Jeremiah 43:10 - Hawaii Pidgin Bible

¹⁰ Den tell da Judah guys, ‘Dis wat Da One In Charge, da God Ova All Da Armies, da God fo da Israel peopo, tell: Dis wat I goin do. I goin bring my worka guy Nebukadnezzar, da king fo Babylon, ova hea. I goin put his throne on top dese stones dat I wen bury hea. He goin put up his canopy ova da throne fo make tantaran.

Jeremiah 43:10 交叉參考

Jeremiah 1:15

I stay ready fo call all da peopo fo come From da kings inside da lands on da north side.” Dass da message from Da One In Charge. “Da north side kings goin come put dea thrones ova hea, Outside da gates fo Jerusalem town. Dey goin come attack all da walls aroun Jerusalem. An all da odda towns inside Judah.

Isaiah 44:28

“I da One dat tell dis bout King Cyrus: ‘He jalike da guy take kea my sheeps. He goin do eryting I like fo him do. He goin tell bout Jerusalem, “Let guys build um up one mo time.” He goin tell bout da Temple, “Make da foundation.” ’ ”

Songs 31:20

You hide dem right dea wea you stay Fo make shua da peopo Dat make plan fo hurt dem, no can. You put dem inside one place Wea da oddas no can find um, Fo da peopo dat talk bad bout dem No can do notting.

Songs 27:5

Da One In Charge, weneva get hard time, He goin put me inside his place fo nobody hurt me. He goin let me stay inside his tent Fo nobody find me. He goin put me up high on top one big rock Fo nobody reach me.

Songs 18:11

He make eryting aroun him dark fo cova him, He put clouds all aroun jalike one tent. He make da black rain clouds Jalike one straina fo da watta come thru.

Matthew 22:7

“An den da king come so wild wit dem, he sen his army guys fo kill da guys dat wen kill his worka guys. Den da army guys burn up da whole town.

Daniel 2:21

He change wass goin happen, Now an bumbye. He make some kings come solid, An throw out some odda kings. Da guys dat know wat fo do erytime, He make um know even mo betta wat fo do. Fo da guys dat undastan stuff, He make um know even mo plenny.

1 Kings 20:16

Noon time, da Israel army guys go outside da town. Same time, Ben-Hadad stay inside one tent drinking an getting piloot wit da odda 32 king guys dat stay help him.

1 Kings 20:12

Wen Ben-Hadad hear dis, him an da odda king guys stay drink inside dea tents. Right den an dea he tell his officer guys, “Make ready fo attack!” So dey make ready fo attack Samaria town.

Isaiah 45:1

Dis one spesho message from Da One In Charge Fo one guy he pick awready: “Dis fo King Cyrus! I take his right hand fo help him, Cuz I goin make him win Wen he go afta da peopo inside odda countries. I goin take away da sword an sword belt From da odda kings, so dey no can fight. Az how I goin open doors fo Cyrus go inside. Even da big town gates no goin stay shut in front him!

Jeremiah 43:9

“Take some big stone wit you. Bury um inside da big square dat get clay floor, wea peopo go inside da palace fo da Pharaoh guy, Tahpanhes side. Make shua da Judah guys see you do um.

Jeremiah 46:13

Dis da kine stuff Da One In Charge tell Jeremiah, da guy dat talk fo him. He tell bout how Nebukadnezzar da Babylon king goin come attack da Egypt land.

Ezekiel 5:12

One third you guys goin mahke inside da town cuz dey goin come sick real bad kine, o dey no mo notting fo eat. One third you guys goin mahke from da sword fight outside da town. An one third you guys I goin scatta all ova da place. Den I goin pull out my sword an go afta dem.

Jeremiah 49:38

I goin put my throne Elam side. I goin wipe out dea king an dea leada guys from dat land.”