Jeremiah 3:10 - Hawaii Pidgin Bible

¹⁰ An cuz a wat da Israel peopo stay do, dea sistah guys da Judah peopo, dat stay ack jalike one wahine you no can trus. Dey no go all out fo come back by me. Dey ony ack!” Az da message from Da One In Charge.

Jeremiah 3:10 交叉參考

Hosea 7:14

Dey no call me wit one good heart. Dey ony lay on top dea beds an cry loud. Dey cut dea body Fo odda gods give um wheat an barley an new wine, But dey tell ‘Laytas’ to me!

Jeremiah 12:2

You wen plant dem jalike one tree, An dey stay solid, an dey get strong roots. Dey get good kine stuffs, jalike one tree grow an get fruit. Dey erytime tell, ‘Da One In Charge stay tight wit us guys,’ But inside, dey no stay tight wit you.

Isaiah 10:6

I goin sen da Assyria army guys agains my peopo Dat ack jalike I no matta. I no can take awready Da bad kine stuff da Israel peopo stay do. Dass why I tell da Assyria peopo Fo come take da Israel peopo rich stuff An take um all away. Jalike dey goin walk on top da Israel peopo An push um down jalike dey mud on top da streets.

Songs 66:3

Tell God: “Skery, Da awesome tings you do! Cuz you get supa plenny powa, Even da peopo dat stay agains you Gotta tell dat you da greates, No matta dey no like talk lidat!

Songs 18:44

Wen da peopos from odda countries hear bout me, Right den an dea dey tell, “Eh King David! You da boss!” But wen dey tell dat, dey ony bulai fo make show.

2 Records 34:33

Josiah throw out all da pilau kine gods from all da districks inside da Israel land. He give all da Israel peopo dat get inside da Israel land, da kuleana fo pray to dea God, Da One In Charge. An all da time Josiah stay alive, da peopo neva tell “Laytas” to Da One In Charge, da God fo dea ancesta guys.

Isaiah 31:6

You Israel peopo, go back by Da One In Charge! You wen go agains him, an dass real bad.

Jeremiah 11:10

Dey stay make jalike befo time an do wass wrong. Dey do same kine ting dea ancesta guys wen do. Dea ancesta guys neva like lissen wat I tell. An now, dese guys stay tight wit odda gods an work fo dem. Da Israel an Judah ohanas wen broke da deal I wen make wit dea ancesta guys.

Amos 4:9

Da One In Charge tell: “I wen wack da farms you guys own An da fields wea you grow grape Fo da hot wind an da groun worms jam up eryting. Da locust kine grasshoppas wen eat up all da fig tree an olive tree dat you guys own. Still yet, you guys no like come back an be my guys!” Dass wat Da One In Charge tell.

Isaiah 29:13

My Boss tell: “Dis peopo tell dey mines, But dey ony mout! Dey talk jalike dey get respeck fo me. But ony mout dem! Inside dey stay far from me. Wen dey like show love an respeck fo me, Dey ony copy da words dey wen learn From da rules odda peopo tell um fo do.

Jeremiah 9:1

I like my head come jalike one spring fo watta, An my eyes jalike one fountain fo my tears come out! Cuz I like cry plenny, day time an nite time, Cuz plenny peopo get kill, an dey my peopo.

Malakai 2:11

Da Judah peopo, no can trus dem. Some a da Israel peopo, an da peopo inside Jerusalem, Dey do unreal pilau kine stuff dat make you like puke. Cuz da Judah peopo, dey even go marry Da wahines dat show love an respeck to da gods from odda places. Dass how dey make pilau da place dat stay spesho Fo Da One In Charge, Da place God get love an aloha fo.