Jeremiah 51:41 - Hawaii Pidgin Bible

⁴¹ Dis wat Da One In Charge tell bout Babylon town: “You know wat?! Da army guys goin take ova Sheshak (Az one secret name fo Babylon town)! Dey goin take charge a da town Dat peopo all ova da world talk good bout! All da odda peopos goin come real sked Wen dey see how Babylon town stay wasted!

Jeremiah 51:41 交叉參考

Jeremiah 25:26

all da king guys from da north, nea an far, one afta anodda— all da king guys land dat get on top da earth. An afta all dose guys, da king fo Sheshak (az one secret name fo Babylon, you know) gotta drink um too.

Isaiah 13:19

From all da diffren countries, Babylon, dass da mos awesome looking one. All da peopo dea feel real good Cuz Babylon stay da leada. But God goin wipe dem out Jalike he wen wipe out Sodom an Gomorrah.

Jeremiah 49:25

Da peopo dea tell, ‘Ho! Damascus town, erybody know how was befo time! Make me feel real good inside wen I tink bout um! How come oua peopo still stay ova dea, aah?!’

Daniel 4:30

He tink, “Dis town, Babylon, stay big now! Az cuz I wen build um lidat fo come my house, da king! I do um cuz I stay real strong an peopo goin know I awesome an importan!”

Daniel 4:22

Dat tree, az jalike one picha a you, King Nebukadnezzar! You wen come big an strong. You come mo an mo importan, so now you come mangus, jalike you stay reach da sky. You get da right fo be da king fo da whole world!

Daniel 2:38

He wen give you powa ova all da peopo, an da animals inside da fields, an da birds inside da sky. Wea eva dey stay, he make you da boss ova all dem. You jalike da gold head on top da statue.

Ezekiel 27:35

Erybody dat live on da coast lines an on da islans, Dey get shock wen dey tink bout you. Dea king guys stay shaking cuz dey stay all bum out. Dea face show dat dey stay real sked.

Jeremiah 51:37

Babylon goin come one big pile a rocks from da ol buildings, One place wea da jackal kine wild dogs can hide. I goin bus up dis big town so no get notting dea, An peopo goin come shock wen dey see Babylon. An no mo nobody goin live ova dea.

Jeremiah 50:46

Wen da odda armies take ova Babylon town, Da noise goin make da earth shake. Da Babylon peopo goin yell loud fo help. An all da diffren peopos goin hear dat.

Jeremiah 50:23

Fo shua, befo time da Babylon army was jalike one sledge hamma Dat wen bus up da whole earth. But now, dat hamma stay all bus up An da handle all broke. Babylon stay da kine place Dat make all da odda nations tink, “Skery, wat happen hea?!”

Isaiah 14:4

Den you guys goin sing one song fo draw picha bout da Babylon king guys cuz you guys win awready: Look da ones wen give us hard time, Dey pau awready! Befo time, dey amp out jalike dey da winna, But now, dey no tell notting!

2 Records 7:21

Dis Temple was da numba one place hea, you know. But bumbye erybody dat go by um goin tell, ‘How come Da One In Charge wen make bad to dis land an dis Temple?!’

Rules Secon Time 28:37

All da peopos ova dea wea Da One In Charge make you guys go, dey goin tink you guys horraz cuz a wat wen happen to you. Dey goin talk bout you guys fo make dea peopo tink plenny, an dey goin make fun a you guys.