Jeremiah 27:6 - Hawaii Pidgin Bible

⁶ Now, I give all da countries wea you guys stay king, to my helpa guy Nebukadnezzar, da king fo Babylon. I even give him all da wild animals fo help him!

Jeremiah 27:6 交叉參考

Jeremiah 28:14

Cuz dis wat me Da One In Charge, da God Ova All Da Armies, da God fo da Israel peopo, tell: I goin make all dose diffren peopos work fo Nebukadnezzar, da king fo Babylon, jalike I put one iron yoke on top dem. I even goin give him powa ova da wild animals.’ ”

Jeremiah 25:9

I goin call all da peopos from da north fo come togedda. I goin call King Nebukadnezzar fo come too from Babylon. He do my work fo me, an I goin bring him an da odda peopos agains dis land an da peopo dat live hea, an agains all da peopos aroun hea. I goin wipe dem all out, jalike oua peopo wipe out one animal wen dey make one sacrifice. Dass how I goin make erybody come shock an shake dea head, an come real sore inside cuz a dem. No goin get notting dea, all da time afta dey come wipe out.

Jeremiah 43:10

Den tell da Judah guys, ‘Dis wat Da One In Charge, da God Ova All Da Armies, da God fo da Israel peopo, tell: Dis wat I goin do. I goin bring my worka guy Nebukadnezzar, da king fo Babylon, ova hea. I goin put his throne on top dese stones dat I wen bury hea. He goin put up his canopy ova da throne fo make tantaran.

Isaiah 44:28

“I da One dat tell dis bout King Cyrus: ‘He jalike da guy take kea my sheeps. He goin do eryting I like fo him do. He goin tell bout Jerusalem, “Let guys build um up one mo time.” He goin tell bout da Temple, “Make da foundation.” ’ ”

Jeremiah 24:1

One time, Da One In Charge show me two basket figs dat somebody put in front da Temple Fo Da One In Charge. (Az was afta King Nebukadnezzar from Babylon wen make Koniah his prisona an bring um from Jerusalem to Babylon. Koniah, da Judah king an Jehoiakim boy. Nebukadnezzar make da leada guys fo da Judah peopo prisonas an take dem away too. An he do da same ting wit da guys dat smart fo make fancy kine stuff an wit da military engineer guys.)

Jeremiah 21:7

An Da One In Charge tell wat goin happen afta dat—bout Zedekiah da king fo Judah, his palace guys, an da peopo dat live inside dis big town. He tell wat goin happen to da ones dat still stay alive afta da bad kine sick, an da fighting, an no mo food. Da One In Charge goin give dem to Nebukadnezzar, da king fo Babylon, an to da guys dat stay agains dem an like kill um. An Nebukadnezzar guys goin kill da Jerusalem peopo wit swords. Dey no goin feel pity fo dem o give dem chance.’

Jeremiah 22:25

I goin give you to da guys dat like kill you. Dey da ones make you come sked. Dass Nebukadnezzar, da king fo Babylon, an da Babylon army guys.

Jeremiah 49:30

Run away! Go hide inside da caves! You guys dat live Hazor side, no stay ova dea! Cuz Nebukadnezzar, da Babylon king, He get one plan Fo wipe out you guys.” Az wat Da One In Charge tell.

Ezekiel 29:12

I goin bus up da Egypt land mo den da odda lands dat stay bus up. No mo nobody goin stay inside dea big towns fo forty year. I goin scatta da Egypt peopo all ova da place to da countries wea da diffren peopos stay.

Daniel 4:12

Da tree get leaf dat look real nice an get plenny fruit, Get food enuff fo erybody an eryting in da world. Da wild animals from da boonies Come unda um fo shade. Da birds from da sky Live inside da branches. Eryting dat stay alive Get dea food from dat tree.

Daniel 4:22

Dat tree, az jalike one picha a you, King Nebukadnezzar! You wen come big an strong. You come mo an mo importan, so now you come mangus, jalike you stay reach da sky. You get da right fo be da king fo da whole world!

2 Kings 25:28

Amel-Marduk talk nice to Koniah, an make one spesho place fo him fo sit down, fo show Koniah get mo plenny respeck den da odda kings dat stay wit Koniah cuz dey prisonas too, inside Babylon.

2 Records 36:23

“Dis wat me, Cyrus da Persia king, tell: “ ‘Da One In Charge, da God inside da sky, wen give me da right fo stay in charge a all da kings an dea lands on top da earth. He da One wen pick me fo build one temple fo him inside Jerusalem, da main town inside Judah. If any one a you guys from all da peopo a Da One In Charge like go dea, I like fo you go, an I like fo yoa God, Da One In Charge, go wit you!’ ”

Ezekiel 30:24

I goin make da Babylon king arm come strong, an put my sword inside his hand. But I goin broke Pharaoh arms, an he goin moan in front da Babylon king jalike one guy dat litto mo mahke.