Jeremiah 51:10 - Hawaii Pidgin Bible

¹⁰ Da One In Charge wen make erybody see Dat us Israel an Judah guys get um right wit him. Go come, we go tell da Israel an Judah Guys story Jerusalem side, Wat oua God, dass Da One In Charge a us, wen do.”

Jeremiah 51:10 交叉參考

Jeremiah 50:28

Lissen! Dat noise you hear, Dass da guys dat stay run away from da Babylon land! Dey like tell da peopo Jerusalem side How oua God, dass Da One In Charge a us, stay pay back da Babylon guys awready Cuz dey wen bus up his Temple.

Songs 37:6

He goin shine da light On eryting you stay do dass right Fo make shua erybody know dis. An God goin show you do da right ting In front him, da judge. An dass jalike wen can see eryting Real good wen da sun stay strong.

Isaiah 51:11

“Dis time, same ting! Fo get da peopo outa trouble, Da One In Charge goin pay da price. Dey goin come back Mount Zion side Inside Jerusalem town, Dey goin yell plenny cuz dey feel real good. Jalike dey stay wear one haku lei on top dea head Fo show dey like dance an sing all da time. Dey stay feel good inside An dance an sing wen dey stay coming. Dey no goin feel sore inside, An no goin moan no moa.”

Isaiah 40:2

You guys, talk to da Jerusalem peopo An tell all dem Fo dem feel good inside. Tell dem dat da hard work dey wen do Cuz dey owe me plenny, all pau awready. Da bad tings dey wen do, Dey awready get punish fo all dat. Me, Da One In Charge, I wen awready pay dem back double Fo all da bad kine stuff dey wen do.”

Songs 9:14

So wen I go back Zion Town, I goin tell bout all da awesome tings you do! I goin show dat I stay good inside Cuz you wen get me outa trouble.

Songs 64:9

All da peopo goin come sked. Dey all goin talk bout da tings Dat God stay make happen, Dey goin undastan wat God wen do.

Jeremiah 50:45

So lissen up, wat Da One In Charge make plan fo do Agains da Babylon peopo, An agains dea land: Jalike somebody goin drag away da young sheeps, An Da One In Charge goin wipe out all dea land dat get good grass.

Songs 66:16

All you peopo dat feel Sked an shaking in front God, Go come ova hea an lissen up! I goin tell da story Bout eryting God wen do fo me.

Songs 118:17

I no goin mahke! I goin stay alive! An I goin tell da story Bout all da tings Da One In Charge do!

Isaiah 24:14

Bumbye, da peopo dat still stay inside da land, Dey goin yell plenny an sing Cuz dey stay feel good inside. From da west side nea da big sea, Da peopo goin yell Bout how awesome Da One In Charge stay.