Jeremiah 28:9 - Hawaii Pidgin Bible

⁹ But maybe get somebody dat tell he talk fo Da One In Charge, an he go tell dat eryting goin come good. Ony get one way da peopo goin know if was Da One In Charge dat tell da guy fo tell wat he tell. Dey goin know fo shua, ony if wat da guy wen tell, happen fo real.”

Jeremiah 28:9 交叉參考

Rules Secon Time 18:22

If one talka guy tell dat he talk fo Da One In Charge, but wat he tell no happen, den az neva come from Da One In Charge. Dat talka guy ack big head, but he neva lissen up real good wat Da One In Charge tell fo real kine. No come sked a him.

Jeremiah 6:14

Jalike my peopo all bus up an bleeding, But dem guys ony put small kine bandage, Cuz dey tink dey ony small kine hurt. Dey tell, ‘No worry, eryting stay okay!’ But no stay okay.

Jeremiah 14:13

But me, I tell, “Ho, my boss, Da One In Charge a me! I know you stay in charge a eryting! But da guys dat suppose to talk fo you stay tell da peopo: ‘You guys no goin see war, an you guys no goin come hungry. Fo shua, Da One In Charge goin make eryting stay okay an no goin get war inside dis place.’ ”

Jeremiah 8:11

Da peopo I get love an aloha fo Jalike dey stay all bus up! But da guys dat suppose to talk fo me an da pries guys, Dey ony put on top dem small kine bandage Cuz dey tink da peopo not importan. Dey tell, ‘Erything stay okay!’ But no mo notting stay okay!

Jeremiah 4:10

Wen I hear dat, I tell, “Eh! You dat stay in charge a me! Bummahs! Fo shua, you wen bulai dese peopo an da Jerusalem peopo good, wen you tell, ‘Eryting goin go good fo you guys!’ same time da odda army guys pull knife fo cut oua throat!”

Ezekiel 33:33

“Wen all dis real awesome an unreal kine stuff happen, an fo shua goin happen, den dey goin know dat one guy dat talk fo me wen stay by dem.”

Rules Secon Time 18:21

Maybe you guys goin tink, “How us guys can know if one guy tell he talk fo Da One In Charge, but az not wat Da One In Charge tell um fo tell dat?”

Isaiah 44:26

Wen I tell my worka guy wat fo tell, I do wat I tell him I goin do. Wen my messenja guys make plan, I make shua all dat come out okay. I da One tell dis bout Jerusalem town, ‘Bumbye goin get peopo live ova dea one mo time.’ I tell bout da towns inside Judah, ‘Peopo goin build um up one mo time.’ I tell bout da bus up towns, ‘I goin make dea wall stan up one mo time.’