Jeremiah 22:10 - Hawaii Pidgin Bible

¹⁰ No cry fo da mahke king Josiah No stay sad inside cuz a him. Mo betta, cry plenny fo King Jehoahaz Dat stay in prison inside one far land. Cuz he no goin come back. An he no goin see da land wea he wen born no moa.

Jeremiah 22:10 交叉參考

Jeremiah 22:11

You know, dis wat Da One In Charge tell bout Shallum. He da one dat get da name King Jehoahaz afta his faddah Josiah mahke, da king fo Judah. But he gone awready from dis place, an Da One In Charge tell: “He no goin come back hea no moa.

Teacha 4:2

An I tink dat da peopo dat stay mahke awready Stay mo good inside den da peopo dat stay alive still yet.

Sad Song 4:9

Mo betta mahke from war, Den mahke cuz no mo notting fo eat. Dey stay wasted cuz dey real hungry Cuz no mo notting fo eat from da fields.

Isaiah 57:1

But da peopo dat get um right wit God, Wen dey mahke, Nobody even tink bout dat. Da peopo dat stay tight wit God, He take dem away. But nobody undastan God stay take away da good kine guys too, So dey no suffa from da bad kine stuff Da odda peopo stay do.

2 Kings 22:20

Az why bumbye, wen you mahke, dis wat I goin do: I goin let yoa peopo bury you wit yoa ancesta guys, an eryting goin stay good. You not goin see all da bad kine stuff dat I goin make happen to dis place.’ ” So dey go back, an tell da king wat Huldah, da wahine dat talk fo God, wen tell.

Luke 23:28

Jesus turn an tell um, “Sistahs from Jerusalem, no cry fo me. Cry fo you an fo yoa kids.

Jeremiah 22:18

Az why dis wat Da One In Charge tell bout Jehoiakim, Josiah boy, dat come king fo da Judah peopo afta King Josiah mahke: “Da ohana peopo no goin stay sad inside Wen Jehoiakim mahke. Dey no goin tell, ‘Bummahs he wen mahke, braddah! Bummahs, sistah!’ Dey no goin tell, ‘Bummahs, oua king wen mahke! Bummahs, awesome him!’

2 Records 36:4

Da Egypt king make Jehoahaz braddah Eliakim come da king fo Judah an Jerusalem. He change Eliakim name to Jehoiakim. Den Neko make Eliakim braddah Jehoahaz prisona an bring um Egypt side.

Jeremiah 16:7

No mo nobody goin bring food o someting fo drink, fo try make da peopo dat stay sad inside feel mo betta. Not even wen dea muddah o dea faddah da one dat mahke.

Jeremiah 25:27

Den Da One In Charge tell me: “Now tell um, ‘Dis wat Da One In Charge, da God Ova All Da Armies, da God fo da Israel peopo, tell: Go drink plenny from da cup. Come piloot an puke an fall down so you no can stan up no moa, cuz I goin sen armies fo wipe out you guys.’

Jeremiah 28:4

I goin bring back Koniah, Jehoiakim boy, da king fo Judah, to dis place too, an all da odda prisonas from Judah dat wen go Babylon. Cuz I goin broke da yoke da king fo Babylon wen put on top oua peopo. Az wat me Da One In Charge tell.’ ”

Jeremiah 42:18

“Cuz dis wat Da One In Charge, da God Ova All Da Armies, da God fo da Israel peopo, tell: ‘Jalike I come huhu an tell “Laytas” to wat da peopo dat wen stay inside Jerusalem do, same ting az how I tell “Laytas” to wat you guys goin do wen you go Egypt side. Peopo goin sing sad songs an cry loud kine bout you guys. Dey goin tink az skery wat happen to you. Dey goin like put kahuna on top you guys, an poin finga you guys an laugh at you. An you guys no goin see dis land no moa.’

Jeremiah 44:14

From da Judah peopo dat wen go Egypt side fo live dea, no mo nobody goin run away fo save dea life, o get outa dea fo go back Judah side. No matta how much dey like go home fo live dea, ony litto bit peopo goin stay alive fo go back dea.’ ”

Ezekiel 24:16

“Eh! Fo Real Kine Guy! You know wat?! You get plenny love an aloha fo yoa wife. Her da one you like da bestes. But I goin wack her one time an take her away from you. But wen she mahke, no stay sad o yell o cry.

2 Kings 23:29

Anodda ting happen wen Josiah stay da king. Pharaoh Neko da Egypt king take his army guys by da Eufrates Riva fo help da Assyria king. So King Josiah an his army guys go out fo fight him. But wen Pharaoh Neko an Josiah fight Megiddo side, he kill Josiah.

Jeremiah 22:27

You guys no goin come back dis land, no matta you like come back fo real kine.”