Jeremiah 51:30 - Hawaii Pidgin Bible

³⁰ Da Babylon army guys, Dey no fight no moa. Dey stay inside dea strong wall. Dea powa all dry up. Dey come jalike wahines. Dea houses all burn down an dea town gates all broke.

Jeremiah 51:30 交叉參考

Nahum 3:13

Look yoa army guys! Dey weak, jalike da wahines! Da gates inside yoa land, Dey stay wide open fo da guys dat stay agains you come inside! Da fire goin burn up da bars fo lock da gates.

Sad Song 2:9

Da town gates fall down inside da dirt. Da One In Charge smash da bars fo da gates an wipe um out. Da king an da princes come prisonas an go to odda nations, No mo nobody teach Da Rules From God. Da guys dat talk fo Da One In Charge No see notting jalike dreams from him no moa.

Isaiah 19:16

Dat time, da Egypt peopo goin come jalike da wahines. Dey goin stay sked an shaking, wen dey see dat Da One In Charge, Da God Ova All Da Armies, put up his hand an shake um cuz he goin wack um.

Songs 76:5

Had hard head peopo Dat come agains us, But us guys wen take away All da tings dey get fo fight, An now, dey look Jalike dey sleeping— But dey mahke fo real kine! Not even one a dea strong army guys Can use dea hands fo hurt us.

Amos 1:5

I goin broke down da gate fo Damascus town An wipe out da main guy fo Aven Valley, Da guy dat stay in charge Bet-Eden side. Da Aram peopo, I goin catch dem An take all dem Kir side.” Dass wat Da One In Charge tell!

Jeremiah 48:41

Da nation dat stay come Goin take ova da towns. Dey goin capcha all da place dat get strong wall. Dat time, da Moab army guys Goin suffa, jalike one wahine Dat suffa wen she born one bebe.

Jesus Show 18:10

Dey goin stan far away, cuz dey real sked wen dey see da Babylon peopo suffa. An dey goin tell, “Horraz! Horraz! Babylon, da big town wit plenny powa! An in one hour, you wen come wipe out!”

Jeremiah 51:57

I goin make um come piloot—dea leada guys, Dea guys dat erytime know wat fo do, An dea govna guys, dea govmen guys, an dea army guys too. Dey all goin go sleep foeva, an no wake up.” Az wat da king tell, Da One dat get da name “Da One In Charge, da God Ova All Da Armies.”

Jeremiah 51:32

Dey take ova da places wea peopo walk ova Da odda side a da riva! Dey even burn da swamp! Dass why da Babylon army guys come real sked!’ ”

Songs 147:13

Da One In Charge make yoa town gates Come mo strong Fo da peopo dat stay agains you No come inside. All da peopo dat come from yoa town, He make um fo dem do Wat he like um fo do.

Songs 107:16

God wen smash da bronze metal town gates An cut da iron bars.

Isaiah 47:14

But you know wat?! Dose star watcha guys, Dey jalike one dry wheat stalk Dat da fire burn um up fas. Dey no can even run away from da fire Fo no burn up. Dat kine fire burn out real fas. Dass not da kine fire Dat make you stay warm.

Jeremiah 50:15

Yell from ery side wen you start fo fight! Da Babylon guys goin give up! Da mos strong part a dea wall goin fall down! Da res a da wall goin come all bus up! Dass how Da One In Charge goin pay um back, So you army guys, pay um back good! Make to dem jalike dey wen make to da odda peopo!