Jeremiah 6:8 - Hawaii Pidgin Bible

⁸ You Jerusalem peopo betta lissen up right now! O I goin had it wit you guys. An I goin wipe you guys out Fo no mo nobody live inside yoa land.”

Jeremiah 6:8 交叉參考

Hosea 9:12

Even if you guys bring up kids, I goin take away all dem from you. Bummahs fo dem, wen I tell ‘Laytas’ to dem!

Ezekiel 23:18

“She fool aroun an go aroun naked fo erybody know she one hoa. So me Da One In Charge come piss off wit her, jalike I wen come piss off wit her sistah.

Jeremiah 17:23

But yoa ancesta guys neva lissen fo real kine. Dey ony come hard head. Wen I tell um fo do stuff da right way, dey ony make deaf ear.’

Zefaniah 3:7

Me, Da One In Charge, I tell da Jerusalem peopo, ‘Fo shua you guys goin get choke respeck fo me now, An lissen wen I teach you how fo do da right kine stuff.’ If dey do dat, den I no need wipe out da place wea dey live, An I no need punish dem all da ways I wen tink bout. But still yet, dey stay amping out Fo do all kine pilau kine stuff.”

Jeremiah 32:33

Dey turn dea back to me an make jalike dey no give a rip, no matta I wen teach dem ova an ova. Wen I teach dem stuff, dey no lissen fo change wat dey do.

Songs 50:17

Cuz weneva I tell you wat you gotta do, You come all piss off. You throw out eryting I tell.

Jeremiah 31:19

Afta us guys wen go da wrong way, us come real sorry. Afta you show wat kine guys us, us slap oua head. Us get plenny shame an peopo no mo respeck fo us, Cuz from small kid time, us do bad kine stuff, an peopo talk bad bout us.’ ”

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Jeremiah 7:34

Inside da Judah towns an da Jerusalem streets, no mo noise goin come from dea, from peopo dat stay good inside, da ones dat get good fun. No goin get wedding party kine noise cuz da whole land goin come all wipe out.”

Jeremiah 7:20

“Az why Da One In Charge a me tell: ‘You know wat I goin do to dis place?! I goin come real huhu, an I had it wit wat dis peopo do. Az why da peopo inside dis place hea, an da animals, da trees, an da stuffs dat grow on top da groun—eryting goin burn, an no mo nobody can pio da fire!’ ”

Jeremiah 4:14

Eh you Jerusalem peopo, throw out da bad kine stuff from inside you, Fo Da One In Charge get you guys outa trouble! How long you guys goin make plan Fo do wrong kine tings?!

Jeremiah 2:15

Da ones dat stay agains da Israel peopo, Dey make big noise wen dey go afta dem, Jalike da lion make noise wen he start fo hunt. Da ones dat stay agains da Israel peopo wase da land. Dey make dea towns come one junk pile, An no mo nobody live dea no moa.

Smart Guys 4:13

I stay teach you wass right, So hang in dea. No go way from dat teaching. You betta stick wit um, Cuz az how you goin live fo real kine.

Songs 94:12

Eh! Da One In Charge, Da peopo you tell um wen dey wrong Fo help um learn stuff, Da ones you teach from yoa Rules, Dey can stay good inside!

Songs 2:10

Az why, you odda king guys, wise up! You leada guys hea inside da world, Lissen wat God tell you fo do, An do um!

Rules Secon Time 32:29

I like dem know wat fo do erytime, An know how come all dis ting happen, An know wat goin happen afta. But az not how dey tink!

Prieses 26:34

Den da land goin stay good, cuz goin res jalike inside da Res Years. Goin res all da time stay good fo notting, all da time you guys stay inside da land a da guys dat stay agains you guys. Dass da time da land goin res, an goin stay good inside cuz now get da Res Years.

Jeremiah 7:28

Az why you gotta tell um, ‘You Judah guys, da peopo dat no lissen yoa God, Da One In Charge. You guys no like learn notting wen he punish you fo make you go da right way. Fo you guys, no mo nobody tell da trut. You no even talk bout wass true!

Smart Guys 19:20

Lissen up wen peopo tell you Wass good fo you do. An lissen wen dey tell you How fo do da right ting, Cuz If you do dat, den bumbye You goin know wat fo do erytime.

Hosea 2:5

Wen dea muddah fool aroun. She come hapai but she no mo shame. She tell, ‘I goin go afta da guys dat make sex wit me, Da ones dat give me my food an watta, My wool, my linen, my olive oil, an my wine.’