Jeremiah 49:2 - Hawaii Pidgin Bible

² But Da One In Charge tell: “Az why da time goin come Wen I goin make erybody hear Da trumpet blow fo war Agains Rabbah town, Da main town fo da Ammon guys! Rabbah goin come one big pile a dirt Cuz all da houses goin come bus up. All da towns aroun Rabbah goin burn down. Den da Israel guys goin kick out Da Ammon guys dat wen kick dem out befo time.” Dass wat Da One In Charge tell.

Jeremiah 49:2 交叉參考

Jeremiah 4:19

Den Jeremiah tell, “Bummahs! I suffa plenny! I plenny sore cuz I hurt inside. My heart stay poun hard inside, I gotta tell someting! Cuz I hear da soun from da trumpets fo start fo fight! I hear da army guys yell!

Ezekiel 21:20

Go mark one road wea da guys wit swords can take fo attack Rabbah an da Ammon peopo. Mark da odda road wea da guys wit swords can take fo attack Judah an da strong wall aroun Jerusalem.

Rules Secon Time 3:11

(Ony Og, da king fo Bashan, stay dea from da odda Refa peopo, wen he mahke. Og get one iron punee thirteen feet long an six feet wide. Dat punee still yet stay dea inside Rabbah town wea da Ammon peopo live.)

Amos 1:14

Dass why I goin make da Rabbah town wall burn An da fire goin eat up all da palaces dat get strong wall. Goin get war an peopo yelling An fighting jalike one hurricane kine wind storm.

2 Samuel 11:1

Da nex spring time, wen time fo kings go an fight wars, dis wat wen happen. King David sen Joab out wit da king officer guys, an all da Israel army guys. Dey wipe out plenny mo Ammon guys, an go afta dea main town Rabbah. But David, he stay inside Jerusalem.

Jeremiah 49:1

Dis wat Da One In Charge tell bout da Ammon peopo: “You tink da Israel peopo no mo boys, o wat? O you tink da Israel faddahs no mo nobody Fo take ova dea land wen dey mahke? Den, how come da Ammon peopo stay take ova da Gad ohana land Fo dea god Molek? How come dey take ova da Gad ohana towns an live dea?”

Songs 97:8

Da One In Charge, wen you judge peopo, You judge um da right way erytime. Az why da peopo dat live Mount Zion Hear bout Da One In Charge, An stay good inside. Same ting fo da peopo Dat live in da odda towns All ova da Judah land!

Songs 48:11

Da peopo dat stay live Mount Zion Stay good inside. Da peopo from da towns All ova Judah side, Stay good inside too. Cuz you judge peopo da right way.

Census 21:25

Da Israel guys take ova all da Amor towns, an stay dea—Heshbon an all da small towns aroun um.

Obadiah 1:19

Da Israel peopo from da Negev Boonies goin take ova da Esau mountains. Da ones from da low hills west side goin take ova da Filisha land An own da Efraim an Samaria countryside. An da Benjamin ohana goin take ova Gilead.

Census 10:9

Wen you guys go fight inside yoa land agains da guys dat put presha on you guys, blow three short time wit da trumpets. Den me, yoa God, Da One In Charge, no goin foget you guys an get you guys outa da way from da guys dat stay agains you.

Rules Secon Time 13:16

Bring all dea stuffs an put um all inside da middo a da town. Den burn up da whole town an all da stuffs. Az goin be jalike one sacrifice dass ony fo yoa God, Da One In Charge. Da town goin stay one rubbish pile foeva. Nobody goin build dea one mo time.

Joshua 17:11

Inside da Asher land an da Issakar land, da Manasseh peopo get Bet-Shan town, Ibleam town, an da peopo from Dor town, Endor town, Taanak town, an Megiddo town, an da small towns aroun dea. (Da town wea da peopo from Dor live, az Nafot.)

Joshua 17:16

Da Joseph peopo tell him, “Da up country land still yet not enuff fo us guys. But all da Canaan peopo dat live inside da flat valleys get iron war wagons. Dass all da guys inside Bet-Shean an da small towns aroun dea, an da Canaan guys inside da Jezreel Valley.”

Isaiah 17:1

Me, Isaiah, I get heavy kine stuff fo tell bout wat I see goin happen to da Damascus peopo: Look! Damascus no goin be one big town no moa. Da whole place goin come one pile a bus up junks.

Isaiah 11:14

Togedda dey goin rush da Filisha peopo on da west side, All da way to da sea, An steal stuff from peopo on da east side. Dey goin take ova da Edom peopo an da Moab peopo An da Ammon peopo gotta do wat dey tell um fo do.

Ezekiel 21:25

“Eh! Zedekiah! You da prince ova da Israel peopo! But you one pilau crook! Now, yoa time stay come fo get punish. Dis mean, dis da end fo you!