18 “But no mo nobody from dem wen stan wit da guys dat stay close to Da One In Charge, Fo know da secret plan bout wat Da One In Charge goin do, An learn an lissen wat he tell?! Not even one a dem guys!
Too bad, dey neva stan an hear Da secret plan bout wat I goin do, Cuz if dey wen hear dat fo real kine, Den dey go tell wat I tell to da peopo. Dey tell um, ‘Change da way you live, No do wass wrong!’ But dey no do dat.”
Jalike da Bible tell: “Who can figga out wat God stay figga, aah? O who can teach God wat he suppose to do? No mo nobody!” But us guys, we know all dat cuz Christ help us guys figga um out jalike he figga um out.
I no goin call you guys my worka guys no moa, cuz da worka guy no undastan wat his boss stay do. But I call you guys my frenz, cuz I wen tell you guys eryting dat my Faddah wen tell me.
Da peopo dat feel jalike dey sked an shaking Wen dey stay in front Da One In Charge, Dey stay real close to him, Cuz he like make shua dey undastan Wat da deal mean dat he wen make wit dem.
Den Zedekiah, Kenaanah boy, go an slap Mikaiah head. He aks, “Wat way dat spirit from Da One In Charge go wen he go from me fo tell you fo bulai me, aah?!”
Den Zedekiah, Kanaanah boy, go ova dea an slap Mikaiah head. He tell, “So! How da spirit from Da One In Charge goin leave me, fo go ova dea talk to you, aah?!”
