Jeremiah 51:1 - Hawaii Pidgin Bible

¹ Dis wat Da One In Charge tell: “Look! I stay ready fo make somebody Wipe out Babylon town an da Babylon nation.

Jeremiah 51:1 交叉參考

Amos 3:6

If somebody blow da war trumpet inside one town, Da peopo dea goin tell, “Wassup?! Watch out!” Weneva bad tings happen inside one town, Az Da One In Charge da One make um happen!

Hosea 13:15

No matta da Efraim peopo stay good mo den da odda nations, One wind from me Da One In Charge Goin come from da east side boonies. Goin blow ova hea from da boonies. Ery puka dat get watta goin come dry. Odda peopos goin rip off all dea rich kine stuff.

Jesus Guys 9:4

He fall down on top da groun an hear one voice tell him, “Eh Saul! Saul! How come you make me suffa?”

Zekariah 2:8

Dis wat Da One In Charge, Da God Ova All Da Armies, tell: “Afta da Awesome One sen me fo go afta da peopos dat wen rip off you guys, dose peopos goin get it! Cuz da one dat hurt you guys, jalike az my spesho peopo dat he hurt—an he goin get hurt jalike wen he poke da middo a his eye.

Ezekiel 19:12

But da plant get pull out cuz somebody plenny huhu, Dey throw um down on top da groun. Da hot wind from da boonies make um come dry An make da fruits fall down. Da strong branches come dry An da fire burn um up.

Jeremiah 50:33

Dis wat Da One In Charge, da God Ova All Da Armies, tell: “Da Israel peopo stay suffa plenny, An da Judah peopo too. All da Babylon guys dat wen make dem prisonas, No like let um go.

Jeremiah 50:29

“Go tell all da guys dat shoot bow an arrow fo come, Da guys dat know how fo make da bow ready fo shoot, Fo dem go attack Babylon town. Go camp all aroun Babylon. No let nobody get outa dea. Pay dem back fo wat dey wen do. Make to dem jalike dey wen make to da odda peopos. Cuz dey wen get big head an go agains Da One In Charge, Da God Dat Stay Good An Spesho fo da Israel peopo.

Jeremiah 50:24

You Babylon peopo, you wen go fight me, Da One In Charge! Az how come I wen make one trap. An da trap wen catch you guys, An you neva know, had one trap!

Jeremiah 50:21

“Attack da Babylon peopo Da ones dat live Meratayim side, An da ones dat live Pekod side. Kill dem, an wipe out eryting dey leave, Jalike wen you kill one animal fo make sacrifice! Do eryting I tell you fo do.” Az wat Da One In Charge tell.

Jeremiah 50:9

Cuz dis wat I goin do: I goin make some peopos come huhu an come togedda Fo make one plan fo attack Babylon town. Da armies from da big countries goin come From da north side. Dey goin make ready fo fight. Dey goin take ova Babylon from da north. Dea arrows, jalike army guys dat no goin miss, An erytime dey goin hit wat dey shoot.

Jeremiah 49:36

I goin bring armies fo fight da Elam peopo, Jalike I stay make da four winds come agains um. Da winds goin come from all ova da sky. I goin make da Elam peopo come prisonas, An I goin sen um to all da lands, Jalike dey go wea eva da wind blow um. No goin get even one nation Dat no mo prisonas, Da prisonas I throw outa Elam!

2 Kings 19:7

Cuz you know wat I goin do?! I goin jam up da king head. He goin hear wat somebody tell, an he goin figga dat he betta go back his land. An wen he get dea, I goin make somebody go kill him wit one sword.’ ”

Songs 137:8

You Babylon peopo, Garans you goin come all bus up. If somebody punish you Fo wat you wen make to us guys, Us like God make dem Stay good inside!

Jeremiah 23:19

Watch out! Wen Da One In Charge come huhu, Az jalike one big storm come. Stay jalike one tornado dat come down On top da head a da guys dat do real bad kine stuff.

Isaiah 13:13

“Dass why I goin make da sky shake An da groun goin move from da place he stay, Cuz dass da time dat me, Da One In Charge, Da God Ova All Da Armies, I still had it, an I no goin take wat da peopo do.

Isaiah 14:14

I goin go up mo high on da top a da clouds! I like come real importan, Jalike Da God Dass Mo Importan Den All Da Odda Gods!”

Isaiah 21:1

Get heavy kine stuff fo tell too, bout wat goin happen to da Babylon land, Da Boonies By Da Sea: “One army go come agains Babylon, From one land wea da peopo real tough An erybody stay sked a dem! Dey goin go quick thru da Babylon land, Jalike da kine big storm wind dat blow hard Outa da boonies an go thru da south part a Judah.”

Isaiah 47:1

Go sit down on top da dirt, You Babylon town peopo! You Babylon guys was jalike One beautiful young princess. But now, you gotta go sit down on top da groun, Cuz now you no mo throne an no mo king. Az why nobody goin tink you make nice to peopo An you no need work.

Jeremiah 51:53

No matta da Babylon peopo like climb up to da sky, An make dea town wall real high Fo nobody climb ova um, Goin get guys dat come from me Dat goin wipe out Babylon town.” Az wat Da One In Charge tell.

Jeremiah 51:60

Jeremiah wen write um inside one roll up kine book, bout all da bad kine stuff dat goin happen to da Babylon peopo—he write down eryting, wat goin happen.