Jeremiah 4:14 - Hawaii Pidgin Bible

¹⁴ Eh you Jerusalem peopo, throw out da bad kine stuff from inside you, Fo Da One In Charge get you guys outa trouble! How long you guys goin make plan Fo do wrong kine tings?!

Jeremiah 4:14 交叉參考

James 4:8

So, come close to God, an he goin come close to you. Eh, you guys dat stay do da bad kine stuff—go clean up inside! You guys dat stay ack jalike you get two brain, you gotta make shua you all clean fo God!

Jesus Guys 8:22

You betta come sorry cuz dis one real bad ting you like do. You gotta aks Da One In Charge fo help you no do da bad kine stuff no moa!

Isaiah 55:7

Fo da bad kine peopo, Da ones dat stay make trouble, Az good dey bag from da stuff Dey do befo time, An no tink bad kine stuff no moa. Mo betta dey turn back to Da One In Charge, Cuz he goin show pity fo dem. Wen dey turn back to oua God, He goin do plenny fo let dem go Fo wat dey wen do befo time, An hemo dea shame.

1 Corint 3:20

Anodda place da Bible tell: “Da One In Charge, he know how da smart guys tink, Da guys dat suppose to know wat fo do. He know dey ony tink junk kine stuff dat wase time.”

Rome 1:21

Dey know bout God, but dey no like tell him, “Eh, you stay awesome cuz you stay God!” Dey no like tell um “Mahalo plenny!” Dass why ony poho wat dey tink bout God. Cuz dey no undastan notting, jalike eryting come all dark inside dem.

Luke 11:39

An Jesus, Da One In Charge, tell him, “You know, you Pharisee guys, jalike you guys clean ony da outside a da cup an da plate. But inside you, stay full a bad kine stuff, an you like stash eryting fo ony you!

Jeremiah 13:27

I wen look an see da pilau kine tings you guys do On top da hills in da countryside. You guys fool aroun wit da guys an wahines Dat not yoa husban o wife. You guys come hot up an fool aroun fo money. Bummahs, you Jerusalem peopo! How long you goin stay pilau?”

Smart Guys 1:22

“Eh, you guys dat donno notting an easy fo bulai! You guys like stay lidat, o wat?! An you buggahs dat no mo respeck fo nobody cuz you tink you real smart, You like stay lidat?! You stupid buggahs dat figga you no need learn notting, How come you no like wen peopo try tell you da trut?!

Songs 66:18

Even if I wen like do someting Ony litto bit bad, My Boss no goin lissen me.

Matthew 12:33

“You gotta tink lidis: Wen da tree good, den da fruit good. Wen da tree junk, den da fruit junk. Cuz da fruit goin show if da tree stay good o junk.

Ezekiel 18:31

Throw out all da bad kine stuff you guys wen do agains me awready! Go put inside you one new kine heart an one new kine attitude! Eh! You Israel ohana peopo! You guys no need come cut off from God, you know!

Songs 119:113

I hate da kine peopo Dat no can make up dea mind! But I get love an aloha Fo wat you teach.

Songs 51:2

Make me come all clean inside, Cuz wat I wen do, no was right. Make me come all clean inside Fo me pray one mo time.

Jeremiah 2:22

“No matta you guys wash yoa pilau clotheses wit stuff fo make um clean, An use plenny soap, Still yet, I see you guys get da blame, Jalike you get one bad kine stain.” Dass da message from Da One In Charge, da Boss.

Jeremiah 6:19

Lissen, all you peopo on top da earth! Dis wat I stay do: I stay make bad kine stuff happen to dis peopo. Da same ting dey make plan fo do, goin happen to dem, Cuz dey no bodda fo lissen wat I tell dem. Dey hate my rules.

Jeremiah 17:1

“Da bad kine stuff da Judah peopo do, Jalike somebody stay write inside dem Wit one real sharp iron chisel o wit diamond poin, Jalike stay write on top one metal plate, An jalike fo write um on top da tings jalike horns Dat stick out from da cornas a dea altars.

Zekariah 8:17

No go make plan fo do someting bad to da guys dat live nea you! No go tink az good you bulai wen you make one strong kine promise! I hate all dat kine stuff!” Az wat Da One In Charge tell.

Jeremiah 18:11

“Az why you gotta tell all dis to all da Judah peopo an da Jerusalem peopo: ‘Dis da message from Da One In Charge: Watch out! I da One stay make ready all da bad kine stuff goin happen to you guys. I da One stay make one plan agains you guys. All you guys betta not do da bad kine stuff no moa, an betta change how all you guys ack.’

John 13:9

Simon Peter tell him, “Kay den, you Da One In Charge! No wash ony my feets. Wash my hands an my head too!”