Jeremiah 24:6 - Hawaii Pidgin Bible

⁶ I goin take kea dem fo make shua good kine tings happen to dem, an I goin bring dem back to dis land. Jalike I goin build dem up one mo time inside dis land an no bus um up. Jalike I goin plant dem fo make um come solid, an I no goin pull um up outa da groun jalike plants.

Jeremiah 24:6 交叉參考

Jeremiah 42:10

‘If you guys stay hea inside dis land, I goin build you guys up. I no goin bus you guys up. I goin make you guys come solid jalike one tree in da groun. I no goin pull you guys out cuz I get pity fo you guys fo da bad kine stuff I wen make happen to you guys.

Jeremiah 29:10

But dis wat Da One In Charge tell fo real kine: “Wen da time pau fo da Babylon guys stay in charge, az goin be seventy year. Dass wen I goin come by you guys. I goin make happen fo you guys da good kine stuff dat I wen make one promise fo do. I goin bring you guys back dis place.

Jeremiah 33:7

I goin bring back da Israel an Judah peopo dat was prisonas ova dea Babylon side. I goin make um strong one mo time, jalike how was befo time.

Jeremiah 32:41

I goin stay real good inside bout dem fo do good kine stuff fo dem. An I stay shua cuz I get plenny love an aloha fo dem, an I goin make dem stan strong inside dis land.’ ”

Jeremiah 12:15

An afta I throw out all dose diffren peopos from dea place, I goin show love an pity fo dem, an bumbye I goin bring all dem back to dea property an dea land.

Jeremiah 1:10

“So lissen up now! Today I give you one importan job, Fo grumble bout da diffren peopos an dea govmens. You goin tell um how I goin pull um outa da groun jalike plants An bus um up. I goin wipe um out, an throw out dea kings. Den I goin build up da diffren peopos one mo time, an make um come solid.”

Jeremiah 32:37

‘You know wat?! I wen scatta da Israel peopo all ova da diffren lands cuz I real mad at dem! But fo shua bumbye I goin bring dem back togedda an let dem live ova hea, fo dem no need worry bout notting.

Songs 34:15

Da One In Charge, he keep track A da peopo dat erytime do wass right Fo take kea dem. He lissen dem Wen dey yell to him.

1 Peter 3:12

Cuz Da One In Charge get aloha fo da peopo Dat do da right tings, An he lissen good wen dey pray to him, But Da One In Charge stay agains Da peopo dat do bad kine stuff.”

Ezekiel 36:24

I goin take you guys outa da odda nations an bring you guys togedda from all da odda lands. I goin bring you guys back inside yoa land.

Jeremiah 23:3

“Me, I goin bring togedda da ones from my peopo dat still stay alive. I goin bring um all back dea place, from all da lands wea I wen make dem go. Dey jalike my sheeps, an dey goin get plenny bebes.

Nehemiah 5:19

Dis how I stay pray: “My God, no foget do good tings fo me Cuz a all da good tings I stay do fo dis peopo!”

2 Records 16:9

Cuz Da One In Charge look all aroun all ova da world, fo find da peopo dat make up dea mind fo go all out fo him, fo him make dem come strong fo him. But you, you wen do one stupid ting! So den, from now you goin get war all da time!”

Rules Secon Time 11:12

Az one land wea yoa God, Da One In Charge, take kea da land. He watch um erytime, from da start to da end a da year.

Jeremiah 21:10

I make up my mind awready dat fo shua da bad kine stuff, an not da good kine stuff, goin happen to dis big town. Da Babylon king goin take ova da town, an he goin wipe um out wit fire.’ Az wat Da One In Charge tell.

Songs 44:2

Was cuz a yoa powa Dat you wen throw out Da odda peopos. Dis jalike you wen plant yoa peopo Ova hea. You wen hurt da odda peopos plenny, An make yoa peopo grow plenny.

Jeremiah 16:15

But bumbye, dis how dey goin tell um: ‘Jalike fo shua Da One In Charge stay alive, da One dat wen bring us Israel peopo outa da north land, an outa all da countries wea he wen make dem go.’ Den I goin bring dem back to da land I wen give dea ancesta guys befo time.”

Jeremiah 31:4

You Israel peopo, Jalike you my daughtah dat I love! I goin build you guys up one mo time Jalike one strong house, An you goin come solid inside. One mo time you goin take yoa tammorines Fo dance an sing wit yoa frenz an get good fun.

Jeremiah 31:28

Befo time, I wen make shua da peopo dat stay agains dem go pull dem up, bus um up, wipe um out, an hurt um! But from now, I goin make shua I plant um good an make um come strong.” Dass wat Da One In Charge tell.

Jeremiah 33:9

Den plenny peopo goin know wat kine god me cuz a wat goin happen Jerusalem town. Peopo goin stay good inside, talk good bout me, an respeck me plenny. All da diffren peopos on top da earth goin hear bout all da good kine stuff dat I stay do fo da Jerusalem peopo. Dey goin feel real good, cuz a all da good kine stuff I do fo da peopo inside Jerusalem, an cuz I make eryting come good fo dem.”

Amos 9:14

I goin bring my Israel peopo back From da place wea dey stay prisonas. Dey goin build one mo time da towns dat was all bus up. Dey goin make house dea, an plant grape fields An drink da wine dat dey make dea. Dey goin plant gardens An eat da fruits dat grow dea.

Start 44:21

Befo time, you tell us guys dat work fo you, ‘Bring yoa younga braddah guy hea by me Egypt side fo me see him.’

Isaiah 14:1

Da One In Charge goin show pity fo da Jacob ohana, An he goin pick da Israel peopo one mo time Fo be his peopo. He goin let dem res on top dea land. Even peopo from anodda place goin come by da Jacob ohana peopo, An goin stay tight wit dem.

Isaiah 60:21

“Dat time, all yoa peopo goin do da right tings. Dey goin own da land foeva, Jalike I plant one young plant An put um dea. Me, I do all dat Fo peopo see dat I awesome.

Jeremiah 39:12

“Take him an take good kea him. No hurt him, but do fo him wateva he tell wat he like you fo do.”