Jeremiah 45:5 - Hawaii Pidgin Bible

⁵ You like plenny peopo know who you bumbye, o wat?! No try. Cuz I goin make bad kine stuff happen to peopo all ova da world. But no matta wea you goin go, I goin let you get outa dea alive.’ ” Az wat Da One In Charge tell.

Jeremiah 45:5 交叉參考

Jeremiah 39:18

Fo shua, I goin get you outa dea. You no goin mahke from da war. Da prize you goin get from da war, goin be dis—you goin stay alive cuz you trus me!’ Az wat Da One In Charge tell.”

Hebrews 13:5

Try live so you no mo plenny love fo money. Stay good inside bout da stuff you get awready. Cuz God da One tell, “No way I eva goin leave you! No way I goin bag from you!”

Jeremiah 21:9

Whoeva stay inside dis town goin get kill wit swords, o cuz no mo food, o cuz a da bad sick. But whoeva go out an tell da Babylon guys dat cut off yoa town, dat dey give up, dey goin get outa da war an stay alive.

Rome 12:16

Live togedda wit plenny aloha fo each odda. No ack high makamaka. Mo betta you make frenz wit da kine peopo dat odda peopo tink dey no importan. No go tink you da ony one dass smart.

Jeremiah 25:26

all da king guys from da north, nea an far, one afta anodda— all da king guys land dat get on top da earth. An afta all dose guys, da king fo Sheshak (az one secret name fo Babylon, you know) gotta drink um too.

Zefaniah 3:8

Da One In Charge tell: “Az why wait fo me, Fo da day I goin stan up fo poin finga da Jerusalem peopo. Cuz I make up my mind awready Fo bring togedda all da peopos an dea kings. An I goin make dem know dat I stay real huhu wit dem. I goin burn up all da peopo inside da world, Cuz I go all out fo no let um go down in front odda gods!

Jeremiah 38:2

“Dis wat Da One In Charge tell: ‘Whoeva stay inside dis town goin mahke cuz a da war, cuz no mo food, o cuz a da real bad kine sick. But whoeva go outside Jerusalem town by da Babylon guys, dis wat goin happen: dey goin stay alive!’

2 Kings 5:26

Elisha tell, “Wen da guy turn aroun an come down outa his war wagon fo meet you, inside me I know wassup awready, jalike I wen go wit you ova dea! Dis not da right time fo take silva, o clotheses, olive trees, grape farms, sheeps an goats, cows, o guys an wahines fo work fo you!

Start 6:12

God see dat eryting in da world come poho. Da way dey live, all da peopo ack pilau.

Isaiah 66:16

Da One In Charge goin use da fire an his sword Fo punish all da peopo jalike one judge. Da One In Charge goin wipe out plenny peopo.

1 Kings 3:9

You know, I yoa worka guy. So try give me one good heart fo lissen an undastan wat stay happen, fo me be da right kine judge fo yoa peopo. Help me fo undastan wass good an wass bad. Cuz no mo nobody hea, fo be da judge fo yoa awesome peopo!”

1 Kings 3:11

God tell King Solomon, “You aks me fo help you know wat fo do. You neva aks me fo make you live long time, o fo make you come plenny rich, o fo kill all da peopo dat stay agains you. But you ony aks me fo help you lissen an undastan, fo you know wass right an wass wrong.

Songs 131:1

Eh! You Da One In Charge! I no mo one big head, I no ack high makamaka. I no try fo do big kine tings, O tings dat stay so awesome I no can handle.

Jeremiah 25:31

Da big noise goin go to da mos far places on top da earth. Cuz Da One In Charge goin poin finga da peopos. He goin go agains erybody dat stay alive. He goin go afta da guys dat do wass wrong wit his sword.’ ” Az wat Da One In Charge tell.

Jeremiah 25:15

Dis wat Da One In Charge, da God fo da Israel peopo, tell me: “Take dis cup from my hand. Da wine inside da cup, jalike stay dea fo show dat I no like wat da diffren peopos do. Wea eva I sen you, make dem drink dis wine.

Jeremiah 25:16

Wen dey drink um, dey goin stagga, an come pupule, cuz I goin sen war inside dea countries fo wipe um out!”