Jeremiah 32:23 - Hawaii Pidgin Bible

²³ Dey come inside hea an take um ova. But dey no lissen wat you tell um, o stick wit da rules you wen teach um. Dey no live how you tell dem fo live. Az why you bring all dis bad kine stuff on top dem.

Jeremiah 32:23 交叉參考

Ezra 9:7

From da time oua ancesta guys wen live to now, us guys get uku pile a shame. An cuz a da bad kine stuff us guys stay do, you wen let da kings from odda lands take ova us guys—oua kings an prieses an erybody. Dey kill us wit swords, an drag us away fo work fo dem. Dey take eryting we get, an dey make us come plenny shame. An dat stay happen one mo time right now!

Sad Song 1:18

Da Jerusalem peopo tell: “Da One In Charge do da right kine ting erytime. But I wen go agains wat he tell me fo do. Lissen, all you peopos! Look how I suffa. My young guys an wahines Wen come prisonas an go one far place.

James 2:10

Dis wat I mean: Anybody dat do eryting God tell his peopo dey gotta do, but ony jam up one ting, dey still wen broke all da Rules From God, you know.

Galatia 3:10

Whoeva try fo do eryting da Rules tell um fo do fo get um right wit God, dey get one kahuna on top dem. Cuz da Bible tell, “Erybody dat no stay do eryting da Rules From God tell us fo do, dey get one kahuna on top dem.”

John 15:14

You guys stay my frenz, if you guys do da stuff I stay tell you guys fo do.

Luke 17:10

Same ting. Wen you guys go do eryting you suppose to, den you goin tell, ‘Us jus worka guys. We ony wen do wat we suppose to do.’ ”

Ezekiel 20:21

“You know awready, dat whoeva lissen wat I teach, dey goin get da real kine life wen dey do um. But even da kids go agains me. Dey no follow da rules I wen make. Dey no live da way I wen tell you guys fo live. Dey no follow wat you tell um bout wass right an wass wrong. An da kids make da days dat stay spesho fo me come pilau. Az why I wen tell dat I goin show how mad I stay agains dem. Cuz a eryting dey do, dat time I stay ready fo wipe um out ova dea inside da boonies.

Ezekiel 20:18

Inside da boonies, I tell dea kids, “No stick wit da rules yoa faddah guys wen make! No stick wit da tings dey tell you bout wass right an wass wrong! No go come pilau wit dea idol kine gods!

Ezekiel 20:8

But dey wen go agains me an no like lissen me. Dey no throw out all dea horraz kine idol gods dat dey like look at. An dey no bag from da idol kine gods from Egypt. So I tell dat I goin show how mad I stay agains dem, an pay dem back befo dey leave da Egypt land.

Sad Song 1:8

Da Jerusalem peopo wen do plenny bad kine stuff. Dey come pilau an no can go in front God. All da peopo dat wen show respeck fo dem, Now dose peopo make to dem jalike dey no worth notting. Az jalike da Jerusalem peopo stay naked. Dey moan an dey stay plenny shame.

Nehemiah 9:15

Wen dey hungry, you give um bread outa da sky. Wen dey thirsty, you make watta come outa one big rock fo dem. You tell um fo come hea fo take ova dis land, Cuz you wen make one strong promise befo time fo give um da land.”

Joshua 23:16

If you guys go agains da deal yoa God, Da One In Charge, wen make wit you guys fo tell you wat you gotta do, an if you guys go way from him an work fo odda gods, an go down in front odda gods, an work fo dem, den he goin come real huhu wit you guys. Real fas you guys goin come wipe out inside da good land he wen give you guys!”

Songs 78:10

Dey neva stick wit da deal Dey get wit God, Dey wen tell, “Us no goin live Da way da Rules From God tell!”

Jeremiah 2:7

“But den, I wen bring you guys inside one land Wea fruit grow good, An you can eat odda stuff dat grow dea too. But wen you guys come hea, You make my land come all pilau. You guys make da property I give you Come one junk kine place.

Jeremiah 26:4

Tell dem dat Da One In Charge tell dis: If you guys no lissen me, an no live da way I teach in front all you guys, dis wat goin happen:

Jeremiah 44:10

Even today you guys no show you come sorry fo wat you wen do. You guys no show respeck fo me. You no follow my rules, an all da stuff I wen tell you guys an yoa ancesta guys dat you gotta do.

Joshua 21:43

Dass how Da One In Charge give da Israel peopo all da land. Befo time he wen make one strong promise to dea ancestas fo give um da land fo dea property, an dey take um ova, an live dea.

Jeremiah 7:26

But yoa ancesta guys no lissen me o tink bout wat I tell. Dey hard head, an dey do mo plenny bad kine stuff den dea ancesta guys wen do.