Jeremiah 39:9 - Hawaii Pidgin Bible

⁹ Da main officer dea stay in charge a da Babylon army guys dat kill da prisonas dat gotta mahke. His name Nebuzaradan. He take da odda peopo dat stay still inside Jerusalem, an make dem prisonas. He bring dem, an all da res a da peopo, Babylon side—dass da peopo dat wen go ova by da Babylon guys side too.

Jeremiah 39:9 交叉參考

Jeremiah 40:1

Dis anodda message dat Jeremiah get from Da One In Charge. Da main officer in charge a da Babylon army guys dat kill da prisonas dat gotta mahke, his name Nebuzaradan. He wen spock Jeremiah wit his wris chain togedda. So he pull um out from da odda prisona guys from Jerusalem an Judah dat da Babylon guys stay take Babylon side. Wen dey come Ramah town, Nebuzaradan let Jeremiah go.

Start 37:36

Same time, da guys from Midian side, dey go Egypt. Afta dey get dea, dey sell Joseph to Potifar, an he buy um. He one officer dat work fo Pharaoh da King. He da main guy fo da army guys dat kill da prisonas dat da king like kill.

Jeremiah 52:26

Nebuzaradan take all dese guys prisonas, an make um go by da Babylon king Riblah side.

Jeremiah 10:18

Cuz dis da message from Da One In Charge: “Dis wat I goin do right now. I goin throw out you peopo dat live inside dis land. I goin make you guys suffa plenny Fo da odda army guys capcha you.”

2 Kings 25:20

Nebuzaradan, da leada fo da king bodyguard, make all dem go by da Babylon king Riblah side.

2 Kings 25:11

Nebuzaradan take away all da peopo dat still stay inside da big town, all da odda peopo, an all da army guys dat wen change fo go ova da Babylon king side. He da leada fo da king bodyguard, an he make all dem prisonas an take um Babylon side.

Jeremiah 16:13

Az why I goin throw you guys outa dis land, an bring you inside one land dat you guys an yoa ancesta guys neva know befo time. Ova dea you guys goin work fo odda gods day time an nite time. Cuz I no goin give you guys chance.

Isaiah 5:13

Dass why my peopo goin come prisonas An go anodda land, Cuz dey donno notting. Dea importan peopo goin mahke Cuz dey no mo food fo eat, Da odda peopo goin mahke Cuz dey no mo notting fo drink.

2 Kings 20:18

An some a da kids dat goin come from you, dat get yoa blood, dat yoa wahines goin born fo you, dey goin take dem away too. Da Babylon guys goin make um so yoa boy kids no can get kids. Dey goin come worka guys fo da Babylon king, inside his palace.”

Rules Secon Time 4:27

Den Da One In Charge goin make you guys go all ova inside odda peopos land, an ony litto bit a you guys goin stay alive ova dea wit da odda peopos, wea Da One In Charge goin make you guys go.

Prieses 26:33

I goin make you guys go all ova da place wea all kine peopos stay. I goin take out my sword an go afta you guys. You guys land goin come good fo notting, an yoa towns, goin come all bus up.

Jeremiah 24:8

“But jalike da rotten figs, dat no can eat um, az how I goin make to Zedekiah, da king fo Judah, his leada guys, an da odda Jerusalem peopo dat stay alive still yet, no matta dey stay inside dis land o go Egypt side.

Jeremiah 38:19

King Zedekiah tell Jeremiah, “I sked a da Judah guys dat wen go ova da Babylon guys side. Cuz maybe da Babylon guys goin turn me ova to dose Judah guys, an dey goin make any kine to me.”

Jeremiah 52:27

Ova dea, Riblah town Hamat side, da Babylon king tell his guys fo kill all dem. Az how da Judah peopo wen come prisonas an go way from dea land.

Jeremiah 40:7

Afta da Babylon king wen pick Gedaliah, Ahikam boy, fo stay in charge a da land, Gedaliah ony stay in charge a da guys dat no mo notting, an da wahines an da young kids an da ol peopo, cuz dey no stay prisonas fo go Babylon side. Wen da Israel officer guys an dea army guys dat still stay in da country side hear dat,

Daniel 2:14

But den, Daniel go talk wit Aryok. He da main leada fo da king bodyguards, da ones dat kill da prisonas dat da king like kill. He stay ready fo go out fo kill all da smart guys inside Babylon, wen Daniel talk to him. Daniel know how fo help peopo figga, an he pick da bestes way fo talk to Aryok.