Jeremiah 4:13 - Hawaii Pidgin Bible

¹³ “Look! Da army guys, come jalike da clouds. Dea war wagons come jalike one strong wind! Dea horses run mo fas den da eagles fly. Bummahs! Us guys goin come wipe out awready!

Jeremiah 4:13 交叉參考

Isaiah 19:1

Me, Isaiah, I get heavy kine stuff fo tell bout wat I see goin happen to da Egypt peopo: Da One In Charge stay come Egypt side, Jalike he stay ride on top one cloud. Da idol kine gods da Egypt peopo pray to Stay shake in front him. Da Egypt peopo stay plenny sked An no can tink good.

Isaiah 66:15

Cuz you know wat?! Wen Da One In Charge come, he goin come wit fire! His war wagons goin come Jalike one strong wind storm! He goin come fo pay back Da peopo he stay real huhu wit. He goin bring da big fire Fo tell um no do bad kine tings.

Habakkuk 1:8

Dea horses run mo fas den da leopards. Dey mo skery den da hungry wild dogs Wen dey hungry dark time. Wen get war, all dea horses run real fas. Da guys dat ride um come from far away. Dey go jalike one scavenja bird Dat dive down fas fo grab someting fo eat.

Sad Song 4:19

Da guys dat chase us guys run fas. Mo fas den da eagles inside da sky. Dey chase us ova da mountains. Dey wait fo jump us inside da boonies.

Isaiah 5:28

Dea arrow, stay sharp, An dea bows, ready fo shoot. Da horses feet run real fas. Da wheels on dea war wagons make big noise Jalike da strong wind.

Nahum 1:3

Da One In Charge no get huhu real fas. He get plenny powa. He erytime punish da peopo dat get da blame. He show his powa inside da tornado an da storm. Da clouds, jalike da dus his feets kick up.

Isaiah 13:5

His army guys all stay come from one far place, From unda da mos far part a da sky. Az Da One In Charge stay coming wit dem, An he goin use dat army Fo punish da peopo he stay huhu wit. Da One In Charge goin wipe out da whole land!

Rules Secon Time 28:49

“Da One In Charge goin bring one peopo agains you guys from one far place, from da mos far part a da earth. Dey goin come real quick, jalike one eagle dat dive down real fas fo grab one small animal. You no goin undastan dea language.

Jeremiah 4:31

“I hear somebody yell jalike one wahine dat stay hurt plenny! She moan jalike she stay born her firs bebe. Az da Jerusalem peopo yelling! Jalike dey stay try fo breave but no can. Jalike dey put out dea hands an tell, ‘Bummahs! Help me! I goin pass out! Da guys dat like kill me stay hea!’ ”

Jesus Show 1:7

Try look! Look! Jesus stay come inside da clouds! Erybody goin see him, Even da guys dat wen stab him wit dea spear. All da diffren peopos all ova da world goin cry An feel bad inside cuz wat wen happen to him. Dass how goin be! Dass it!

Matthew 24:30

“I da Fo Real Kine Guy. Dat time, da peopo goin see someting up dea inside da sky dat goin show dem dat I stay come. An all da diffren kine peopos all ova da world goin cry hard an come real sad. Den dey goin spock me, da Fo Real Kine Guy. I goin come on top da clouds inside da sky. I goin come wit powa an I goin be awesome!

Hosea 8:1

Da One In Charge tell, “Blow da sheep horn war trumpet! Da ones dat stay agains dem, Az jalike get one eagle bird stay come down fo attack my Temple. Az cuz da peopo wen broke my deal wit dem. Dey go agains my rules.

Daniel 7:4

“Da firs wild kine animal, look jalike one lion, but get wings jalike one eagle. I look long time. Den somebody broke off da wings. Somebody lif up da animal from da groun, an make um stan on two feets jalike peopo, an make um come jalike one man inside, fo him tink jalike peopo.

Jeremiah 10:19

Da Jerusalem peopo yell: “Bummahs! I stay sore big time! Wea dey wen wack me stay mo worse. But I tink, ‘Fo shua, dass how sick I stay, An I gotta try handle.’

2 Samuel 1:23

“Saul an Jonathan, Wen dey stay alive, erybody love dem. Dey nice kine peopo. Even wen dey mahke dey stick togedda. Dey run mo fas den da eagles fly. Dey mo strong den da lions.

Isaiah 3:8

You know, da peopo inside Jerusalem, Jalike dey no can walk strait. Da peopo inside Judah, Jalike dey stay fall down too. Cuz wit wat dey tell, An wit wat dey do, Dey talk bad bout Da One In Charge An go agains him. Dey tink he no good, no matta he awesome.

Jeremiah 4:12

Dis wind mo strong den dat. Da wind come cuz I make um! An now, I da Judge, an I tell how I goin punish dem!

Jeremiah 9:19

Can hear da crying come from inside Jerusalem, Da peopo tell, ‘Us guys all bus up! Us guys stay shame! Us gotta give up oua land, Cuz da peopo dat stay agains us Wen bus up oua houses!’ ”

Jeremiah 49:22

Look! One nation stay come! Jalike one eagle dat stay fly high An den come down fas. Da eagle spread his wings fo attack Bozrah town. Dat time, da Edom army guys, Goin suffa, jalike one wahine Dat suffa wen she born one bebe.

Ezekiel 26:10

Dey get choke plenny horse dat dey goin cova you guys wit da dirt da horses kick up. Yoa walls goin shake cuz a da noise from da war wagons, da horses, an da regula wagons, wen Nebukadnezzar come inside yoa gates. Az jalike wat da army guys do wen dey go inside one big town afta da wall stay broke down.

Ezekiel 38:9

You an all yoa army guys an da diffren peopos wit you goin go up fo attack jalike one big storm. You goin come jalike one cloud dat cova da land.

Daniel 11:40

“Wen dat time pau, da Egypt king south side goin try fo push back da Syria king north side. But da Syria king guys goin wack da Egypt king guys jalike one big hurricane, wit war wagons, horse rida guys, an plenny boats. Dey goin attack plenny diffren lands an go thru dem jalike one big flood.

Micah 2:4

Dat time, peopo goin sing one song bout you guys. Dey goin make fun a you guys. Dey goin ack jalike dey cry an make long face. Dey goin sing dis sad song: ‘Da One In Charge split up oua property! He take away da land from oua peopo! Now us no mo notting! He give oua fields to da guys dat wen make us prisonas!’ ”

Jeremiah 6:23

Dey get bow an arrow an short sword fo fight. Dey like hurt peopo, an dey no give nobody chance. Wen dey ride on dea horses, Dey soun jalike da loud noise from da ocean. Dey all line up ready fo fight, An az you guys, da Jerusalem peopo, da ones dey stay coming afta!”

Jeremiah 46:18

Da real king get da name Da One In Charge, Da God Ova All Da Armies, an he tell: “Jalike I shua I stay alive, I stay shua one man wit plenny powa goin come, He big, jalike how Mount Tabor stay mo big den all da odda mountains. Big, jalike Mount Carmel by da sea.

Jeremiah 48:40

Dis wat Da One In Charge tell: “Look! One nation stay come! Jalike one eagle dat dive down fas. Da eagle spread his wings fo attack Moab.

Zekariah 6:1

I look up one mo time. Dea in front me get four war wagons coming outa one valley. Get one bronze mountain one side an anodda bronze mountain da odda side.