Jeremiah 51:34 - Hawaii Pidgin Bible

³⁴ Dis how da Jerusalem peopo goin talk: “Nebukadnezzar, da Babylon king, He eat up us Jerusalem guys. He make us come hamajang. He show erybody, dat us guys no mo notting, Jalike us one empty pot. He swallow us guys, Jalike he one big monsta from inside da ocean. He fill up his opu wit ery part a us dat taste good to him, An den, he spit out da res.

Jeremiah 51:34 交叉參考

Jeremiah 50:17

“Da Israel peopo, dey stay run all ova da place Jalike sheeps an goats wen da lions chase um. Da firs lion fo eat um was da Assyria king. Da nex lion was Nebukadnezzar da Babylon king. He grind da meat off dea bones.”

Jeremiah 51:44

I goin punish Bel, da god fo da Babylon peopo. I goin make Bel bahf wat he wen swallow. Da peopo no goin go Babylon fo pray to Bel no moa, Jalike how was befo time. Da Babylon town wall goin fall down too.

Matthew 23:13

Den Jesus tell, “Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys shut da door so da peopo no can get God in da sky fo dea King. But you guys no like get him fo yoa King too. An you guys no let da peopo dat like get God fo dea king, get um.

Job 20:15

Dey goin bahf up all da rich kine stuff dey wen swallow. God goin make dea belly throw um up.

Nahum 2:2

Get guys dat like wipe out da peopo dat come from Jacob An wen wase um awready. Jalike wen peopo pull off branches from one grape vine. But Da One In Charge goin make da Israel peopo Come awesome one mo time.

Amos 8:4

Den Amos tell: “You rich guys, you betta lissen dis real good! You guys go all out fo put presha On da peopo dat no mo notting. An you try fo wipe out guys inside yoa land Dat stay sked fo stan up agains you.

Ezekiel 36:3

Az why you gotta talk fo me Da One In Charge, an tell da mountains dat me Da One In Charge, da Boss, tell dis: Da guys dat stay agains you mountains goin go afta you an bus you up all ova da place. Dass how da odda nations wen make you mountains come dea property, an dey all talk bad agains you!

Sad Song 2:16

All da peopo dat stay agains you guys make fun a you. Dey laugh an grind dea teet. Dey tell, “Fo shua, jalike us guys wen swallow dem! We wen wait long time fo see dis happen!”

Sad Song 1:1

Jerusalem town stay all empty! Befo time get plenny peopo dea. Befo time, Jerusalem was jalike one importan lady, But now, come jalike one widow! Befo time, from all da districks, Jerusalem was jalike dea princess, But now, jalike one slave!

Jeremiah 51:49

“Babylon goin come wipe out, Cuz dey wen kill plenny Israel peopo. Same ting, all ova da world plenny peopo wen mahke Cuz a da Babylon peopo.

Jeremiah 50:7

Anybody dat find dose sheeps eat um up! Da ones dat stay agains my peopo tell: ‘Poin finga dem, not us guys, fo us eat um lidat! Cuz was dem, not us, dat wen do bad kine stuff agains Da One In Charge An Da One In Charge, he jalike da fo real kine grass land, He da fo real kine res place fo his sheeps. Da One In Charge, he da One dea ancesta guys wen wait fo.’

Isaiah 34:11

Ony all kine diffren birds Dat us Jew guys not suppose to eat Goin stay dea an make dea nes ova dea. God goin make shua da Edom land, No mo notting inside, An no mo shape notting.

Smart Guys 1:12

No matta dey alive, we take um, brah, Jalike da Mahke Peopo Place take da mahke peopo. No matta dey feel good, we take um out, Jalike dey fall down inside one big hole.

Songs 74:13

Was you wen split Da watta inside da sky From da watta inside da ocean, Cuz you strong! Was you wen smash Da heads a da sea monstas On top da watta.

Hosea 8:8

Az jalike odda peopo swallow da Israel peopo. Now da Israel peopo come jalike one a da odda peopos Dey jalike one ol pot dat not worth notting!

Isaiah 42:22

But dis Israel peopo, Odda peopo wen rip off an steal An take away dea stuffs. Jalike all a dem stay down Inside one deep hole an no can come out, O peopo hide um inside da jail. Odda peopo make dem dea slave, An no mo nobody fo get dem outa dea. No mo nobody fo tell, “Give back da stuffs you wen rip off!”