Jeremiah 6:4 - Hawaii Pidgin Bible

⁴ “Dey goin tell: ‘Make da sacrifices Fo get ready fo fight Jerusalem! Stan up! Us go attack dem noon time!’ But den dey goin tell: ‘Bummahs! Stay too late awready! Da sun stay low, stay evening time awready!

Jeremiah 6:4 交叉參考

Jeremiah 15:8

I goin make dem get mo plenny widows Den da ocean get sand. Noon time, I goin bring somebody Fo wipe out da young guys. Right den an dea I goin make dea muddahs Come sore inside an stay real sked.

Zefaniah 2:4

No mo nobody goin stay inside Gaza town. An Ashkelon goin stay all bus up. Befo noon time dey goin throw erybody outa Ashdod. Dey goin pull up da Ekron peopo like weeds.

Joel 3:9

Tell all da peopos dis: “Make ready fo fight one war fo Da One In Charge! Make da strong guys ready fo fight! I like all da guys dat fight fo come togedda fo attack.

Jeremiah 8:20

Jeremiah tell, “Da time fo harves da food come awready. Da summa fruits, pau awready. But no mo nobody get us guys outa trouble yet.

Jeremiah 5:10

“Attack da grape farms an bus up ery row. But no wipe all a dem out. Broke off all da young branches, Cuz dese peopo not da peopo a Da One In Charge.

Love Song 2:17

Till da morning time wind start fo blow, An da shadows go way, Go come! You da one dat love me! Make jalike one young wild deer Dat stay in da canyons in da mountains!

Jeremiah 6:23

Dey get bow an arrow an short sword fo fight. Dey like hurt peopo, an dey no give nobody chance. Wen dey ride on dea horses, Dey soun jalike da loud noise from da ocean. Dey all line up ready fo fight, An az you guys, da Jerusalem peopo, da ones dey stay coming afta!”

Jeremiah 15:9

Even da muddahs dat wen born seven boys Goin come weak an pass out. All dea boys gone awready. Jalike da sun no shine fo dem no moa, even if stay day time. Dey goin come shame, an donno wat fo do! Da res a da guys dat stay alive still yet I goin make da guys dat stay agains dem make war an kill um.” Az da message from Da One In Charge.

Obadiah 1:1

Dis tell wat da Boss, Da One In Charge, show Obadiah bout da Edom peopo dat come from Esau: Us guys wen hear dis Good Kine Stuff from Da One In Charge. Get one messenja guy he wen sen to da nations fo tell dis: “Make ready! We goin fight Edom!”

Job 7:2

Dey all jalike slave guys dat fo real kine like stay in da shade but no can. O jalike one guy dat gotta wait till his boss pay him.

Micah 3:5

Dis wat Da One In Charge tell Da bulaia guys dat tell dey talk fo him: “You guys stay lead my peopo wrong way! Wen somebody give dem someting fo eat, Dey tell, ‘Eryting okay!’ But wit whoeva no give dem notting Dey start one war!