Jeremiah 32:5 - Hawaii Pidgin Bible

⁵ Da Babylon king goin take Zedekiah Babylon side, an he goin stay ova dea till I do wat I like do bout him. If you fight da Babylon guys, you no can win ova dem.’ Az wat Da One In Charge tell.”

Jeremiah 32:5 交叉參考

Ezekiel 17:15

But da Judah king wen go agains da Babylon king. He sen messenja guys Egypt side fo get horses an plenny army guys fo fight. You guys tink da Judah king goin win, o wat?! You guys tink he goin get outa dea, o wat?! Da one dat do dis kine stuff, you tink he can broke da deal an still yet get outa dea, o wat?!

Jeremiah 39:7

Den Nebukadnezzar tell dem fo poke out Zedekiah eyes, an tie um up wit bronze shackles fo take him Babylon side.

Jeremiah 33:5

But da places wea da houses stay, befo dey bus um down, goin stay full a da mahke bodies a da Jerusalem army guys dat wen try fo fight da Babylon guys. I goin kill da Jerusalem guys hea cuz I stay real huhu. I goin make deaf ear to da peopo inside dis big town, cuz a all da bad kine stuff dey do.

Jeremiah 27:22

Dey goin take um away Babylon side, an goin stay ova dea, till da time come fo go an get um. Den I goin bring um back an put um inside dis place one mo time.” Az wat Da One In Charge tell.

Ezekiel 12:13

But jalike I goin put out my net fo catch um, an my trap goin get um. I goin take him Babylon side, da land wea da Babylon peopo stay. But he no goin see dat land. An he goin mahke ova dea.

Jeremiah 37:10

Wen dey do dat, no goin matta you guys bus up all da Babylon army guys dat stay attack you guys! No goin matta da ony Babylon guys dat still stay alive stay hurt inside dea tents! Fo shua, even jus da ones dat stay hurt, still yet dey goin come aroun dis town an burn um up. You guys no can win, you know!”

Jeremiah 2:37

Wea eva you guys go fo make one deal Fo dem help you, You goin go way from dea Wit yoa hands on top yoa head, Cuz dey make you come dea prisonas! Az cuz da peopos dat you guys trus, Dey no good. Me, Da One In Charge, an I tell you dat awready! You guys stay tight wit dem, Az why notting goin come good fo you guys.

Smart Guys 21:30

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!

2 Records 24:20

Den Da Spirit from Da One In Charge take ova Zekariah, Jehoiada da pries guy boy. He stan in front da peopo, an tell, “Dis da message from God: ‘How come you guys neva lissen wat me, Da One In Charge, wen tell you guys fo do? No mo notting goin come out good fo you guys. You guys wen bag from me, Da One In Charge! Az how come I bag from you guys!’ ”

2 Records 13:12

So den, God stay wit us guys. He oua leada. His pries guys wit dea metal trumpets goin make da signal fo start fo fight you guys. Eh, you Israel guys, no go fight Da One In Charge, da God fo yoa ancesta guys, cuz no way you guys goin win!”

Census 14:41

But Moses tell, “How come you guys goin go wea Da One In Charge tell you fo no go?! Dis no goin come out good!

Jeremiah 32:6

Dat time, Jeremiah tell: “Dis da message Da One In Charge wen give me. He tell:

Jeremiah 32:24

“Look, how da Babylon guys stay pile up dirt awready fo come ova da town wall an capcha Jerusalem town. Cuz a da war, an no mo food, an da bad kine sick, da Babylon guys dat stay fight us guys goin take ova da town. Wat you wen tell stay happen right now, jalike you see!

Jeremiah 39:5

But da Babylon army guys chase dem, an catch up wit Zedekiah on top da flat land da odda side a Jericho. Dey make him dea prisona, an take him by Nebukadnezzar da Babylon king. Nebukadnezzar stay nea Riblah town, inside da Hamat land. Dass wea Nebukadnezzar tell Zedekiah how he goin punish him.

Sad Song 1:14

“Da One In Charge take all da bad tings I wen do, An tie um togedda fo come one yoke Dat stay on top my neck. He make me come weak. I no can win ova da strong guys. He give me to dem.

Ezekiel 12:12

“Da prince guy dat stay wit da Jerusalem peopo goin put his stuffs on top his shoulda, nite time, an go way. Da peopo goin dig one hole thru da wall fo him go thru dea. He goin cova his face fo no see da land.

Jeremiah 39:4

Wen Zedekiah, da Judah king, an all his army guys see dem, dey run away. Dey sneak out from Jerusalem town nite time thru da king garden, thru one gate in da middo a two walls, an go da road to da Jordan Riva valley.