Jeremiah 27:5 - Hawaii Pidgin Bible

⁵ Me, Da One In Charge, I wen make da world, all da peopo, an da animals dat stay on top da earth, cuz I get plenny powa an I use um how I like. I give my powa to anybody I like.

Jeremiah 27:5 交叉參考

Jeremiah 51:15

“Da One In Charge wen make da earth, Cuz he get da powa. Da world stay how stay, Cuz he da One make um lidat, An cuz he know wat fo do erytime. He spread out da sky Cuz he know da bestes way fo make um lidat.

Jeremiah 32:17

“You, Da One In Charge, you da Boss! Fo shua you da One wen make da sky an da world, cuz you strong an you no sked use yoa powa. I know, no mo notting stay too hard fo you fo do.

Daniel 4:17

Us angel messenja guys tell Wat God make up his mind fo do. We stay spesho fo God, An we tell wat goin happen. Cuz we do dat, Erybody dat stay alive goin know dis: Da God Dass Mo Importan Den All Da Odda Gods, He get da powa fo tell All da govmens in da world Wat dey gotta do. He make whoeva he like Come da king fo dem. He even can take one guy Dat nobody tink he importan, An make him da govmen leada.”

Isaiah 45:12

I da One wen make da world. I wen make da peopo an put um on top dea. Was me, wen stretch out da sky Wit my hands. I tell eryting inside da sky wat fo do.

Colosse 1:16

Jesus was in charge da time God make eryting— Inside da sky an inside da world, Da tings we can see an da tings we no can see, Da kings, da ones in charge a someting, Da leadas, da peopo wit powa. Eryting God like make, He make um fo Jesus, An Jesus wen do da work.

Isaiah 42:5

Dis wat God, Da One In Charge, tell, Da One wen make da sky an stretch um out. Da One stay spread out da world an eryting dat come out from da groun. He make da peopo on top da earth breave. He make erybody dat walk on top da earth stay alive. He tell da spesho guy dat work fo him,

Jesus Show 4:11

“You Da One In Charge a us guys, An you oua God! You stay spesho fo get da right Fo erybody tell dat you stay awesome An show respeck fo you, An let you take charge a dea powa. Cuz you wen make eryting Fo be how you like.”

Hebrews 1:2

But now, wen eryting almos come pau, God sen his Boy fo talk to us guys. His Boy, he da One dat get eryting from his Faddah. Wen God make da world an da sky, was his Boy dat do da work.

Jesus Guys 17:24

Da God dat make da world an all da stuff inside um, he Da One In Charge a da sky an da earth. He no stay inside da temples peopo make.

Jesus Guys 14:15

“Eh you guys! How come you guys do all dis? Us ony peopo jalike you guys too! We come fo tell you guys da Good Stuff From God. We tell you guys ‘Turn away from all dis no good stuff, an look to da God dat stay alive foeva. He da God dat make da sky, da earth, an da ocean, an eryting inside um.

Isaiah 51:13

How come you guys foget Dat me, Da One In Charge, I da One wen make you?! I spread out da sky An put down da foundation fo da earth. So, how come you guys stay real sked ery day, Cuz you tink bout da peopo dat stay mad An give you guys hard time, Cuz dey huhu wit you guys, An dey stay ready fo wipe out you guys. But wat dey goin do cuz dey mad? Notting!

Isaiah 48:13

Me, wit my powa, I wen make da foundation fo da earth An spread out da sky an eryting inside dea. Weneva I call da earth an da sky, Dey all stan up.

Isaiah 44:24

Dis one spesho message from Da One In Charge, Da One wen pay da price Fo get you guys outa trouble. He da One wen make you guys Inside yoa muddah. Dis wat he tell: “Me, Da One In Charge. I wen make eryting. I stretch out da sky An no mo nobody wit me dat time. Was ony me, wen I spread out da world.

Ezra 1:2

“Dis me King Cyrus, da king fo da Persia land. Da One In Charge, da God dat live inside da sky, he wen tell me fo take ova all da odda king guys inside da world. He give me da job fo build one temple fo him, inside Jerusalem town, inside da Judah land.

Rules Secon Time 2:7

An Moses tell, “Cuz oua God, Da One In Charge, do plenny good stuff fo us guys, an make eryting us guys make come out good. He take kea us guys inside da big boonies. He stay wit us guys fo all dis forty year, an us neva need notting eva.

Songs 102:25

Long time befo time, You wen make da world. Da sky too, was you wen make um.

Rules Secon Time 32:8

Da God Dass Mo Importan Den All Da Odda Gods, Wen he split up all da diffren peopos An give all dem dea land, He make one place fo ery peopo, An fo da Israel peopo, he give enuff land fo all da peopo.

Rules Secon Time 9:29

But da Israel peopo, dey yoa peopo. You own dem. You wen use yoa awesome powa fo bring dem outa dea cuz you strong!

Rules Secon Time 5:16

“Show respeck fo yoa faddah an muddah, jalike me, Da One In Charge, yoa God, wen tell you guys fo do. Den you guys goin live long time an eryting goin go good fo you guys on top da land I stay give you guys.

Rules Secon Time 4:35

“Da One In Charge wen show you guys all dese tings fo you guys know dat Da One In Charge, he da God fo real kine! No mo any odda God, ony him!

Rules Secon Time 4:32

“Go aks now bout wat wen happen long time befo time wen eryting wen start, da time God wen make peopo on top da earth. Go aks from one side a da sky to da odda side. No mo notting dat awesome eva happen befo! No mo notting dat awesome eva happen dat anybody wen hear bout!

Rules Secon Time 4:25

Moses tell: “Afta you guys get kids an grankids, an live inside da land long time, if you guys come pilau inside, an make idol kine gods dat look jalike animals o odda tings, az real bad kine stuff you stay do, da way yoa God, Da One In Charge, see um. You guys goin make him come real huhu wit you!

Rules Secon Time 4:17

No make notting dat look jalike one animal dat stay on top da earth, o any kine bird dat stay fly inside da sky,

Rules Secon Time 2:21

Dey was strong peopo, an get plenny a dem. Dey tall jalike da Anak giants. Da One In Charge wen let da Ammon peopo wipe out da Refa peopo, an take ova dea land. Den da Ammon peopo live inside dat land, an not da Refa peopo.

Rules Secon Time 2:19

You guys go pass da land wea da Ammon peopo stay. No make harsh to dem an no make dem like fight you guys. Cuz no ways I goin give you guys da Ammon peopo land. I awready give dat land to dem cuz dey da Lot ohana peopo.’ ”

Rules Secon Time 2:9

“Den Da One In Charge tell me, ‘No make hard fo da Moab peopo an make dem like make war wit you guys. Cuz I no goin give you guys notting from dea land. I awready give dea main town Ar to da Moab peopo dat get Lot fo dea ancesta.’ ”

Outa Egypt 20:11

Me, Da One In Charge, I wen work six days fo make da sky an da earth an da ocean, an all da tings inside dem. But da Numba Seven Day, I res. Dass why I tell da Res Day good, an I make um spesho fo me.

Start 9:6

“Whoeva go make somebody bleed an mahke, Somebody gotta make dem bleed an mahke too. Cuz God wen make da peopo Jalike dey one picha, Fo look jalike him, same same.

Jesus Guys 17:26

From one guy, God make all da diffren peopos fo live all ova da world. He set up da times an da places fo dem stay.

Start 1:25

God make um all: all kine wild animals, an all kine animals dat live wit peopo, an all da small kine animals dat run aroun on top da groun. An God look da animals, an he tell, “Real, real good, all dat!”

Songs 96:5

You know, da gods fo da odda peopos, Dey no mo powa notting, But Da One In Charge, He da One wen make da sky!

Jeremiah 27:4

Tell dem fo tell dea boss guys, ‘Dis wat Da One In Charge, da God Ova All Da Armies, da God fo da Israel peopo, tell. So dis wat you guys gotta tell yoa guys dat stay in charge:

Daniel 4:25

Da peopo goin make you go way from dem an go stay wit da wild animals. You goin eat grass jalike da cows an come wet wit da dew from da sky. Afta seven year, you goin know dat da God Dass Mo Importan Den All Da Odda Gods, get da powa fo tell all da govmens in da world wat dey gotta do. God can give whoeva he like come da king fo dem.

Daniel 5:18

“King Belshazzar, lissen up! Da God Dass Mo Importan Den All Da Odda Gods, he wen make yoa faddah Nebukadnezzar come king. He make him come mo importan, an make peopo get respeck fo him, an make him awesome.

Outa Egypt 6:6

So den, go tell da Israel peopo dis: Me, Da One In Charge. I goin take you guys away from da hard work dat da Egypt peopo make you guys do. Dey make you guys bus ass fo dem, but I goin get you guys outa all dat. I mo strong den da Egypt peopo, an I goin bus um up. I da judge, so I goin punish dem plenny.

1 Kings 8:42

Cuz dey goin hear bout da big name you get, An how strong you stay, An da awesome kine tings you do. So, wen peopo from anodda place Come fo look dis Temple an pray dea,

Nehemiah 9:22

“You give dem lands Dat had kings an peopos befo time. You divide da land fo da Israel peopo, Fo dem take ova da land from King Sihon, Heshbon side, An from King Og, Bashan side.

Daniel 2:38

He wen give you powa ova all da peopo, an da animals inside da fields, an da birds inside da sky. Wea eva dey stay, he make you da boss ova all dem. You jalike da gold head on top da statue.

Daniel 4:14

Da angel guy yell loud, “Cut down da tree! Chop off da branches! Pull off da leafs! Make da fruits go all ova da place! Make da animals run away from unda da tree! Make da birds fly off da branches!

Daniel 4:22

Dat tree, az jalike one picha a you, King Nebukadnezzar! You wen come big an strong. You come mo an mo importan, so now you come mangus, jalike you stay reach da sky. You get da right fo be da king fo da whole world!