Jeremiah 22:30 - Hawaii Pidgin Bible

³⁰ Dis wat he tell: “Write down dis Koniah guy name inside da records Jalike he neva have kids. Cuz from now till he mahke, he no goin do notting, No goin get nobody from his blood line Dat goin get da right one fo come king. Dey no can come da kings from King David blood Dat goin get da right fo stay in charge inside Judah!”

Jeremiah 22:30 交叉參考

Jeremiah 36:30

Az why me, Da One In Charge, tell dis bout Jehoiakim, da king fo Judah: He no goin get nobody from his blood line fo sit on top David throne. Da peopo goin throw out his mahke body, an da body goin stay in da hot sun an in da cold, nite time.

Songs 94:20

Da king guys dat stay wipe out peopo An make rules dat tell Az okay fo make any kine. You tink dey can work Wit you, o wat?! No way!

Jeremiah 10:21

Da leada guys dat suppose to help da peopo, Dey jalike sheep guys Dat donno notting. Dey no go find out from Da One In Charge wat fo do. Az why dey no ack jalike peopo dat know wat dey stay do. Da peopo dey suppose to lead Go all ova da place, jalike sheeps.

Jeremiah 2:37

Wea eva you guys go fo make one deal Fo dem help you, You goin go way from dea Wit yoa hands on top yoa head, Cuz dey make you come dea prisonas! Az cuz da peopos dat you guys trus, Dey no good. Me, Da One In Charge, an I tell you dat awready! You guys stay tight wit dem, Az why notting goin come good fo you guys.

Jeremiah 22:2

‘You, da king fo da Judah peopo! Lissen up wat Da One In Charge tell. You da one from King David blood line dat get da right fo be king. You, yoa palace guys, an yoa peopo dat come inside dese gates—all you guys, lissen up!

Jeremiah 29:32

Dass how come dis wat me, Da One In Charge, tell: I goin punish Shemaiah da Nehelam guy an da peopo dat goin come from him. He no goin get even one guy from his line dat goin live wea dis peopo live. He no goin even see da good kine stuff I goin do fo my peopo, cuz he stay tell da peopo fo bag from me.” Az wat Da One In Charge tell.

Jeremiah 52:10

Right den an dea Riblah side, da Babylon king tell his guys fo kill Zedekiah boys, an Zedekiah wen watch um mahke. Same time, da Babylon king tell his guys kill all da Judah leada guys too.

Job 18:19

Da bad guys no mo kids, an no mo ohana come from dem. No mo nobody stay alive wea dey wen stay befo time.