Jeremiah 2:34 - Hawaii Pidgin Bible

³⁴ You guys kill da guys dat need help, An peopo see dea blood On top you guy clotheses! An da ones you kill, dey neva do notting wrong. You guys neva even catch dem Stay broking inside yoa house.

Jeremiah 2:34 交叉參考

2 Kings 21:16

Dis happen, cuz Manasseh kill plenny peopo dat no do notting bad. Jalike he fill Jerusalem wit dea blood, from one side to da odda side. An one mo bad ting Manasseh do: he make da Judah peopo do plenny bad kine stuff too, da way Da One In Charge see um.

Jeremiah 19:4

Az cuz da peopo wen bag from me. Dey make dis landfill come one place fo da gods from odda places. Dey burn sacrifice ova hea fo da idol kine gods dat dey neva know befo time. Dea ancesta guys an da Judah kings neva know dose gods befo time too. An dis da place dey wen kill plenny peopo dat neva do notting wrong.

2 Kings 24:4

Dis Manasseh guy, he even wen kill plenny peopo dat neva do notting wrong, jalike he stay pour dea blood all ova Jerusalem town. Da One In Charge stay shua, he no goin let Manasseh go fo wat he wen do.

Outa Egypt 22:2

If da peopo catch one steala guy wen he broke inside one house nite time, an dey bus up da steala guy an he mahke, no need kill da peopo dat wen bus up da steala guy.

Ezekiel 24:7

Cuz da blood from da peopo you Jerusalem guys wen kill stay dea inside yoa town! You Jerusalem guys pour da blood ova one big rock dat no mo dirt. You no pour um on top da groun cuz you no like da dirt cova um up.

Ezekiel 20:31

Wen you guys give yoa gifs, da one wea you kill yoa bebes an burn up dea body fo make one sacrifice, dat mean, you guys still yet come pilau inside cuz a all yoa idol kine gods! You Israel ohana peopo tink I goin let you guys come in front me fo aks me fo tell you wass goin happen? No way! Fo shua I stay alive, an fo shua, no way I goin let you guys come in front me fo aks me wass goin happen! Az wat me, Da One In Charge, da Boss, tell.

Jeremiah 8:12

You tink dey come shame cuz dey do pilau kine stuff? Nah! Dey no mo shame! Dey no even know how fo ack jalike dey shame! Az why dey goin fall down Wit da odda peopo dat get kill. I goin bring dem down Wen I come fo punish dem!” Az wat Da One In Charge tell.

Jeremiah 7:31

Dey build sacrifice places jalike da one dey call Tofet, inside da Bet-Hinnom Valley, fo burn up dea boys an girls inside da fire, fo make one sacrifice. I neva tell um fo make lidat, an I neva make plan fo dem do dat!”

Jeremiah 6:15

You tink dey come shame fo da pilau kine stuff dey do?! No way! Dey no mo shame! Dey no even know how fo ack jalike dey shame. Az why dey goin get kill same time da odda peopo get kill. Dey goin fall down wen I punish dem.” Az wat Da One In Charge tell.

Isaiah 59:7

Dey run fas fo do bad kine stuff. Dey real quick fo kill peopo Dat neva do notting bad. Dey ony tink bout How fo do bad kine stuff. Ery place dey go, Dey broke up eryting.

Isaiah 57:5

You guys like fool aroun Unda da kine kapu trees fo da idol kine gods. You guys kill yoa kids fo da god Molek Down by da streams dat no mo watta, Fo make sacrifice unda da cracks in da cliffs.

Isaiah 59:3

You guys kill peopo an dey bleed an mahke, Jalike yoa hands stay dirty wit blood. God goin punish you guys fo all da kine stuff you do, An jalike yoa fingas get dirt all ova um From da tings you wen do Dat God goin punish you fo. You guys talk all bulai kine tings. You guys ony talk bout tings dass not right.

Jeremiah 2:33

You guys know fo shua how fo make da odda gods love you! You can even teach hoaz da way fo do da mos baddes kine tings!

Jeremiah 7:6

You guys no goin give hard time to da peopo from odda places dat stay live wit you guys, o da kids dat no mo faddah, o da widow wahines. You guys no goin go kill da peopo dat neva do notting wrong inside dis land. You guys no goin stay tight wit odda gods cuz dat goin hurt you guys.

Sad Song 1:9

Dey get da blame fo da bad kine stuff dey do. Az jalike if one wahine get blood on her skirts from her time ery month, Cuz she no tink bout wat goin happen bumbye. Da Jerusalem peopo, dey no tink bout wat goin happen to dem Cuz a da bad kine stuff dey stay do! Da wahine fall down, an dey drop dea jaws. No mo nobody can make her feel mo betta. She tell, “Eh! You Da One In Charge! Try look da hard time us guys get! Cuz da peopo dat stay agains us win awready!”

Sad Song 4:14

Az why now, da guys dat suppose to talk fo God an da pries guys Dey stagga thru da streets, Jalike da peopo dat no can see. Dey stay all pilau, cuz get blood all ova dem, Az why erybody sked fo touch dea clotheses.

Ezekiel 9:9

Da One In Charge tell me, “Da Israel peopo an da Judah peopo do real plenny bad kine stuff. Get plenny peopo dat wen bleed an mahke all ova Israel an Judah. An da judges all ova Jerusalem town no judge da right way, so dey let da killa guys go erytime. Da Israel peopo an da Judah peopo tell, ‘Da One In Charge wen bag from dis land. Da One In Charge, he no see wass happening!’

Ezekiel 22:25

Da Israel princes make plan togedda agains da land. Dey jalike da lion dat make loud noise wen he kill one animal an rip um up. Az jalike da prince guys eat up da peopo. Dey rip off da rich kine stuff dat worth plenny, an make plenny Israel wahines come widows.

Outa Egypt 22:1

If one guy go steal one cow o one sheep, an he kill um o sell um, fo da cow he wen steal he gotta pay back five cows, an fo da sheep he gotta pay back four sheeps.

Ezekiel 23:45

But get guys dat do da right kine stuff. Dey goin punish dose two big towns, Samaria an Jerusalem, jalike dey punish da wahines dat fool aroun behind dea husban back, an da ones dat make peopo bleed an mahke. Dose towns get da blame fo make lidat.