Jeremiah 7:14 - Hawaii Pidgin Bible

¹⁴ Az why I goin bus up dis Temple, jalike I wen do Shiloh side! No matta da Temple stay fo show erybody wat kine god me. No matta you guys trus dis Temple, an no matta I wen give um to you guys an yoa ancesta guys.

Jeremiah 7:14 交叉參考

Jeremiah 7:4

Wen you guys hear ova an ova, “Dis hea, az da Temple Fo Da One In Charge, da Temple Fo Da One In Charge, da Temple Fo Da One In Charge!” Az not true, you know! No trus da tings peopo tell you guys. All dat no goin help you guys!

Jeremiah 7:10

An den! You guys come stan in front me, inside dis Temple dat get my name fo show erybody wat kine god me. You guys tell, “No mo nobody goin bus up us guys! No worry! Dass okay we do all dis pilau kine stuff!”

Songs 78:60

God wen bag from da tent Dey wen put up Shiloh side, Fo be da place wea da peopo Can come togedda wit God.

2 Kings 25:9

He burn down da Temple Fo Da One In Charge, da king palace, all da houses inside Jerusalem, an ery importan building.

Rules Secon Time 28:52

Dey goin put army guys all aroun da big towns inside yoa land, fo nobody go inside o come outside, till da tall strong walls aroun da towns fall down, da ones you guys wen trus fo help you. Dey goin put dea army guys aroun all da towns inside da land dat yoa God, Da One In Charge, stay give you guys.

Ezekiel 24:21

fo tell da Israel ohana peopo dis message: Lissen up! I almos ready fo make pilau da place dat stay spesho fo me. Dass my Temple! Az da place wea you guys feel proud, cuz you figga dat place goin proteck you, az da place you like da bestes, an az da place you get plenny love an aloha fo. But wen da Babylon guys make you guys prisonas an take you away, yoa boys an girls you no can take wit you, goin get kill wit swords!

Sad Song 4:1

Bummahs! Oua bestes peopo stay jalike gold dat no shine no moa, Jalike pure gold dat no worth notting! Da jewelry stones from da Temple Stay scatta all ova da streets.

Sad Song 2:7

Da Boss tell “Laytas” to his altar. He bag from da Place Dat Stay Spesho Fo Him. He let da peopo dat stay agains us guys Take ova da palace walls. Dey make noise inside da Temple Fo Da One In Charge Jalike wen get da spesho religious ceremonies.

Jeremiah 26:18

“Wen Hezekiah stay da Judah king, Micah from Moreshet wen talk fo God. He tell all da Judah peopo, ‘Dis wat Da One In Charge, da God Ova All Da Armies, tell: “Zion Hill wea da Temple stay goin come jalike one field somebody wen plow. Jerusalem town goin come jalike one big rubbish pile! Da hill fo da Temple goin come one hill wit plenny trees all ova.” ’

Jeremiah 7:12

Da One In Charge tell, “Now go my place inside Shiloh town. Dass da firs place I wen put my big Tent fo show erybody wat kine god me. Go look wat I wen do to dat place, cuz my Israel peopo wen do real bad kine stuff.

Isaiah 64:11

Oua awesome Temple, dat stay spesho fo you, Wea oua ancesta guys wen tell Dat you da greates, Dat all burn down. All da nice tings we wen get, All one pile a junk now.

2 Records 7:21

Dis Temple was da numba one place hea, you know. But bumbye erybody dat go by um goin tell, ‘How come Da One In Charge wen make bad to dis land an dis Temple?!’

Rules Secon Time 12:5

“But you guys gotta find da place yoa God, Da One In Charge, goin pick from all da place wea yoa ohana peopo goin live. He goin put his name dea an stay dea, an you goin go dea fo show love an respeck fo him.

Jeremiah 23:39

Az why I goin dump you guys fo shua, an I goin throw you outa wea I stay. I goin do da same ting fo all da odda peopo inside Jerusalem town, no matta I wen give da town to you guys an yoa ancesta guys.

Ezekiel 23:31

You wen live jalike yoa sistah, az why I goin punish you da same way I wen punish her.”

Jeremiah 12:7

Da One In Charge tell: “I goin leave my ohana an let um hang. I goin bag from da peopo dat stay mines. I goin let da peopo I love Suffa from da guys dat stay agains dem.

Jeremiah 26:4

Tell dem dat Da One In Charge tell dis: If you guys no lissen me, an no live da way I teach in front all you guys, dis wat goin happen: