Jeremiah 4:22 - Hawaii Pidgin Bible

²² Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Jeremiah 4:22 交叉參考

1 Corint 14:20

Eh, my braddahs an sistahs! No go tink jalike small kids no moa! (Fo do da bad kine stuff, shua! Ack jalike bebes! Cuz da bebes, dey donno how fo do bad kine stuff.) But fo undastan wass da main ting, you gotta grow up!

Rome 16:19

Erybody wen hear how you guys erytime do wat God tell you guys fo do. Az why I stay real good inside cuz a you guys. But I like you guys be akamai bout da good kine stuff an no even try do da bad kine stuff.

Jeremiah 5:21

‘Lissen up, you stupid peopo dat no tink! You guys get eyes, but you no can see. You guys get ears, but you no can hear.’ ”

Rome 3:11

No mo nobody dat undastan, No mo nobody dat try fo know God!

Hosea 4:6

My peopo stay coming wipe out Cuz dey donno me. An cuz you pries guys no like know me, Az why I no like let you guys be my pries guys. You guys foget da teaching Dat come from me, yoa God, Da One In Charge, Az why I goin foget yoa kids.

Rome 1:22

Dey tell erybody dey smart an know wat fo do erytime. But cuz dey tink lidat, dey stay come mo stupid.

Hosea 5:4

Da Israel peopo stay do bad kine stuff, An dat make um so dey no come back by me, dea God. Cuz inside, dey ony like fool aroun wit odda gods. Dey donno me, Da One In Charge.

John 16:3

Dey goin make lidat to you guys cuz dey donno my Faddah an dey donno me.

Micah 2:1

“Bummahs, fo da guys dat make plan fo do bad kine stuff! Dass wat dey tink bout wen dey res on top dea bed. Den wen da sun come up dey go do um, Cuz dey get da powa fo do um.

Rules Secon Time 32:28

“Da Israel peopo, Dey da kine peopo dat no can tink. Dey no undastan notting.

Rome 1:28

Cuz dey tink, “Mo betta we no stay tight wit God fo real kine!” Az why God let um ack how dey like ack. An dey ony tink fo do no good kine stuffs. Dass how dey ack.

Jeremiah 13:23

You tink da Sudan guys can change dea skin color?! No can! You tink da leopards can change dea spots? Not even! Same ting fo you guys. No way you can change an do good kine stuff! You ony know how fo do bad kine stuff!

Isaiah 27:11

Da Israel peopo, dey jalike small branches From da trees dat come dry an dey broke. Da wahines come pick um up fo make fire. Az cuz da Israel peopo, dey not da kine peopo Dat undastan stuff, Dass why God dat wen make dem No feel pity fo dem. He no like do notting fo dem.

Jeremiah 10:8

Dea smart guys, dey no can tink mo betta den da animals, An dey do stupid kine stuff. Fo shua, no can learn wat fo do From da idol kine gods dey make from wood!

Isaiah 1:3

Da cows know who own um, An da donkeys know wea dea owna give um food. But da Israel peopo, dey donno me. Even my peopo no undastan notting bout me.”

Jeremiah 5:4

Me, Jeremiah, I figga lidis: ‘Dese guys, dey pooa, dey no mo notting. But dey stay stupid, Cuz dey donno how Da One In Charge like fo dem live. Dey donno wat dea God tell Bout wass right an wass wrong.

Luke 16:8

No matta da luna no do wass right befo time, da boss talk good to him now bout dis smart ting he wen do. You know, da peopo dat stick wit dis world mo smart wit money kine stuff den da peopo dat stick wit da light.

Hosea 4:1

You Israel peopo, lissen wat Da One In Charge tell. Cuz he stay poin finga at da guys dat live inside da land. He tell: “No can trus dem guys! Cuz dey no stay tight wit me! No mo nobody inside da land know me, God!

Rules Secon Time 32:6

You guys figga, az how you goin pay back Da One In Charge. You goin do pilau kine stuff, o wat?! You guys stupid! You guys donno wat fo do! God, he yoa Faddah, He da One wen make you guys, so he own you, He wen make you guys come one solid nation.

2 Samuel 13:3

Amnon get one fren name Jonadab. An Jonadab faddah, Shimeah, he David braddah. Jonadab one sly mongoose.

Songs 36:3

Eryting dat come outa dea mout, no good, an all bulai. Dey no like undastan wat dey stay do, An dey no like do good tings.

Songs 53:4

Dem guys dat stay do bad kine tings, How come dey neva learn notting? (But fo shua dey know!) Fo dem, easy fo bus up my peopo, Az jalike easy fo eat food. Dey no tink dey need fo yell To Da One In Charge fo help dem.

Songs 82:5

“Dem odda ‘gods,’ da ones in charge, Dey donno notting! Dey no undastan notting! Any place dey go, bad tings happen Jalike inside one dark place! Eryting dat make da world solid Stay shaking cuz a dem!”

Jeremiah 2:8

Da pries guys neva aks, ‘Wea Da One In Charge stay?’ Da guys dat suppose to know da Rules fo shua, Dey donno me fo real kine. Da guys dat suppose to take kea da peopo, Dey like beef wit me. Da guys dat suppose to talk fo me, Dey talk fo da god Baal. Dey stay tight wit da idol kine gods Dass good fo notting.”

Jeremiah 4:21

How long I gotta look da war flag An hear da soun from da trumpets fo start fo fight?!”

Jeremiah 9:3

Dis da message from Da One In Charge: “Dey get dea mout ready fo bulai, Jalike how you make one bow ready fo shoot arrows. An cuz dey bulai an you no can trus um, Az how dey win inside da land. Dey do one bad kine ting, an den anodda bad kine ting. But me, Da One In Charge, dey donno who me!”

Ezekiel 16:30

“ ‘Me, Da One In Charge, da Boss, tell dis: Fo shua, inside you goin come weak wen you do all dis kine stuff. You Jerusalem peopo ack jalike one hoa dat get big head an no mo shame!

Amos 3:10

You betta lissen! Da One In Charge, he tell dis: “My peopo, dey donno notting how fo do da right ting! Dey pile up dea palaces wit stuffs dey get From peopo dey wen bus up.”

Start 39:16

Da wahine keep Joseph shirt. She wait till her husban come home.

Songs 36:4

Even wen dey on top dea bed, Dey plan fo how dey goin do Bad tings to somebody. Dey stay go da way dass no good, Cuz dey hard head. Dey make up dea mind Fo do bad kine stuff.

Smart Guys 28:5

Da bad kine peopo, Dey donno how fo judge da right way. But da peopo dat like know Da One In Charge fo real kine, Dey know eryting bout wass right an wass wrong.

Jeremiah 9:2

Too bad no mo one place inside da boonies Fo me stay dea nite time. Den fo shua I can go way from my peopo An stay ova dea. Cuz all my peopo fool aroun wit odda gods Jalike dey fool aroun wit peopo dat not dea wife o husban. You no can trus dem cuz dey bulai.

Jeremiah 9:5

Ery fren bulai dea fren. No mo nobody tell da trut. Dey teach dea tongue fo bulai. Den dey come tired Cuz dey make eryting come hamajang.

Micah 7:3

Fo do bad kine stuff, dey go all out! Da alii guys aks fo gifs fo make dem come rich. Da judge guys aks fo unda da table kine money fo do dea job. Da importan guys tell wat dey like erytime. Dey all make plan togedda fo do um.