Jeremiah 39:5 - Hawaii Pidgin Bible

⁵ But da Babylon army guys chase dem, an catch up wit Zedekiah on top da flat land da odda side a Jericho. Dey make him dea prisona, an take him by Nebukadnezzar da Babylon king. Nebukadnezzar stay nea Riblah town, inside da Hamat land. Dass wea Nebukadnezzar tell Zedekiah how he goin punish him.

Jeremiah 39:5 交叉參考

2 Kings 23:33

Pharaoh Neko make Jehoahaz one prisona Riblah town, inside da Hamat land, an tie him up wit one chain, fo him no stay king inside Jerusalem no moa. An Pharaoh Neko make da Judah peopo pay one big fine, 7,500 poun silva an 75 poun gold.

Joshua 5:10

Day numba fourteen dat month, wen litto mo dark, an da Israel peopo still stay camp Gilgal side, dey make da spesho Passova religious kine ceremony.

Jeremiah 38:23

“Da Babylon guys goin take away all yoa wifes an kids. Dea king goin tell his guys fo capcha you. Az why you no can run away from dem. An dey goin burn down dis town.”

Jeremiah 38:18

But if you no goin give up to da officer guys fo da Babylon king, den dis town goin go to da Babylon guys, an dey goin burn um down. An no ways you goin get away from dem!’ ”

Joshua 4:13

Had bout 40,000 guys wit all dea stuff fo fight, go across in front Da One In Charge, to da flat place aroun Jericho, ready fo make war.

Sad Song 4:20

Da leada guy dat Da One In Charge wen pick, dat make us guys stay alive, Dey wen catch him inside dea traps. Us wen tink us goin be one nation Wit him fo da main guy.

Sad Song 1:3

Da Judah peopo come prisonas an go far away, Afta dey get hard time an gotta work real hard. Dey live wit diffren kine peopos. Dey no mo place fo res. All da peopo dat chase dem Catch dem up wen dey get hard time.

Jeremiah 4:12

Dis wind mo strong den dat. Da wind come cuz I make um! An now, I da Judge, an I tell how I goin punish dem!

2 Records 33:11

Az why Da One In Charge bring agains da Israel peopo da army leadas fo da Assyria king. Dey catch Manasseh, an make him prisona. Dey put one hook thru his nose, chain him up wit bronze metal leg chains, an make um walk all da way Babylon side.

2 Kings 25:6

Da Babylon guys grab King Zedekiah. Dey bring um up country Riblah side by da Babylon king. Dea dey tell wat dey goin do to him.

2 Kings 17:24

Da Assyria king wen bring in new peopo from Babylon, Kutah, Avva, Hamat, an Sefarvaim. He make all dem live inside da towns Samaria side wea da Israel peopo wen live befo time. Dey take ova Samaria town an make house dea, an dey live inside da odda Israel towns too.

2 Samuel 8:9

Toi, da king fo Hamat, stay fight Hadadezer long time awready. Wen Toi hear dat David wen win ova all da Hadadezer army, he sen his boy Joram wit silva, gold, an bronze stuffs fo King David. Joram aks David if eryting can stay good fo Toi an David. An Joram tell David “Az good!” cuz David wen win ova Hadadezer.

Local Leadas 3:3

Dese, da diffren peopos dat stay inside da land: da Filisha peopo wit dea five leadas, all da Canaan peopos, da Sidon peopo, da Hiv peopo dat live inside da Lebanon mountains from Mount Baal-Hermon to Lebo-Hamat.

Joshua 13:5

Da land wea da Gebal peopo stay, an all Lebanon to da east from Baal-Gad unda Mount Hermon to Lebo-Hamat.

Census 13:21

Az why dey go up an look all ova da land, from da Zin Boonies south side, all da way to Rehob north side, wea you can go Lebo-Hamat side.

Jeremiah 21:7

An Da One In Charge tell wat goin happen afta dat—bout Zedekiah da king fo Judah, his palace guys, an da peopo dat live inside dis big town. He tell wat goin happen to da ones dat still stay alive afta da bad kine sick, an da fighting, an no mo food. Da One In Charge goin give dem to Nebukadnezzar, da king fo Babylon, an to da guys dat stay agains dem an like kill um. An Nebukadnezzar guys goin kill da Jerusalem peopo wit swords. Dey no goin feel pity fo dem o give dem chance.’

Jeremiah 24:8

“But jalike da rotten figs, dat no can eat um, az how I goin make to Zedekiah, da king fo Judah, his leada guys, an da odda Jerusalem peopo dat stay alive still yet, no matta dey stay inside dis land o go Egypt side.

Jeremiah 44:30

Da One In Charge tell dis too: “I goin turn ova Pharaoh Hofra, da king fo Egypt, to da guys dat stay agains him an like kill him. Az jalike I wen turn ova Zedekiah, da Judah king, to Nebukadnezzar, da Babylon king, da guy dat wen stay agains Zedekiah an like kill him.”

Jeremiah 49:23

Dis wat Da One In Charge tell bout da Damascus peopo: “Hamat town an Arpad town, Da peopo dea donno wat fo do. Cuz dey wen hear bad kine stuff Bout wat wen happen Damascus side. Dey all bodda inside cuz a dat. Dass why dey stay nerjus, Jalike da ocean dat no can stop go up an down.

Ezekiel 23:24

Da Babylon guys an all da odda guys goin come agains you wit da stuff dey use fo fight: war wagons, regula wagons, an plenny army guys. Dey goin surroun you fo fight you wit big an small shields, an wit helmets. I goin let dem take ova you fo dem punish you da way dea rules tell um fo punish you.

Habakkuk 1:7

Erybody stay real sked a dem. Dey make up da kine rules dey like. Dey make um fo dem be da ones come importan.

Isaiah 22:3

Da leada guys fo yoa army Dey all wen run away togedda. Da odda guys no even shoot arrow at dem. Dey jus grab um an tie um up. Da guys from da town come prisonas too, Even da guys dat run away Wen da army guys still yet stay far away from da town.”