Jeremiah 47:3 - Hawaii Pidgin Bible

³ Wen da peopo hear da horses running, dey goin yell, Wen da war wagons come, da groun goin shake an da peopo goin feel um. Da muddah-faddah guys no goin do notting fo help dea kids. Dey lose fight cuz dey no can do notting.

Jeremiah 47:3 交叉參考

Jeremiah 8:16

From da Dan ohana land north side We hear da noise From da horses dat da army guys use dat stay agains us! Wen dea strong horses make noise, All da Judah peopo stay shake an come sked. Da army guys stay come Jalike dey goin eat up da land an eryting inside um, An Jerusalem town an all da peopo dat stay live dea.”

Local Leadas 5:22

Den da horse hoofs poun an make big noise. Dey strong, an dey run an run.

Nahum 2:4

Da war wagons run aroun inside da big town jalike dey pupule. Dey go an come fas aroun da open places. Dey look jalike burning torches. Dey go fas jalike lightning.

Jeremiah 46:9

“Attack, you horse ridas! Go fo broke, you war wagon drivas! March, you guys dat fight— You guys from Sudan an Libya Dat carry one shield. You guys from Lydia Dat fight wit bow an arrow!

Jesus Show 9:9

Dey get metal plate on top dea ches. Dea wing soun real loud, jalike plenny horses an wagons fo war going real fas fo fight one war.

Jeremiah 50:42

Dey stay carry bow an arrow an short spear fo fight. Dey mean, an dey like hurt peopo, an dey no give chance. Wen dey ride dea horses, Dey soun jalike big noise from da ocean. Dey all line up ready fo fight, An az you guys, da Babylon peopo, dey stay coming afta!”

Ezekiel 23:24

Da Babylon guys an all da odda guys goin come agains you wit da stuff dey use fo fight: war wagons, regula wagons, an plenny army guys. Dey goin surroun you fo fight you wit big an small shields, an wit helmets. I goin let dem take ova you fo dem punish you da way dea rules tell um fo punish you.

Nahum 2:8

Nineveh town jalike one pool dat leak all da time, An da peopo jalike da watta dat run out. But now, peopo yell, “Stop! Stop!” But no mo nobody turn aroun an come back.

Isaiah 5:28

Dea arrow, stay sharp, An dea bows, ready fo shoot. Da horses feet run real fas. Da wheels on dea war wagons make big noise Jalike da strong wind.