Jeremiah 8:15 - Hawaii Pidgin Bible

¹⁵ Us guys like eryting stay okay, But no mo notting good happen. Us guys like fo notting bad happen to us, But us guys ony stay real sked.

Jeremiah 8:15 交叉參考

Jeremiah 14:19

You Da One In Charge fo real kine! So how come you make deaf ear to da Judah peopo?! You hate da Jerusalem peopo, o wat?! How come you wack us guys Fo us no come good, aah?! We wait fo eryting come okay an no mo war, But notting good stay happen. We wait fo tings come good, But we ony stay real sked.

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!

Micah 1:12

Da peopo inside Marot, da Bad Taste Town, dey wait fo somebody help dem. Dey suffa, cuz bad kine stuff happen to dem from Da One In Charge. Da army guys dat stay agains us guys stay come all da way By da Jerusalem town gate awready.

Jeremiah 8:11

Da peopo I get love an aloha fo Jalike dey stay all bus up! But da guys dat suppose to talk fo me an da pries guys, Dey ony put on top dem small kine bandage Cuz dey tink da peopo not importan. Dey tell, ‘Erything stay okay!’ But no mo notting stay okay!

Jeremiah 4:10

Wen I hear dat, I tell, “Eh! You dat stay in charge a me! Bummahs! Fo shua, you wen bulai dese peopo an da Jerusalem peopo good, wen you tell, ‘Eryting goin go good fo you guys!’ same time da odda army guys pull knife fo cut oua throat!”

Job 30:26

But wen I wait fo da good kine stuff fo happen, bad stuff happen! Wen I look fo light, da dark come.

Jeremiah 6:25

No go out inside da fields. No walk on top da roads. Cuz da guys dat come fo fight you get swords. Dey stay come from ery side, so stay real sked!

Jeremiah 12:12

On top all da hill tops inside da boonies wea no mo notting can grow Goin get plenny guys dat like come rip off stuff. Cuz goin get war! Jalike Da One In Charge use his sword fo kill da peopo From one side a da land to da odda side! No goin get nobody stay safe ova dea.

Ezekiel 7:25

Da Israel guys body goin shake all ova cuz dey all sked. Dey like eryting come good, but dass not goin happen.