Jeremiah 45:4 - Hawaii Pidgin Bible

⁴ Den Da One In Charge tell Jeremiah, “Tell Baruk dis: ‘Dis wat me Da One In Charge tell: I stay ready fo bus up wat I wen build. I stay ready fo pull out wat I wen plant. Dass wat goin happen all ova da world.

Jeremiah 45:4 交叉參考

Jeremiah 31:28

Befo time, I wen make shua da peopo dat stay agains dem go pull dem up, bus um up, wipe um out, an hurt um! But from now, I goin make shua I plant um good an make um come strong.” Dass wat Da One In Charge tell.

Jeremiah 1:10

“So lissen up now! Today I give you one importan job, Fo grumble bout da diffren peopos an dea govmens. You goin tell um how I goin pull um outa da groun jalike plants An bus um up. I goin wipe um out, an throw out dea kings. Den I goin build up da diffren peopos one mo time, an make um come solid.”

Jeremiah 11:17

“Me Da One In Charge, me da God Ova All Da Armies! I wen plant you guys on top dis land jalike dat olive tree. But I tell dis bout you guys now: you goin get wipe out! Az cuz you Israel ohana an Judah ohana guys wen do bad kine stuff, an dat make me come real huhu, cuz you guys burn incense fo da god Baal.”

Rules Secon Time 28:63

Jalike Da One In Charge stay good inside befo time, wen he wen make eryting come good fo you guys, an make you guys come plenny peopo. But bumbye he goin come good inside wen he wipe you guys out. He goin take you guys outa da land dat you goin go inside now fo take um ova.

Jeremiah 12:2

You wen plant dem jalike one tree, An dey stay solid, an dey get strong roots. Dey get good kine stuffs, jalike one tree grow an get fruit. Dey erytime tell, ‘Da One In Charge stay tight wit us guys,’ But inside, dey no stay tight wit you.

Teacha 3:3

One time fo kill peopo An one time fo make peopo come good. One time fo bus up An one time fo build.

Sad Song 2:6

He wase his Temple, Jalike was one shack inside one grape field. He wipe out da spesho place wea da peopo meet him. Da One In Charge make his Zion peopo foget Da spesho religious ceremonies an da Res Days. He tell “Laytas” to wat da king o da pries guys do, Cuz he stay real huhu.

Hosea 2:14

“Az why bumbye I goin make her like fo go wit me. I goin lead her back inside da boonies, An talk nice to her.