Jeremiah 32:18 - Hawaii Pidgin Bible

¹⁸ You stay tight wit uku tousan generation a yoa peopo. But wen you pay back peopo fo da bad kine stuff dey wen do, even dea kids get hurt too. You da God dat stay awesome an get plenny powa. Da peopo dat know wat kine god you, dey call you Da One In Charge, da God Ova All Da Armies.

Jeremiah 32:18 交叉參考

Jeremiah 10:16

Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Da One In Charge, he Da God Ova All Da Armies, Az wat kine god him!

Outa Egypt 34:7

Wen I make one promise fo stay tight wit one ohana, I stay tight wit even da kids, an dea kids, An all da peopo dat come afta dem fo tousan generation. I let peopo go an hemo dea shame Fo wen dey do da wrong ting an go agains me an do bad tings. Still yet, if somebody need fo me punish dem, I punish dem. An if dea kids do da same ting, I punish dem too, an same ting wit dea grankids, An even dea great-grankids!”

Matthew 27:25

An all da peopo tell, “Yeah, us guys an oua kids goin be da one fo take da blame fo kill um!”

Isaiah 57:15

Da One In Charge, da One stay far away up dea Inside da sky, an real importan. He stay alive foeva. He stay good an spesho cuz dass wat kine god him. He tell: “I live inside da mos high place, Da place dat stay spesho fo me! But still yet, I stay live wit da one Dat feel all heavy inside, An know dat dey notting. Az cuz I like make da peopo dat know dey notting, An da ones dat feel heavy inside, Come strong inside.

Isaiah 10:21

Ony some a da Jacob peopo goin come back hea An trus da Real God dat get all da powa.

Isaiah 9:6

Cuz one bebe goin born fo us guys, One boy dat God give us. Da govmen goin be his kuleana. Dis da name peopo goin give him: “Da Awesome One Dat show us da bestes tings fo do. Da God dat get all da powa. Da Faddah dat stay foeva. Da Leada dat make us come so notting bodda us.”

Rules Secon Time 10:17

Cuz oua God, dass Da One In Charge a us, he da real God mo den all da odda gods, an he da real Boss mo importan den all da odda bosses. He da big an strong God, an you betta be sked a him. He no make to one guy mo betta den da odda guy, an you no can pay him fo make him do spesho stuff fo peopo.

Census 14:18

‘Da One In Charge slow fo get mad. He stay plenny tight wit his peopo. He hemo dea shame fo wen dey do wrong tings an go agains him an do bad tings. Still yet, if God gotta punish somebody, he punish um. An if dea kids do da same ting, he punish dem too, an same ting fo dea grankids, an even dea great-grankids.’ Dass wat you wen tell.

Habakkuk 1:12

You, Da One In Charge! You my God! You stay alive from befo time An you no goin mahke! You my God dat stay good an spesho. You Da One In Charge! You wen pick da Babylon guys fo pay us back. You strong, jalike one cliff. You wen pick dem fo punish us guys!

Nehemiah 1:5

Dis wat I tell: “You Da One In Charge, you da God dat live inside da sky! You da big an awesome God. You wen make one deal fo da peopo dat get love an aloha fo you, da ones dat stay do wat you tell um fo do. An you stay tight wit yoa peopo cuz you wen make dat deal wit dem.

2 Kings 9:26

‘Befo time, I wen see you make Nabot an his boys bleed an mahke. An fo shua I goin pay you back fo wat you wen do to Nabot, on top dis same piece land. Dat word come from me, Da One In Charge.’ So now, go pick up Joram mahke body an throw um down on top dat land, jalike Da One In Charge wen tell goin happen.”

Jeremiah 31:35

Dis wat Da One In Charge tell, Da One dat tell da sun fo shine day time, An tell da moon an stars dey suppose to shine nite time, Da One dat make da ocean move So da waves make big noise— Da One In Charge, da God Ova All Da Armies, do dat. Dass wat kine god him!

Songs 50:1

Da God Wit All Da Powa, Da One In Charge, he tell dis. He tell da peopo From all ova da world Fo come by him, From da place wea da sun come up, To da place wea da sun go down.

Rules Secon Time 7:21

No come sked an shake cuz a dem! Cuz oua God, Da One In Charge, stay right hea wit you guys, an he one God dat stay big an awesome.

Start 49:24

But Joseph guys, dea bow neva lose fight An dea arm stay strong fo move quick. Az cuz me Jacob, I pray to da Strong God. Az why he make Joseph guys come strong too. God jalike da Sheep Guy dat take kea me, Jalike he da Big Rock dat stay help me, Israel.

Luke 6:38

Give stuff to da odda guy. Den God goin give stuff to you. He goin fill um up, shake um, fill um up some moa, plenny goin even run ova, an he goin pour um all inside yoa bag. Cuz da way you give to peopo, same way he goin give to you.”

Outa Egypt 34:6

Den Da One In Charge pass by in front Moses. He talk strong an tell: “Da One In Charge! Dass me! I one God dat get pity fo peopo, An I like do good tings fo peopo! I slow fo get mad. I stay tight wit my peopo plenny, An I do wat I tell I goin do erytime.

Jeremiah 10:6

Da One In Charge, no mo nobody stay jalike you. You da bestes! Wen peopo know wat kine god you, Dey know you strong an can do awesome kine stuff!

Jeremiah 20:11

But Da One In Charge, he stay wit me Jalike one skery kine army guy. Az why da guys dat like give me hard time, Dey goin trip an fall down. Dey no goin win. Dey goin come real shame. Tings no goin come good fo dem. Nobody goin foget dat dey get shame all da time.

Jeremiah 50:34

But da One dat goin get da Israel peopo outa trouble, stay strong. Dass Da One In Charge, da God Ova All Da Armies, Az wat kine god him. He goin stan up fo dem Fo dem res real good inside dea land. But he goin bring trouble Fo da peopo dat live inside Babylon.”

Daniel 2:45

Dass wat da big rock you wen see mean. But nobody wen broke dat rock outa da mountain—da rock dat broke da iron, da bronze, da clay, da silva, an da gold, in small piece. “Da mos importan God wen let you, da king, know wat goin happen bumbye. Da dream stay true, an you can trus wat I tell you bout da dream.”

Songs 89:9

You da one dat tell da ocean waves Fo come big An wen da waves come big, You calm um down.

Jeremiah 33:2

“Dis wat me, Da One In Charge, tell: Me, Da One In Charge, I make da plan An I shape um an put um togedda. Az wat kine god me, Da One In Charge.