Jeremiah 51:9 - Hawaii Pidgin Bible

⁹ “Da peopo from anodda place dat live Babylon side tell, ‘We wen try fo make da Babylon peopo come good. But dey no can come good. Mo betta us bag from Babylon An go back oua land. Cuz wen God punish da Babylon peopo, He goin do um big time, Jalike he pile um up all da way to da sky, To da top a da clouds!’

Jeremiah 51:9 交叉參考

Jesus Show 18:5

Cuz all da bad kine stuff da Babylon peopo stay do, Real plenny, jalike dey stack up to da sky! I know all da tings dey do dat no stay right.

Jeremiah 50:16

Kill erybody dat plant seed Babylon side! Kill erybody ova dea dat harves da food wen da time come! Cuz da army guys goin come wit swords Fo wipe out da Babylon peopo. Let all da peopos dat come from odda countries run back dea peopo! Let um all go back dea land!

Isaiah 13:14

“Den, jalike wen peopo chase da small deer, An jalike wen da sheep no mo nobody dat keep um togedda, Erybody goin go back by dea peopo. Dey all goin run away to dea land.

Jeremiah 46:16

Da One In Charge wen make plenny army guys trip An fall down on top each odda. Dey goin tell each odda, ‘Stan up! Us go back by oua peopo, Da place we wen born, Away from da swords a da guys dat give us hard time.’

Ezra 9:6

I tell: “You, my God! But I stay get plenny shame! Real plenny shame, so I no can even look up to you, my God. Da bad tings us guys stay do, jalike one big pile a rubbish dat mo high den oua head! Da shame fo do all dat bad kine stuff, jalike go all da way up to da sky!

Jeremiah 46:21

Da Egypt guys pay guys from anodda place Fo go fight fo dem. Dey feed um plenny fo dem come Jalike fat young cows dat peopo feed. But even dem, dey goin turn aroun An run away togedda. Dey no goin stan up fo fight. Cuz da time fo dem come all wipe out goin come on top dem, Az da time fo punish dem.

Jeremiah 8:20

Jeremiah tell, “Da time fo harves da food come awready. Da summa fruits, pau awready. But no mo nobody get us guys outa trouble yet.

Isaiah 47:15

Dass all da star watcha guys goin do fo you. You Babylon guys gotta work hard, Cuz from small kid time Da star watcha guys make you pay. But all dem goin go one diffren way, An no mo nobody goin get you guys outa trouble.”

2 Records 28:9

But get one guy Samaria side name Oded, dat talk fo Da One In Charge. He go out fo meet da army guys wen dey come back Samaria town. He tell dem, “You know wat?! Da One In Charge, da God fo yoa ancesta guys, he stay real huhu wit da Judah peopo. Az how come he give you guys da powa fo win ova dem. But you guys wen go all out fo kill dem. You guys wen come real plenny huhu an God in da sky see dat.

Jesus Show 18:4

Den I hear anodda voice from da sky. God tell, “Eh, my peopo, get outa dea! So you guys no goin do Da bad kine stuff da peopo inside Babylon do! An you no goin get all da big troubles dat town goin get.

Hosea 7:13

“Bummahs fo dose guys Dat wen bag from me! Dey goin get wipe out, Cuz dey wen go fight agains me. I stay ready fo buy dem back, But dey bulai bout me.