Jeremiah 21:4 - Hawaii Pidgin Bible

⁴ ‘Dis wat Da One In Charge, da God fo da Israel peopo, tell: You know da swords an odda tings fo fight dat you guys carry, dat you guys use fo fight da king fo Babylon an da Babylon army guys? I goin take dose tings, an use um fo hurt you guys! Da Babylon army guys stay outside yoa wall all aroun yoa town, Jerusalem, but I goin bring um all inside da middo a dis town!

Jeremiah 21:4 交叉參考

Jeremiah 33:5

But da places wea da houses stay, befo dey bus um down, goin stay full a da mahke bodies a da Jerusalem army guys dat wen try fo fight da Babylon guys. I goin kill da Jerusalem guys hea cuz I stay real huhu. I goin make deaf ear to da peopo inside dis big town, cuz a all da bad kine stuff dey do.

Jeremiah 32:5

Da Babylon king goin take Zedekiah Babylon side, an he goin stay ova dea till I do wat I like do bout him. If you fight da Babylon guys, you no can win ova dem.’ Az wat Da One In Charge tell.”

Isaiah 13:4

“Lissen up! Get big noise on top da mountains, Soun jalike get plenny peopos on top dea! Lissen up! Da king guys an dea nations, Dey stay coming togedda fo fight Babylon! Da One In Charge, da God Ova All Da Armies, He stay make ready one army Fo go make war.

Isaiah 5:5

“Now, I goin tell you guys Wat I goin do wit my grape field! I goin take away da hedge from aroun um, Fo da cows come inside an eat wat stay dea. I goin broke down da wall aroun um Fo odda guys go inside an bus um up.

Zekariah 14:2

Da One In Charge tell: “I goin bring all da odda peopos Jerusalem side fo fight you guys. Dey goin take ova da town, rip off stuff from da houses, an rape da wahines. Dey goin take half a da peopo, an make um prisonas fo go far away. But da res a da peopo goin stay inside da town.”

Sad Song 2:7

Da Boss tell “Laytas” to his altar. He bag from da Place Dat Stay Spesho Fo Him. He let da peopo dat stay agains us guys Take ova da palace walls. Dey make noise inside da Temple Fo Da One In Charge Jalike wen get da spesho religious ceremonies.

Sad Song 2:5

Da Boss come jalike one guy dat stay agains us guys, He wase da Israel peopo. He wase all dea palaces. He bus up dea strong wall. He make plenny Judah peopo moan Cuz dey stay real sad inside.

Jeremiah 39:3

Den all da leada guys fo da Babylon king come inside dea. Dey put dea headquarters by da Middo Gate. Had Nergal-Sharezar from Samgar, Nebo-Sarsekim, one a da main govmen guys, da odda Nergal-Sharezer, one importan leada, an all da odda officer guys fo da Babylon king.

Matthew 22:7

“An den da king come so wild wit dem, he sen his army guys fo kill da guys dat wen kill his worka guys. Den da army guys burn up da whole town.

Hosea 9:12

Even if you guys bring up kids, I goin take away all dem from you. Bummahs fo dem, wen I tell ‘Laytas’ to dem!

Jeremiah 52:18

An dey take all da pots, da shovels, da knifes fo cut da lamp wicks, da bowls fo sprinkle da sacrifice blood, da dishes, an all da bronze stuff da pries guys use inside da Temple.

Isaiah 10:4

Ony one ting you can do—give up! Cuz wat goin happen to you, mo worse den da prisona guys! O you can fall down on top da groun wit da odda mahke bodies, Cuz wat goin happen to you, mo worse den wat happen to da guys dey kill! An Da One In Charge stay huhu wit da Israel peopo still yet, An he stay ready fo bus um up.

Jeremiah 20:4

Cuz dis wat Da One In Charge tell: ‘I goin make you an all yoa frenz come real sked. You goin see da guys dat stay agains oua peopo use dea swords fo kill yoa frenz. I goin give da Babylon king powa ova all you Judah peopo. He goin take some a you guys Babylon side, an tell his guys kill some a you wit swords.

Jeremiah 21:3

But Jeremiah tell dem, “Dis wat you guys gotta tell King Zedekiah:

Jeremiah 32:3

Befo time, Zedekiah da king fo Judah put Jeremiah inside da prison patio ova dea, cuz he tell, “How come you tell you talk fo God, aah?! You tell, ‘Dis wat Da One In Charge tell: I goin give dis town to da Babylon king. An he goin come take um ova.

Jeremiah 32:24

“Look, how da Babylon guys stay pile up dirt awready fo come ova da town wall an capcha Jerusalem town. Cuz a da war, an no mo food, an da bad kine sick, da Babylon guys dat stay fight us guys goin take ova da town. Wat you wen tell stay happen right now, jalike you see!

Jeremiah 35:17

“Az why me, Da One In Charge, da God Ova All Da Armies an da God fo da Israel peopo, tell dis: ‘Lissen up! I goin make bad tings happen to da Judah peopo an all da peopo dat live inside Jerusalem. All da bad kine stuff I tell, goin happen to dem. Cuz I talk to dem, but dey no lissen. I call dem, but dey make jalike dey no hear me.’ ”

Sad Song 2:3

He chop down da Israel peopo, He make um come weak, cuz he stay real huhu. Wen da peopo dat stay agains dem come nea, He no use his powa fo help dem. He make jalike one fire, burning da Jacob peopo, One fire dat burn up eryting aroun um.

Ezekiel 39:3

Den I goin wack yoa bow outa yoa lef hand, an make yoa arrows fall down outa yoa right hand.