Jeremiah 30:8 - Hawaii Pidgin Bible

⁸ Da One In Charge, da Boss Ova All da Armies, tell: “Dat time, jalike I goin broke da yoke off dea neck. I goin cut da ropes dat tie um. Dey no goin be slaves no mo Fo guys from anodda place dey donno.

Jeremiah 30:8 交叉參考

Ezekiel 34:27

Da trees in da land goin get choke plenny fruits an da groun goin grow plenny stuff. My peopo goin live on top dea land an no mo notting goin hurt dem. An dass how goin come wen I broke da heavy yoke on top dem, so dey no goin be slaves no moa. Den dey goin know az me Da One In Charge do all dis!

Nahum 1:13

Now, jalike I goin broke da Assyria yoke from on top yoa neck, An jalike I goin pull off da straps dat tie you to da yoke.”

Jeremiah 27:2

I tell da peopo dat Da One In Charge tell me dis: “Make da kine straps an bars dat peopo use fo one yoke fo dea cow pull wagon. Tie da yoke on top yoa neck.

Isaiah 9:4

Jalike you wen do befo time, Wen da Midian peopo make da Israel peopo bus ass fo dem. You wen hemo da Israel peopo From da hard work da Midian peopo make dem do. Jalike you wen stop da Midian peopo Fo dem no wack dem wit one stick An poke dem fo dem work mo fas.

Jeremiah 28:10

Den da guy Hananiah dat tell he talk fo Da One In Charge, take da yoke pieces from Jeremiah neck an broke um—az me, Jeremiah, da guy dat talk fo Da One In Charge.

Jeremiah 28:13

“Go by Hananiah an tell: ‘Dis wat Da One In Charge tell: You wen broke one wood yoke bar on top yoa neck. But you know wat?! Cuz a dat, now you goin get one iron yoke on top yoa neck.

Jeremiah 27:7

All da diffren peopos goin come work fo him, an his boy, an his grankid. But den, da time goin come fo odda peopos an strong kine kings fo take ova his country Babylon, an make him an his peopo work fo dem.

Jeremiah 25:14

Da Babylon guys goin be da ones fo come slaves fo strong kings an dea peopos. I goin pay back da Babylon guys fo da bad kine stuff dey do!”

Jeremiah 2:20

“Long time befo time you guys wen no do wat I tell you fo do, Jalike one cow dat broke off da yoke fo pull da wagon, An broke da ropes dat tie um. You guys wen tell, ‘Us no goin work fo you!’ Fo shua, unda da trees wit plenny leaf on top ery big hill, You guys ack jalike da wahines Dat make sex dea fo get money.

Isaiah 14:25

Wen da Assyria guys come inside my land, I goin smash um An step all ova um On top my mountain. Dey goin try fo put da yoke on top dem, But no goin stay. Dey goin try fo make my peopo carry one heavy load on top dea back, But I goin take da load off from dea.”

Isaiah 10:27

Dat time, da Assyria peopo no goin be dea, Jalike wen God go hemo One heavy load from yoa back, O jalike wen God open da yoke from yoa neck, An den you goin come big an strong one mo time.

Jeremiah 28:4

I goin bring back Koniah, Jehoiakim boy, da king fo Judah, to dis place too, an all da odda prisonas from Judah dat wen go Babylon. Cuz I goin broke da yoke da king fo Babylon wen put on top oua peopo. Az wat me Da One In Charge tell.’ ”

Songs 107:14

God bring dem outa da real dark places. He broke da chains dat stay tie um up.

Ezekiel 30:18

Da day goin come dark Tahpanhes side wen I broke da powa dat da big head Egypt peopo get. Goin be cloudy all ova Tahpanhes. Da peopo inside da towns aroun dea goin come prisonas.

Isaiah 14:1

Da One In Charge goin show pity fo da Jacob ohana, An he goin pick da Israel peopo one mo time Fo be his peopo. He goin let dem res on top dea land. Even peopo from anodda place goin come by da Jacob ohana peopo, An goin stay tight wit dem.

Isaiah 14:3

Bumbye, Da One In Charge goin let you res. Den you no goin feel sore no moa, an you no goin come sked an shake cuz you worry, an no goin be no mo da hard slave kine work dey make you do.