20 Dey goin tell: ‘Us Moab peopo get plenny shame Cuz us lose da war. Yell fo da mahke peopo! Cry cuz you need help too! Tell erybody by da Arnon Riva Dat oua Moab land come wipe out awready!
Da Moab wahines dat run away Fo go cross ova da Arnon Stream, Dey goin hang aroun dea an donno wea fo go, Jalike wen somebody throw da bebe birds outa dea nes.
“Nex, dey go thru da boonies, aroun da outside a da Edom land an da Moab land, an go by da east side a da Moab land. Dey make camp da odda side a da Arnon Riva. Dey no go inside da Moab land, cuz da Arnon Riva stay on da edge.
From Aroer town wea can look down inside da Arnon Canyon, an da odda town inside da canyon, all da way north side to Gilead, no even get one town dat get big wall dat stay too big fo us guys. Oua God Da One In Charge give us all dem.
