Jeremiah 22:6 - Hawaii Pidgin Bible

⁶ Dis wat Da One In Charge tell bout da palace fo da Judah king: “No matta da palace nice looking An stay fo me jalike da Gilead fores An da fores on top a da Lebanon Mountains, I goin make um come jalike da boonies, Jalike one town dat no mo peopo.

Jeremiah 22:6 交叉參考

Isaiah 6:11

Den I aks him, “Boss, how long I gotta do dat?” An he tell, “Till all da towns stay all bus up An no mo peopo live dea, An all da house no mo peopo inside, An all da land stay dry an all wipe out.

Songs 107:34

God make da kine land dat grow plenny fruits Come all mud, Cuz da peopo dat live dea do bad kine stuff.

Micah 3:12

Fo shua, cuz a you guys, Da peopo dat stay agains us goin plow Mount Zion jalike az one field. Jerusalem town goin come all bus up. Da hill wea da Temple Fo God stay, Goin get ony bushes all ova.”

Isaiah 27:10

Da big town dat get strong wall Wea nobody can come inside, Nobody stay dea. Jalike da boonies, ony da cows stay dea. Da peopo, all gone awready. Get small cows stay eat grass dea. Dey eat all da stuff from da tree branches. Den dey lay down ova dea.

Jeremiah 26:18

“Wen Hezekiah stay da Judah king, Micah from Moreshet wen talk fo God. He tell all da Judah peopo, ‘Dis wat Da One In Charge, da God Ova All Da Armies, tell: “Zion Hill wea da Temple stay goin come jalike one field somebody wen plow. Jerusalem town goin come jalike one big rubbish pile! Da hill fo da Temple goin come one hill wit plenny trees all ova.” ’

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Jeremiah 7:34

Inside da Judah towns an da Jerusalem streets, no mo noise goin come from dea, from peopo dat stay good inside, da ones dat get good fun. No goin get wedding party kine noise cuz da whole land goin come all wipe out.”

Start 37:25

Afta dat, da braddah guys sit down fo eat. Dey look, an spock plenny guys from da Ishmael ohana stay come from Gilead side. Da guys all go Egypt side togedda. Dey get plenny camels, an da camels stay carry stuff fo sell Egypt side, sap from da trees dat smell nice, diffren kine sap fo make perfume, an bark from da trees fo incense.

Jeremiah 22:24

Da One In Charge tell: “Fo shua, I da God dat stay alive. An I stay shua too bout you, Koniah (yoa faddah Jehoiakim was da king fo Judah). I stay shua dat no matta you stay tight wit me jalike one ring on top my finga, I still goin hemo you off my finga. Cuz you no stay tight wit me, I goin dump you!

Jeremiah 21:14

I goin punish you guys Cuz a da bad kine stuff you guys do. I goin burn up da wood palace inside yoa town, An all da odda stuff inside da town too!’ ” Az wat Da One In Charge tell.

Jeremiah 21:11

“An tell da Judah king an his ohana dis: ‘Lissen wat Da One In Charge tell.

Jeremiah 4:20

Get one big boom, den anodda! All da land come bus up. Fas dey wipe out my tents, Mo fas den I can handle!

Love Song 5:15

His legs look jalike poses, da kine dey make from marble stone Dat sit on top pure gold bases. Wen you look at him, Make you tink a da awesome cedar trees Lebanon side.

Rules Secon Time 3:25

Try let me go da odda side a da Jordan Riva fo see da good land ova dea, up country an Lebanon side.’

Census 32:1

Da Reuben ohana an da Gad ohana get plenny cows, sheeps, an goats. Dey see dat da Jazer an Gilead land stay one good place fo put da animals.

Love Song 4:1

You know wat?! You look real good looking, Honey Girl! Fo real kine, so good looking! Yoa eyes behind yoa veil, Dey look pretty, jalike dove eyes. Yoa hair, az jalike da goats Dat stay come down from Mount Gilead.

Jeremiah 50:12

Az why you Babylon guys, Da town dass jalike da muddah fo you guys. Goin come plenny shame. Da place wea you wen born goin come plenny shame. All da odda countries goin come mo importan den Babylon. No mo nobody goin live dea, Cuz too dry an notting grow dea.

Zekariah 11:1

You Lebanon peopo, open yoa gates, Fo da fire burn up yoa cedar trees.

Isaiah 37:24

You wen sen guys dat work fo you, Dat wen try make me, da Boss, shame. You wen tell, “Me, Sennakerib, I get plenny war wagon! I can go on top a da high mountains, To da mos far part a da Lebanon mountains, Fo cut down da mos tall cedar trees An da bestes pine trees! Me, I da kine guy can go all da way to da end A da mos high places, Da fores wea da bestes tree grow!

Jeremiah 4:7

“Get one guy, Jalike he one lion dat come outa da place he hide. His army guys goin wipe out plenny peopos. Dey wen go way from dea place Fo come wase yoa land An make erybody come bum out. Yoa towns goin come all bus up Cuz no mo nobody goin stay ova dea.

Jeremiah 8:22

Fo shua, Gilead side get medicine An docta ova dea! Cuz da peopo I love stay hurt. So, how come no mo nobody fo make um feel good?!”