Jeremiah 31:3 - Hawaii Pidgin Bible

³ From long time befo time, Me, Da One In Charge, I wen show up fo dem see me. I tell: “I get plenny love an aloha fo you guys fo long time. Dass why fo long time I stay tight wit you guys.

Jeremiah 31:3 交叉參考

Songs 103:17

But Da One In Charge, He stay tight wit his peopo From long time befo time, An till long time from now, Da ones dat get choke respeck fo him. Da peopo dat stick wit da deal God wen make, An no foget fo do Da tings he wen tell um fo do, He goin do wass right fo dem An fo dea kids an grankids too!

Hosea 11:4

I wen lead dem wit my yoke straps, An make nice to dem. I wen show love fo dem. Az jalike I wen take da yoke off dea neck, An bend down fo feed dem.

Rules Secon Time 33:3

You, Da One In Charge, fo shua you get Love an aloha fo da Israel peopo. All da ones dat stay spesho fo you, Jalike dey stay inside yoa hand. Dey go down in front yoa feets, An dey learn stuff from you.

1 John 4:19

Us guys get love an aloha fo God cuz he wen get love an aloha fo us firs.

2 Timoty 1:9

Eh! God wen take us outa da bad kine stuff we do. He wen pick us fo go all out fo him. He neva do dat cuz a wat us guys wen do, But he wen do dat cuz he wen make one plan fo do dat, An he like do good tings fo us guys. He wen do all dat fo us befo da world wen start, Cuz he know us goin stay tight Wit his Spesho Guy Jesus Christ.

Rome 8:30

Da peopo God wen pick befo time, he tell um fo come be his guys. An dose same guys, God make um get um right wit him, an he make um come awesome jalike him.

Isaiah 45:17

But you Israel peopo, you goin get outa trouble Cuz you stay tight wit Da One In Charge. An da way he get you outa trouble, goin be foeva! You no goin get shame, An nobody goin make you come shame no moa, foeva!”

Malakai 1:2

Da One In Charge tell dis to you guys: “I get love an aloha fo you Israel guys.” But you guys tell God, “Eh! How you wen show you get love an aloha fo us guys?!” Dis wat Da One In Charge tell: “You guys know Jacob, yoa ancesta? He get one braddah Esau, aah? But da peopo dat come from Jacob, da Israel peopo, dey da ones I get love an aloha fo!

Rules Secon Time 10:15

But still yet, Da One In Charge wen like yoa ancesta guys, an get love an aloha fo dem. An he pick you guys dat come from dem! He neva pick any odda peopos. An dass how stay today.

1 Peter 1:3

I like erybody tell how good God oua Faddah stay, an how good his Boy Jesus Christ, Da One In Charge, too. God, his Faddah, he give us guys plenny chance. Wen Jesus Christ wen mahke, he come back alive! So den, Christ wen give us one new kine life, jalike we wen born one mo time. Us guys stay trus Christ cuz we know fo shua wat he goin do fo us bumbye.

Love Song 1:4

Take me away wit you! Hurry up! Us go! Eh! You my king guy! Bring me inside da bedroom! Us guys like dance an sing cuz a you! We stay real good inside! Us goin talk good bout how you guys make love togedda now, Mo den we talk good bout da wine. So az right, fo dem get plenny love an aloha fo you!

Hosea 11:1

Da One In Charge tell, “Befo da Israel peopo come one nation, dey jalike my kid. I get love an aloha fo all dem. An I call out to all dem, ‘Eh my boy! Go come outa Egypt!’

Rules Secon Time 33:26

“No mo anodda god like da God fo Jeshurun, Az da Israel peopo dat stay do wass right, He ride from one side a da sky to da odda side Fo help you guys. He ride jalike da clouds one war wagon fo him Cuz he awesome.

Rules Secon Time 4:37

He get plenny love an aloha fo yoa ancesta guys, an he pick da kids afta dem too. Az why he wen stay wit you guys an go fo broke fo bring you guys outa Egypt.

James 1:18

God wen plan dis fo us: He tell us guys wass true. Az how he give us his kine life. From all da tings he wen make hea inside da world, he make us guys spesho kine, jalike us da bestes fruits, da kine dat da farma guy pick firs fo make present to God.

Rome 9:13

Jalike God tell inside da Bible, “I wen pick Jacob, but I neva pick Esau, da one born firs.”

Songs 25:6

Eh! You Da One In Charge! Tink bout all da times You wen show us guys pity An da times you wen stay tight wit us guys, Cuz dass how you stay make, from da start.

1 Kings 10:9

I like tell yoa God, Da One In Charge, ‘Mahalo!’ cuz he da One stay do good tings fo you. Fo shua, he feel good inside wen he tink bout you! Az why he wen make you da king fo da Israel peopo. An cuz Da One In Charge get love an aloha fo da Israel peopo foeva, he make you dea king, so you judge dem da right way an do da right tings fo dem.”

Isaiah 43:4

Az cuz weneva I tink bout you guys, I see dat you worth plenny to me. I show you respeck, Cuz I get love an aloha Fo all you guys. I goin give odda peopo fo pay fo you. I even goin let um mahke Fo you stay alive.

Isaiah 49:14

But da Mount Zion peopo, dey tell, “Da One In Charge wen leave us! Oua Boss foget bout us!”