Jeremiah 5:23 - Hawaii Pidgin Bible

²³ But you guys, you still hard head. Inside, you still like go agains me. You make deaf ear an go da odda way.

Jeremiah 5:23 交叉參考

Jeremiah 6:28

Den I tell Da One In Charge: “All dem guys bag from you! Dey stay hard head, Jalike dea head bronze an iron metal. Ery place dey go, dey tell bad kine stuff bout you. All a dem guys make eryting come pilau!

Hosea 11:7

My peopo go all out fo tell ‘Laytas’ to me. Even wen dey call me Da Mos Importan God, Dey no mo respeck fo me.

Songs 95:10

“Was forty year yoa ancesta guys Was pilau fo me, An cuz a dat I mad! Dis how I wen tink: ‘Dese peopo! Inside, dey like do Wat dey like do! Dey donno how fo do tings my way!’

Rules Secon Time 21:18

If one guy get one boy dat stay hard head an no like do wat somebody tell um fo do, an no lissen his faddah an muddah, an no matta dey punish him, an he still no goin do wat dey tell um fo do,

Hebrews 3:12

Eh, my braddahs an sistahs, watch out! Make shua dat nobody get one pilau kine attitude, da kine wea dey no trus God, an da kine attitude wea dey tell God, da One dat stay alive fo real kine, “Laytas wit you!”

Hosea 4:8

“Wen da peopo do bad tings, Dey go bring animals fo sacrifice. Ony den, da pries guys get plenny fo eat. So fo dem, az good wen peopo do wass wrong!

Jeremiah 17:9

“Us peopo, inside we stay sly, fo real kine! Jalike us get one sick dat no can come good. No mo nobody undastan how bad us!”

Jeremiah 5:5

Az why I goin go by da leada guys an talk to dem. Fo shua dose guys know how Da One In Charge like fo dem live An wat dea God tell Bout wass right an wass wrong. But all dem guys ack jalike cows An broke off God yoke An broke da rope dat tie dem wit him.

Isaiah 31:6

You Israel peopo, go back by Da One In Charge! You wen go agains him, an dass real bad.

Isaiah 1:5

Eh! How come you guys like Fo God bus up you guys some moa?! How come you guys still stay go agains him?! Yoa head stay sore plenny awready, An inside, you not strong.

Songs 78:8

God no like fo dem ack Jalike dea ancesta guys, Cuz da peopo from dat time, Dey get hard head, An neva like do wat God tell um fo do. Dose peopo, dey neva make shua Dey stay solid inside, Cuz da way dey stay inside, God no trus um.

Jeremiah 4:17

Da army guys goin make circle aroun da Judah towns, Jalike wen da farma guys guard dea field. Cuz da Judah peopo wen go agains me.” ’ ” Az da message from Da One In Charge.

Zefaniah 3:1

Bummahs, fo Jerusalem town! Da peopo dea put presha on top odda peopo! Dey go agains me! Dey make um come pilau!

Rules Secon Time 31:27

Cuz I know how you guys wen go agains me, an dat you guys hard head. I know you guys wen go agains Da One In Charge wen I still yet stay hea wit you guys, an fo shua you guys goin go agains him even mo plenny afta I mahke!