Jeremiah 19:9 - Hawaii Pidgin Bible

⁹ Da Jerusalem peopo goin snap. Az cuz da guys dat stay agains dem an like kill dem goin put dea army guys all aroun outside da town an no let um go get food. Dat time, I goin make dem kill dea boys an girls an eat um. Dey goin eat each odda too.’

Jeremiah 19:9 交叉參考

Isaiah 9:20

Ova one side, dey goin steal food an eat, But still yet dey hungry. Ova hea one side, dey eat stuff, But dey no come full. Dey even goin eat dea kids.

Sad Song 4:10

Even da wahines dat get love an pity Cook dea kids. Dey even eat dem, Wen my peopo come all bus up an wipe out.

Prieses 26:29

You guys goin eat yoa boys an yoa girls.

Ezekiel 5:10

Az why, right wea you guys stay, da faddahs goin eat dea kids, an da kids goin eat dea faddahs. I goin punish you guys, an I goin scatta da peopo dat still stay alive fo dem go all ova da place.

Sad Song 2:20

“Look, you Da One In Charge! Tink hard! You neva make lidis to odda peopo befo time! You tink da wahines suppose to kill dea kids an eat um, Da ones dat dey take kea dem, o wat?! You tink az good fo kill da pries guys an da guys dat talk fo you, Da One In Charge, Inside da Place Dat Stay Spesho Fo You?!

Jeremiah 13:14

Den I goin smash um agains each odda jalike dey clay wine jars. I goin even smash da faddah-muddah guys agains dea kids too, all togedda. I no goin show pity fo dem, o make easy kine to dem, o give dem chance. I goin wipe um out.’ ” Az da message from Da One In Charge.

2 Kings 25:3

Den, July 18 dat year, get hard time, cuz no mo food inside da big town. No mo notting fo da peopo eat.

Jeremiah 38:9

“Eh, you my king an you da boss! Dese guys wen do one real bad ting to Jeremiah, da guy dat talk fo Da One In Charge! Dey wen put him down inside one big hole fo watta. He goin mahke down dea cuz no mo notting fo eat. Right now, no mo bread inside Jerusalem town, you know.”