Jeremiah 49:4 - Hawaii Pidgin Bible

⁴ How come you Ammon peopo talk big Bout how yoa valleys get plenny watta? You guys, jalike one girl Dat tell ‘Laytas’ to her faddah! You Ammon peopo, ony trus yoa rich kine stuff, An cuz a dat, you figga, ‘No mo nobody goin attack us guys!’

Jeremiah 49:4 交叉參考

1 Timoty 6:17

Tell da peopo dat get plenny money hea inside dis world fo no ack high makamaka, an fo no trus all da rich kine stuff dey get. Dey donno how much time all dat rich kine stuff goin stay. Mo betta dey trus God. He give us eryting fo make us stay good inside plenny.

Jeremiah 21:13

Me, I stay agains you peopo Dat live Jerusalem, on top da level place up da valley, Jalike one big rock dat no can move. You guys talk big, “Eh, no mo nobody can come attack us! No mo nobody can come inside da place wea we stay hide!” Dass wat me, Da One In Charge, tell.

Jeremiah 9:23

Dis wat Da One In Charge tell: “Da guy dat know wat fo do erytime No good fo him talk big dat he know wat fo do. Da guy dat know how fo fight No good fo him talk big dat he know how fo fight. Da rich guy, no good if him talk big bout how rich him.

Jeremiah 48:7

You guys make jalike all da stuff you do An all da rich kine stuff you get Goin get you outa trouble. But da Babylon army guys still yet goin catch you guys An make you prisonas. Dey goin make yoa idol kine god Kemosh dea prisona, Same ting fo all yoa pries guys an leada guys.

Jeremiah 3:14

Da One In Charge tell dis too: “Go come back by me, you peopo dat like dig out an go way from me. Cuz I yoa husban, dat get da right fo tell you wat fo do. I goin pick some a you guys, one from one town, o two from one ohana, wea eva you stay scatta. I goin bring you guys back to da place dat stay spesho fo me, az Zion.

Songs 62:10

No tink you goin come rich Wen you presha out peopo Fo give you money, O wen you bus um up Cuz dey no give you money, O wen you rip off dea stuffs. An if bumbye you get plenny money, No tink dass da mos importan ting.

Songs 52:7

“Check out dis guy! He neva like aks God fo take kea him. He tell, ‘Fo shua I can handle!’ Cuz he get plenny money. He tink he strong, cuz he know He can jam up eryting!”

Songs 49:6

Dey stay shua dey goin stay okay Cuz dey get plenny powa, An dey talk big Bout how much stuffs dey own.

Jesus Show 18:7

Jalike da Babylon wahine make um so she look plenny awesome, An da peopo dea stay good inside, Cuz dey get all kine rich stuffs, Make um suffa an come all sore inside. Da Babylon wahine talk big inside lidis, ‘I stay on top my throne jalike one queen. I not one widow. An I no goin eva come sore inside an cry!’

Hosea 4:16

Da Israel peopo, dey hard head. Jalike one young hard head girl cow. So den, how Da One In Charge goin lead da Israel peopo To one big grass field, jalike dey bebe sheeps?! No can!

Jeremiah 49:16

You tink you can make peopo come sked a you, An you get big head. But you ony bulai you! You guys stay wea you can hide inside da cliffs, An you guys take ova da top a da hills, Even if you guys make yoa nes high, jalike one eagle, I goin bring you guys down from dea!” Az wat Da One In Charge tell.

Jeremiah 7:24

“But my peopo, dey no lissen, o tink bout wat I tell. Dey hard head, an dey do wat dea bad heart like do. Dey suppose to go one way, an dey go da odda way,

Smart Guys 10:15

All da stuffs da rich guys get, Dass jalike one strong wall aroun dea place. But da guys dat no mo notting, Dass why easy fo wipe out dem.

Jeremiah 31:22

How long you guys goin wait An donno wea you stay going Befo you make up yoa mind?! You Israel guys jalike da daughtah dat I love, Dat befo time, wen ack Jalike one wahine dat no stay tight wit her husban. Az how me, Da One In Charge, goin do one new ting on top da earth fo change eryting— Jalike if da wahines wen take kea da guys.”