Jeremiah 7:34 - Hawaii Pidgin Bible

³⁴ Inside da Judah towns an da Jerusalem streets, no mo noise goin come from dea, from peopo dat stay good inside, da ones dat get good fun. No goin get wedding party kine noise cuz da whole land goin come all wipe out.”

Jeremiah 7:34 交叉參考

Jesus Show 18:23

No mo light from da lamp goin shine inside yoa town one mo time. No mo bride an groom. Yoa trader guys was da mos importan guys inside da world! But you wen make da diffren peopos all ova da world go da wrong way!

Hosea 2:11

I goin stop all her religious ceremonies, Da spesho times she make ery year, Da new moon spesho times, da Res Days, An all da odda spesho religious ceremonies.

Ezekiel 26:13

I goin make you guys pau sing all dat noisy kine song, an pau play da music from yoa harps. No mo nobody goin hear um no moa.

Jeremiah 25:10

I goin make shua dat no mo nobody from Jerusalem goin stay good inside o like make party. Even da bride an groom no goin say notting. No goin get noise from da stones dat make da wheat flour, an no goin get light from da olive oil lamps.

Jeremiah 16:9

Me, Da One In Charge, Da God Ova All Da Armies, an da God fo da Israel peopo, an dis wat I tell: Dis wat I goin do in front you guys wen you guys still stay alive. I da One goin make um so nobody stay good inside an like make party. No mo nobody inside dis land goin feel good an get good fun. You guys no goin hear da bride an groom an da wedding party no moa.

Isaiah 1:7

You guys land, nobody can live dea. Yoa big towns stay all burn up. You see da odda peopo take away All yoa food from yoa fields an eat um. An peopo from odda places take um ova.

Prieses 26:33

I goin make you guys go all ova da place wea all kine peopos stay. I goin take out my sword an go afta you guys. You guys land goin come good fo notting, an yoa towns, goin come all bus up.

Micah 7:13

All dose countries goin come empty jalike da boonies, Cuz a all da bad kine stuff Da peopo dat live dea stay do.’ ”

Jeremiah 4:27

Dis wat Da One In Charge tell: “All da land goin come bus up fo nobody live dea. But I no goin wipe all dem out.

Isaiah 3:26

Inside da gates a Jerusalem town, Da wahines goin sit down on top da groun, An cry an stay sad inside cuz no mo dea guys.”

Jeremiah 33:10

Dis wat Da One In Charge tell: “You guys still goin hear stuff bout dis place. Peopo talk bout how stay all bus up, an no mo peopo o animals. But inside da towns Judah side an da Jerusalem streets dat befo time stay all bus up an no mo peopo o animals ova dea,

Isaiah 6:11

Den I aks him, “Boss, how long I gotta do dat?” An he tell, “Till all da towns stay all bus up An no mo peopo live dea, An all da house no mo peopo inside, An all da land stay dry an all wipe out.

Songs 78:63

Da war eat up dea young guys Jalike fire wen kill um. Dea young girls, Nobody sing wedding song fo dem Cuz no mo nobody fo dem marry.

Jeremiah 22:6

Dis wat Da One In Charge tell bout da palace fo da Judah king: “No matta da palace nice looking An stay fo me jalike da Gilead fores An da fores on top a da Lebanon Mountains, I goin make um come jalike da boonies, Jalike one town dat no mo peopo.

Jeremiah 27:17

No lissen dem! Work fo da Babylon king, so den you guys goin stay alive! No need dis town come all bus up!

Jeremiah 44:6

Az why I come real huhu agains da peopo inside da Judah towns an on top da Jerusalem streets. Cuz I wen get mad, da towns stay all bus up an no mo peopo dea now.’

Sad Song 5:14

Da older leadas stay away from da town gate now. Da young guys no play dea music no moa.

Job 3:7

I like fo no odda bebes born dat nite, An fo nobody hear somebody yell cuz dey stay good inside.

Jeremiah 4:26

I look, an da land dat wen get plenny fruits, Now ony get boonies dea. All da towns stay bus up, Cuz Da One In Charge stay real huhu.”

Jeremiah 33:11

bumbye peopo goin hear laughing an singing, an peopo dat stay good inside, an wedding parties, an peopo dat bring animals to da Temple Fo Da One In Charge fo make sacrifice dat tell God ‘Mahalo plenny!’ Da peopo dat bring sacrifice animals goin sing lidis: “ ‘Fo Da One In Charge, Da God Ova All Da Armies, tell um: Mahalo plenny! Cuz Da One In Charge stay good! He stay tight wit his peopo foeva!’ Cuz I goin give back good kine stuff fo eryting in dis land come jalike was befo time.” Az wat Da One In Charge tell.

Ezekiel 7:11

Da guys dat like bus up erybody, now dey come jalike one stick fo wack da bad kine peopo! Dass why nobody stay—No mo big noise from da crowd, no mo peopo dat make high makamaka!

Hosea 2:13

I goin punish her fo all da times She go burn incense fo da Baal idols. She put on plenny rings an jewelry. She go wit da guys dat make sex wit her, But she foget bout me.” Az wat Da One In Charge tell.