Jeremiah 39:6 - Hawaii Pidgin Bible

⁶ Ova dea Riblah side, da Babylon king tell his army guys kill Zedekiah boys in front Zedekiah. Da Babylon guys kill all da alii guys from Judah too.

Jeremiah 39:6 交叉參考

Jeremiah 52:10

Right den an dea Riblah side, da Babylon king tell his guys fo kill Zedekiah boys, an Zedekiah wen watch um mahke. Same time, da Babylon king tell his guys kill all da Judah leada guys too.

Jeremiah 21:7

An Da One In Charge tell wat goin happen afta dat—bout Zedekiah da king fo Judah, his palace guys, an da peopo dat live inside dis big town. He tell wat goin happen to da ones dat still stay alive afta da bad kine sick, an da fighting, an no mo food. Da One In Charge goin give dem to Nebukadnezzar, da king fo Babylon, an to da guys dat stay agains dem an like kill um. An Nebukadnezzar guys goin kill da Jerusalem peopo wit swords. Dey no goin feel pity fo dem o give dem chance.’

2 Kings 25:7

Da firs ting dey do, dey make Zedekiah watch wen dey kill his boys. Den one a dem poke out Zedekiah eyes. Dey tie him wit two bronze leg chain, an take him Babylon side.

Rules Secon Time 28:34

Wat you guys goin see goin make you guys come pupule.

Isaiah 13:16

Da army guys goin kill dea bebes in front dem, An steal all da stuffs inside dea houses, An rape dea wifes.

Esther 8:6

Cuz I no like see dis real bad kine ting happen to my peopo, an see all my ohana come wipe out.”

2 Records 34:28

‘Wat I goin do, King Josiah, I goin bring you wea yoa mahke ancesta guys stay. Yoa peopo goin bury you, fo you res an stay quiet. You no goin see all da bad kine stuff I goin bring on top dis place an da peopo dat live hea.’ ” So Hilkiah guys go back by da king an tell him wat Huldah wen tell.

2 Kings 22:20

Az why bumbye, wen you mahke, dis wat I goin do: I goin let yoa peopo bury you wit yoa ancesta guys, an eryting goin stay good. You not goin see all da bad kine stuff dat I goin make happen to dis place.’ ” So dey go back, an tell da king wat Huldah, da wahine dat talk fo God, wen tell.

Start 44:34

No way I can go back by my faddah guy, if da boy no stay wit me! Eh, no make me see da bad ting dat goin happen to my faddah!”

Start 21:16

Den Hagar go mo down, bout hundred yard. She sit down ova dea da odda side, cuz she tink, “I no can handle fo see my boy die!” An she bus out crying.

Isaiah 34:12

Da Edom alii guys, Dey goin call dea land “Da Place Wea No Mo King Cuz No Mo Notting,” Cuz all da alii guys gone awready.

Jeremiah 20:4

Cuz dis wat Da One In Charge tell: ‘I goin make you an all yoa frenz come real sked. You goin see da guys dat stay agains oua peopo use dea swords fo kill yoa frenz. I goin give da Babylon king powa ova all you Judah peopo. He goin take some a you guys Babylon side, an tell his guys kill some a you wit swords.

Jeremiah 34:3

An you, Zedekiah, you no goin run away from Nebukadnezzar. His guys goin catch you an bring you by him. Dey goin bring you in front da Babylon king an you goin talk wit him. Den you goin go Babylon side.

Jeremiah 38:23

“Da Babylon guys goin take away all yoa wifes an kids. Dea king goin tell his guys fo capcha you. Az why you no can run away from dem. An dey goin burn down dis town.”

Ezekiel 23:24

Da Babylon guys an all da odda guys goin come agains you wit da stuff dey use fo fight: war wagons, regula wagons, an plenny army guys. Dey goin surroun you fo fight you wit big an small shields, an wit helmets. I goin let dem take ova you fo dem punish you da way dea rules tell um fo punish you.

Ezekiel 24:5

Pick da bestes sheep from all da ones you get. An pile up da sheep bones. Make da watta in da pot boil good. Cook da bones an da meat togedda.

Zefaniah 1:8

Da time wen me Da One In Charge make dat sacrifice, I goin punish da leadas an da king ohana peopo, An all da peopo dat pray to da gods from anodda place.