Jeremiah 22:5 - Hawaii Pidgin Bible

⁵ But if you guys make deaf ear all dis stuff dat I tell, den me, Da One In Charge, I promise I goin do dis fo shua—I goin make dis palace come all bus up.’ ”

Jeremiah 22:5 交叉參考

Amos 6:8

“Da Boss, Da One In Charge a me, he wen make one strong promise, An he no need anodda guy fo help him do um, jus him. Dis wat Da One In Charge tell: ‘Watch out! Me, I so mad wit dem Israel guys! Dey tink dea Israel ohana mo betta den anybody! Dey get strong wall, but I goin go agains um! Dea main town, an eryting inside dea, I goin give all a dat To da guys dat stay agains um.’ ” Dass wat Da One In Charge tell. An you know wat?! He da God Ova All Da Armies.

Hebrews 6:13

Try tink bout Abraham. Befo time, God wen make one promise to him. But no mo anodda guy mo big den God. Dass why God neva make one strong promise an tell some odda guy fo make shua God do wat he tell he goin do. Da odda guy suppose to make shua dat God da one dat fo real kine goin do um.

Jeremiah 17:27

But if you no lissen wat I tell you fo do, an no make da Res Day spesho fo me, wen you come inside da Jerusalem gates an carry stuff wit you on da Res Day, den I goin burn up da Jerusalem gates wit one fire dat no mo nobody can pio. Da fire goin wipe out da strong wall all aroun Jerusalem.’ ”

Start 22:16

He tell, “Eh! Dis me Da One In Charge, an I goin make one strong promise an I da one dat make shua I fo real kine goin do wat I tell I goin do. “Dis da promise I goin make: Cuz you wen do dis ting, an you neva hold back yoa boy, an he da ony one you get,

Jeremiah 39:8

Jerusalem side, da Babylon guys burn down da king palace, an da peopo houses, an broke down da town wall.

Isaiah 1:20

But if you no lissen an no like do wat I tell you fo do, Den odda peopo goin come wit dea swords An wipe out you guys. Cuz az me, Da One In Charge, Da Boss, dat tell dis.”

Hebrews 6:17

Cuz garans God like show his kids dat da plan he make fo dem no goin change eva, he wen make dat strong promise dat fo shua he goin do um.

Hebrews 3:18

Who da peopo God stay talking bout wen he make dis strong promise: “No way dem guys eva goin go inside da land I give um fo res”? Az da peopo dat no like lissen him.

Micah 3:12

Fo shua, cuz a you guys, Da peopo dat stay agains us goin plow Mount Zion jalike az one field. Jerusalem town goin come all bus up. Da hill wea da Temple Fo God stay, Goin get ony bushes all ova.”

Songs 95:11

Cuz a dem, I wen come huhu An make one strong promise— I wen tell, ‘No way dese peopo goin go Da place wea I goin make dem come So notting bodda dem!’ ” An dass wat God tell you guys today.

2 Records 7:22

Den peopo goin tell dem, ‘Az cuz dem guys wen bag from Da One In Charge, da God fo dea ancesta guys. Him da One wen bring dem outa Egypt. But dey come tight wit odda gods, an go down in front dem, an work fo dem. Az why Da One In Charge wen make all dis bad kine stuff happen to dem!’ ”

2 Records 7:19

“But maybe you king guys goin turn away, an bag from my rules an da tings I wen tell you fo do, an go away an work fo odda gods, an go down in front dem fo show um respeck.

Matthew 23:38

You know wat? Eryting come all poho fo you guys awready!

Jeremiah 26:4

Tell dem dat Da One In Charge tell dis: If you guys no lissen me, an no live da way I teach in front all you guys, dis wat goin happen:

Jeremiah 44:26

But lissen wat Da One In Charge tell, all you Jews dat live inside Egypt! He tell: ‘Me, Da One In Charge, I get da rights fo make dis spesho promise cuz a who me, I da greates. No mo nobody from Judah goin use my name fo make one spesho kine promise, o go tell stuff like “I tell dis cuz I stay shua Da One In Charge a me stay alive!” fo make dea promise come strong, any place ova dea inside Egypt.

2 Records 7:21

Dis Temple was da numba one place hea, you know. But bumbye erybody dat go by um goin tell, ‘How come Da One In Charge wen make bad to dis land an dis Temple?!’

Jeremiah 12:7

Da One In Charge tell: “I goin leave my ohana an let um hang. I goin bag from da peopo dat stay mines. I goin let da peopo I love Suffa from da guys dat stay agains dem.