Jeremiah 52:4 - Hawaii Pidgin Bible

⁴ Da year numba nine wen Zedekiah stay king, January 15, da Babylon king Nebukadnezzar come wit all his army guys fo fight Jerusalem. Dey make camps outside Jerusalem, an pile up dirt aroun da town wall fo dem go ova da top a da wall.

Jeremiah 52:4 交叉參考

Jeremiah 39:1

Dis how da Babylon guys take ova Jerusalem. Was da year numba nine, da month numba ten, wen Zedekiah stay king fo Judah. Nebukadnezzar, da king fo Babylon, come back Jerusalem side wit all his army guys. He put his army guys all aroun da town fo nobody go outside o come inside.

Zekariah 8:19

Dis wat he tell: “You Judah guys make four spesho religious ceremonies wen you no eat so you can pray. Az cuz you stay sad inside an no foget how Jerusalem town wen come all bus up. You do um wen da summa start, da middo a summa, da autumn, an da winta time. But from now, you guys goin make da spesho religious ceremonies come real good fo da Judah peopo! You guys goin come real good inside, an dance an sing. But still yet, you guys gotta show love an aloha fo tell da trut, an show love an aloha fo live togedda an no fight!”

Jeremiah 52:7

Den da Babylon army guys broke down one part a da wall aroun Jerusalem, an all da Judah army guys run away. Dey sneak out from Jerusalem town nite time nea da king garden, thru one gate in da middo a two walls, no matta da Babylon army guys stay all aroun da town. Den da Judah guys take da road to da Jordan Riva valley.

Jeremiah 32:24

“Look, how da Babylon guys stay pile up dirt awready fo come ova da town wall an capcha Jerusalem town. Cuz a da war, an no mo food, an da bad kine sick, da Babylon guys dat stay fight us guys goin take ova da town. Wat you wen tell stay happen right now, jalike you see!

Luke 21:20

“Wen you guys see Jerusalem town wit da army guys all aroun dea, you goin know dat da time stay nea wen dey goin bus up Jerusalem.

Luke 19:43

Da time goin come wen da guys dat stay agains you guys goin pile up dirt all aroun yoa town wall fo attack you guys.

Ezekiel 21:22

Da ansa come fo take da right side road, cuz dat mean ‘Go Jerusalem! Make big kine wagons fo swing da big tree trunks fo bus down da town gates an open um up! Tell yoa army guys fo kill erybody! Yell fo make sked da peopo you stay fighting! Put da wagons wit da big tree trunks fo smash da town gates! Pile up dirt by da town wall fo da army guys run ova da top! Build towas wit wheels fo da bow an arrow guys shoot down!’

Isaiah 29:3

Jalike King David time, I goin make army guys come make camp An go circle aroun da town. I goin put army guys wea dey stay ready Fo fight you guys. I goin tell um fo pile up dirt Fo walk on top da wall.

Prieses 26:25

An I goin bring army guys wit swords agains you guys. Dass how I goin pay back you guys, cuz you guys broke da deal I wen make wit you guys. Wen you guys go back inside yoa towns, I goin sen bad kine sick on top you guys. An da guys dat stay agains you guys goin take ova.

Jeremiah 34:1

Get anodda message fo Jeremiah from Da One In Charge. Dat time, had Nebukadnezzar da Babylon king, an his army guys outside Jerusalem town. Same time had odda king guys unda him wit dea army guys dat come wit Nebukadnezzar. All dose peopo stay fight da Jerusalem peopo, an da peopo inside all da towns aroun dea.

Ezekiel 26:8

Firs, Nebukadnezzar goin bus up yoa mainland towns an kill erybody dea wit swords. Den he goin put togedda da stuffs fo fight one big war agains you guys on da islan. His army guys goin bring dirt an dump um fo build ramps fo dem run up an go ova da wall. Dey goin put big logs on top wagons an smash um agains yoa town walls fo bus um up, an odda army guys goin hold dea shields ova da guys dat swing da logs, so you guys no can shoot um. Dey goin broke down yoa towas wit dea weapons.

Ezekiel 33:21

January 8, da numba twelve year us guys stay prisonas far away, one guy dat wen get outa Jerusalem come by me an tell, “Da Babylon guys wen attack Jerusalem town an take um ova!”

Ezekiel 40:1

Was April 28, da year numba twenny-five wen us guys stay prisonas inside one far place, an fourteen year afta da Babylon guys take ova Jerusalem town. Dat day Da One In Charge take ova me. Den he bring me Jerusalem side.

Jeremiah 4:17

Da army guys goin make circle aroun da Judah towns, Jalike wen da farma guys guard dea field. Cuz da Judah peopo wen go agains me.” ’ ” Az da message from Da One In Charge.

Jeremiah 21:2

Dey tell um, “Try find out fo us guys from Da One In Charge, wass goin happen now. Cuz Nebukadnezzar, da king fo Babylon, stay make war wit us guys. Maybe Da One In Charge goin do someting fo help us guys, jalike da awesome kine stuff he wen do befo time. We like see Nebukadnezzar go home an no make trouble fo us guys!”

Ezekiel 21:27

All bus up! Jerusalem town goin come all bus up! Me, Da One In Charge, goin bus um up! Eryting goin stay all bus up till da one dat come get da right fo take um ova. Dass da one I goin give um to!”