endor, An da mahke bodies wen rot An come jalike manua Fo da groun ova dea.

2 Kings 21:3

Manasseh go back to da odda gods, an build um up one mo time, all da sacrifice places dat his faddah Hezekiah wen wipe out. An he make altars fo da god Baal, an make one tiki pos fo da place dey pray to da wahine god Asherah, jalike Ahab da Israel king wen do. He go down in front all da stars an da sun an da moon, cuz he make jalike dey gods, an pray to um.

Zefaniah 1:17

Me, Da One In Charge, I goin make da peopo come bum out. Dey goin walk jalike dey no can see notting, Cuz dey wen do bad tings agains me, Da One In Charge. Dea blood goin pour out jalike watta. Dea guts goin come out jalike doodoo.

Teacha 6:3

Maybe one guy get hundred kids an live long time. But if he no stay good inside bout da good tings he get, an peopo no show respeck wen dey bury him, den no matta how long da guy stay alive. Dis wat I tink: One bebe dat mahke awready wen he born, stay mo betta den da guy.

2 Kings 21:5

Inside da two open lanai aroun da Temple Fo Da One In Charge, he go build altars fo all da star kine gods an da sun an da moon.

2 Kings 17:16

Da peopo no lissen all da tings dea God, Da One In Charge, wen tell um fo do. Dey even make two idol kine gods from metal fo dem pray to, dat look jalike bebe cows. Dey set up poses fo da wahine god Asherah. Dey go down in front da sun an moon an all da stars inside da sky jalike dey gods, an dey let da Baal god be dea boss.

Rules Secon Time 17:3

Dat mean dey broke his rules, cuz dey bow down in front odda gods an show respeck to dem, o to da sun, da moon, o da stars.

Songs 53:5

Bumbye, someting goin happen ova dea Fo make dem guys come real sked, Mo plenny sked den was befo time. Cuz wen da peopo dat stay agains you Put dea army camp in front you, You goin make dem all come shame. An God goin kill um An throw dea bones all ova da place, Cuz he tell “Laytas” to wat dey do.

Jeremiah 14:16

An da peopo dat lissen dem, dey goin mahke too inside Jerusalem, cuz dey no mo food, an da army guys goin kill dem wit swords too. Da army guys goin throw out da mahke bodies on top da streets. No goin get nobody fo bury dem, o dea wifes bodies, o dea boys bodies, o dea girls bodies. I goin make all da bad kine stuff dey do happen to dem.

Jeremiah 16:11

Den you tell dem, ‘Dis wat Da One In Charge tell: Yoa ancesta guys wen bag from me. Dey stay tight wit odda gods, dey work fo dem, an dey go down an pray in front dem. Dey bag from me, an no do wat my Rules tell.

Jeremiah 31:40

Inside da valley wea dey throw da mahke bodies an da ashes, an on da fields on da side a da valley from dea to da Kidron Stream, den to da corna nea da Horse Gate on da east side, all dat goin stay spesho fo me, Da One In Charge. Nobody goin bus up Jerusalem one mo time.”

Ezekiel 6:5

I goin put da Israel guys mahke bodies down in front dea idol kine gods. An you guys, I goin throw yoa bones all aroun da places wea you put sacrifice.

Ezekiel 29:5

I goin dump you inside da dry boonies, you an all da fish from yoa Nile Riva channels. You goin fall down inside one open field an mahke dea. Nobody goin bury you. I goin let da wild animals on da groun an da birds in da sky grind you.

Songs 83:11

Make dea alii guys come Jalike Oreb an Zeeb. Make all dea leada guys come Jalike Zebah an Zalmunna,

Jeremiah 9:20

Now, you wahines, lissen up wat Da One In Charge tell! Open yoa ears fo hear! Teach yoa girls how fo cry. Teach each odda da funeral songs.

Jeremiah 9:21

Teach um lidat, cuz da way us stay now, Jalike oua enemy guys stay come inside thru oua windows fo kill, An inside oua strong wall. Jalike fo wipe out da kids on top da streets An da young guys inside da parks.

Jeremiah 16:6

“Da importan peopo an da not so importan kine peopo, dey all goin mahke inside dis land. No mo nobody goin bury dem, an no mo nobody goin stay sad inside an cry fo dem. No mo nobody goin cut dea body o make dea head bolohead fo show dey stay sad inside.

Jeremiah 25:33

“Dat time, da peopo Da One In Charge goin kill, you goin see dea bodies all ova da place, from one side a da earth to da odda side. No mo nobody goin cry fo dem. No mo nobody goin take away da bodies. No mo nobody goin bury dem. Dea mahke bodies goin stay ova dea jalike rubbish all ova da groun.

Ezekiel 39:5

You goin fall down mahke on top da open fields. Cuz az wat me Da One In Charge, da Boss, promise fo do.