Jeremiah 2:7 - Hawaii Pidgin Bible

⁷ “But den, I wen bring you guys inside one land Wea fruit grow good, An you can eat odda stuff dat grow dea too. But wen you guys come hea, You make my land come all pilau. You guys make da property I give you Come one junk kine place.

Jeremiah 2:7 交叉參考

Jeremiah 16:18

Befo I bring back my peopo, I goin pay dem back double fo all da wrong kine tings an da bad kine stuff dey do. Cuz dey wen make my land come pilau wit dea bad kine idol kine gods dat I hate—gods dat no stay alive. Dey make da land dat I own come full wit uku pile a idol kine gods.”

Census 13:27

Dey tell Moses dis: “We wen go inside da land wea you wen sen us. Fo shua, ery place ova dea get plenny milk an honey. Hea, some fruits from ova dea.

Ezekiel 36:17

“Eh! Fo Real Kine Guy! Befo time, wen da Israel ohana peopo live inside dea land, dey make da land come pilau cuz a da way dey live. Dis da same kine pilau jalike da time ery month wen da Rules no let da wahine come in front me cuz she get her period.

Jeremiah 3:9

Da Israel peopo, no bodda dem wen dey go fool aroun in front da idol kine gods dat peopo make from stone an wood. Az why dey make da land pilau.

Jeremiah 3:1

Da One In Charge tell dis: “If one guy dump his wife, An she go way from him an go marry anodda guy, Den no way he can go back an marry her one mo time. Cuz if he do dat, den da land wea he do um goin come all pilau. But you guys stay live Jalike one hoa dat fool aroun wit plenny guys. So how come you guys tink now you can come back by me?! No ways!” Dass da message from Da One In Charge.

Micah 2:10

Stan up! Go way! Cuz dis land not yoa place fo res! Az cuz you guys wen make da land come all pilau. Now, stay all jam up an no can fix um.

Ezekiel 20:6

Dat day I make one strong promise to dem: ‘I goin bring you guys outa Egypt fo go one land I wen pick fo you. Az one land dat get plenny milk an honey, da mos beautiful land from all da odda lands.’

Nehemiah 9:25

Dey take ova towns dat get strong wall, An da bestes kine lands. Dey take ova plenny houses Dat stay full wit all kine good stuff. Dey take ova da holes da odda peopos wen dig Fo keep watta inside, An grape farms, an olive farms, An trees wit fruits fo eat. So oua peopo wen eat plenny an come full, An even start fo come fat. Dey party up cuz dey feel real good Bout all da good tings you do fo dem.

Rules Secon Time 21:23

you guys no can let his body stay hang dea till da nex morning. Make shua you guys bury him dat same day. Cuz if you let his body hang dea, God goin put kahuna on top da land. An you guys betta not make pilau da land yoa God, Da One In Charge, stay give you guys fo come yoa property.

Rules Secon Time 6:18

Do wass right an good, da way Da One In Charge see um, fo eryting go good fo you guys. Den you guys can go inside da good land dat Da One In Charge wen make one strong promise to oua ancesta guys fo give you, an take ova um.

Jeremiah 3:2

“Look up da high mountains Wea no mo plants grow cuz erybody go dea. You guys goin see all da sacrifice places dea Wea you wen go fool aroun in front da odda gods! You guys sit by da roads An wait fo somebody you can fool aroun wit, Jalike da steala guys from da dry boonies Stay wait fo jump somebody. You guys make da land pilau, Cuz you do real bad kine stuff Wen you stay fool aroun wit da odda gods.

Jeremiah 32:23

Dey come inside hea an take um ova. But dey no lissen wat you tell um, o stick wit da rules you wen teach um. Dey no live how you tell dem fo live. Az why you bring all dis bad kine stuff on top dem.

Jeremiah 32:30

“Fo shua, from da start da Israel peopo an da Judah peopo stay do ony bad kine stuff, da way I see um. Fo shua, da Israel peopo piss me off bout da idol kine gods dey make wit dea hands.

Ezekiel 20:28

I wen bring dem inside da land dat I wen make one strong promise fo give dem. But den, erytime dey see one high hill o one tree wit plenny leafs, dass wea dey make dea sacrifices dat make me come huhu. Dass wea dey put out dea stuffs dat smell nice an make you feel good. Dey pour out dea drink sacrifice dea too.’

Hosea 9:3

Da peopo no goin stay inside da land Da One In Charge own. Da Efraim peopo, some goin go back Egypt side, An some goin go Assyria side. Dey goin eat da kine food ova dea Dat make um so dey no can go in front Da One In Charge.

Rules Secon Time 32:9

Da One In Charge wen pick his peopo, Fo come dea God. Da peopo dat come from Jacob, Dey his property.

Nehemiah 9:26

“But still yet, da peopo no like lissen. Dey make war agains you. Dey tell laytas to da Rules you wen teach An make jalike dey no mean notting. Dey kill da guys dat stay talk fo you, Yoa talka guys dat wen talk to dem serious kine Fo help um turn aroun Fo come tight wit you one mo time. Dey talk real bad bout you.

Isaiah 19:25

Cuz Da One In Charge, Da God Ova All Da Armies, he goin do good stuff fo all a dem. He goin tell, “I goin make good stuff happen to my peopo, da Egypt peopo, an to da Assyria peopo dat I wen make, an to da Israel peopo dat goin be mines foeva!”

Ezekiel 20:24

I tell um dat cuz dey no lissen wat I tell um bout wass right an wass wrong fo dem do. Dey bag from my rules. Dey make da days dat stay spesho fo me come pilau, an dey tink ony bout da idol kine gods dea faddah guys wen pray to.

Ezekiel 23:35

Az why dis wat me, Da One In Charge, tell: You wen foget bout me an make like you donno who me. Cuz a dat, I goin punish you cuz you come pilau an fool aroun fo money.”