Jeremiah 48:10 - Hawaii Pidgin Bible

¹⁰ “I like fo Da One In Charge put kahuna On top anybody dat tell dey work fo Da One In Charge, But dey ony stay do um half-ass kine! An I like fo him put kahuna On top anybody dat tell dey goin fight fo Da One In Charge, But dey no stay use dea sword fo make peopo bleed!

Jeremiah 48:10 交叉參考

1 Kings 20:42

He tell King Ahab, “Lissen up. Dis wat Da One In Charge tell: ‘You let one prisona guy go, no matta me Da One In Charge tell you gotta wipe him out! So den, you goin pay wit yoa life cuz you wen let da Aram king go! An you goin lose yoa peopo, cuz you let him go back by his peopo!’ ”

1 Samuel 15:3

Now go! Go afta da Amalek peopo, an wipe um out an eryting dey get, make um all one sacrifice fo me. No let um go! Kill da guys, da wahines, da kids, da bebes, da cows, da sheeps an goats, da camels, an da donkeys!’ ”

Local Leadas 5:23

Da angel messenja guy from Da One In Charge tell, ‘Put kahuna on top da Meroz peopo! No give um chance! Cuz dey no come fo help Da One In Charge agains da strong guys.’

2 Kings 13:19

Elisha, da guy dat stay tight wit God, come huhu wit da king, an tell, “How come you neva hit um five o six time, aah?! If you wen do dat, fo shua you goin win ova Aram to da max. But now, you ony goin win ova dem three time.”

1 Samuel 15:9

But Saul an his army guys let Agag stay alive. An he let his guys keep eryting dat stay good: all da bestes kine sheeps an cows, da cows dey feed spesho kine, an da bebe sheeps. Dey neva like kill all dose animals jalike dey one sacrifice fo Da One In Charge. Dey kill ony da animals dey no like an figga az worth notting. An dey tell, “We stay do dis cuz God tell us fo do um.”

Jeremiah 50:25

Me, Da One In Charge, I wen open up my place Wea I keep all my stuffs fo fight, An bring out all da tings I use fo fight Cuz I stay huhu. An I Da One In Charge, da Boss, da God Ova All Da Armies. I get plenny work fo do inside da Babylon land.

Jeremiah 47:6

Da Filisha guys tell, “Ho! Da armies dat stay come, Dey jalike one sword Da One In Charge use. How long da sword goin kill peopo? Da sword no goin go back inside da sword bag. No go kill nobody no moa! You no like res, o wat?!”

1 Kings 20:39

Wen da king come by dea, da guy dat talk fo God yell to him. He tell, “Eh boss! I wen go inside da middo wea dey stay fight. One guy come by me wit one Aram prisona. He tell, ‘Watch dis guy real good! If he run away, you goin pay wit yoa life, o you pay fine 75 poun silva!’

1 Kings 20:40

But layta, wen I stay do some odda stuff, da Aram guy wen bag!” Da Israel king tell um, “You, da one dat tell how I gotta punish you!”

Jeremiah 11:3

Tell dem dat dis wat me, Da One In Charge, da God fo da Israel peopo, tell: Anybody dat no do wat my deal wit da Israel peopo tell, dey goin get kahuna put on top dem.

Jeremiah 47:7

But no way dat sword goin res, Cuz Da One In Charge still get work fo um do. Da sword goin go afta da peopo inside Ashkelon An odda seaside towns.

Jeremiah 50:27

Kill all da bull kine Babylon army guys! Take um down to da killing place! Ho! Da time stay come fo punish dem.

Joshua 10:19

But da res a you guys, no stop! Go chase da guys dat stay agains you guys! Fight dem from da back! No let um go back dea towns. Cuz yoa God, Da One In Charge, give dem to you guys awready!”