Jeremiah 20:18 - Hawaii Pidgin Bible

¹⁸ How come I wen born?! Fo shua, az ony fo get trouble an stay sad inside! Ony fo come shame till I mahke!

Jeremiah 20:18 交叉參考

Job 3:20

“How come God let somebody still see da light wen dey stay suffa? How come God let peopo stay alive wen dey stay sad inside?

Sad Song 3:1

I one guy dat wen suffa plenny, Cuz Da One In Charge stay real huhu wit me.

Job 14:1

“Us peopo, us all born from oua muddahs. Us live ony short time An get mo plenny trouble inside den us can handle.

Songs 69:19

You know awready How all da peopo dat stay agains me, Talk stink bout me An make me come shame An make any kine to me.

Hebrews 13:13

Eh! We go make same same jalike Jesus. We let da peopo make any kine to us, jalike dey wen make any kine to Jesus fo make him come shame.

Hebrews 12:2

Da whole time us guys stay run da race, we look at one guy ony, dass Jesus. He da One dat help us start fo trus God, an da One dat help us fo trus God to da end. Wen he wen suffa on top da cross, he hang in dea. Neva bodda him dat dey make him come shame. He do dat cuz he know dat bumbye he goin come real good inside. An in da end, he sit down in da mos importan place, by God throne, on da right side.

Hebrews 11:36

An had odda peopo too. Peopo laugh at um an whip um hard. An mo worse, dey tie up odda guys wit chains an throw um inside one prison.

Hebrews 10:36

You guys gotta hang in dea. An afta you guys do eryting dat God like you guys fo do, den bumbye you guys goin get da stuff he wen promise.

2 Timoty 1:12

Az why I gotta suffa, you know. But no matta to me cuz I no shame fo suffa! I know Jesus, dass why. He da One I trus. I know dis fo shua: he wen give me one big job fo do, an he stay trus me fo do um da right way. An I can do um! Cuz Jesus get da powa fo take kea eryting till he come back.

Jesus Guys 5:41

Jesus guys go way from da main leada guys. An dey stay real good inside cuz God figga dey stay good enuff fo suffa an come shame cuz dey Jesus guys.

John 16:20

Dass good you talk story bout dis! An I like tell you guys dis too: you guys goin cry an come sad inside, but da peopo hea inside da world, dey goin stay good inside. You guys goin stay cry inside, but afta, you guys goin stay good inside.

Sad Song 1:12

“Eh! All you guys dat stay go by hea, You guys no kea, o wat?! Look aroun an see. No mo nobody stay suffa jalike I stay suffa. Da One In Charge bring dis hard time on top me, Wen he come real huhu.

Jeremiah 8:18

Jeremiah tell, “I real sad! No way I can come good from dat! Inside, I come weak.

Isaiah 51:7

“ ‘Lissen to me, you guys dat know wass right. You peopo dat get my Rules inside you, No sked if peopo try fo make you guys shame! No lose fight if dey talk any kine to you guys!

Isaiah 1:6

From on top yoa head to undaneat yoa feet You guys no even get one place dat stay good, Ony get cut, scar, black an blue, An bad open kine sore all ova. Nobody clean out da pus, Nobody put olive oil on top fo make um come sof, An nobody put bandage on top um.

Job 14:13

“I wen like fo you hide me inside da Mahke Peopo Place. An hide me dea till you no stay huhu wit me no moa! I wen like fo you make one time fo me stay dea, An den you no foget me.

Job 5:7

Fo shua, peopo goin get trouble from da time dey born. Jalike fo shua, da sparks from one fire goin fly up.

Songs 102:3

Eh! Da time fo me stay alive, almos pau, Jalike da smoke dat come an go. Jalike I stay burn up inside, Jalike my bones stay burn On top one hot fire.

Jeremiah 3:25

Us no goin show face cuz we get plenny shame. Us goin come bum out cuz no mo nobody get respeck fo us! Us an oua ancesta guys, all us wen do bad kine stuff Agains oua God, dass Da One In Charge a us. We do all dat from small kid time till now. We neva lissen wat oua God, dass Da One In Charge a us, tell us!’ ”

Jeremiah 15:10

Den I tell: “Bummahs! Cuz my muddah wen born me Fo be da kine guy dat dis whole land like fight me An fight bout me. But I neva len nobody notting, An nobody borrow notting from me. Still yet, dey all like put kahuna on top me!”

Habakkuk 1:3

How come you make me see Peopo do all kine stuff dass not right?! Wen peopo do wass wrong, How come you let um do um?! Peopo bus up each odda An wipe out each odda right in front me! Dey erytime make argue an beef.

1 Kings 19:4

But Elijah take one mo day fo go mo inside da boonies. He come by one broom tree an sit down undaneat, an he tell God fo let um mahke. He tell Da One In Charge, “I no can handle no moa! Let me mahke awready! No way I one betta man den my ancesta guys!”

Jeremiah 15:18

How come I still stay suffa? An how come my plenny sores no heal, an no like come good? You goin come Jalike one small stream Dat stay all dry up, o wat?! You goin come jalike one puka Dat no can trus fo get watta inside, o wat?!”